ڈی ایچ کیوہسپتال چترال سے کرونا سے صحتیاب ہوکر فارع ہونے والے افراد میں تحفے تقسیم کئے گئے
چترال (نمائندہ چترال ٹائمز) ڈسٹرکٹ ہیڈ کوارٹرز ہسپتال چترال سے چار ان افراد کو ڈسچارج کردئیے گئے جن کے کرونا وائرس ٹیسٹ گزشتہ ہفتے مثبت آئی جن میں چیو ڈوک کے شہاب الدین، گرم چشمہ کے شیر نواز اور چمرکن کے رحمت ولی خان اور شمس اکبر شامل ہیں۔ ہسپتال کے ڈپٹی میڈیکل سپرنٹنڈنٹ ڈاکٹر اسرار الدین اور کوویڈ – 19کے سلسلے میں ہسپتال کے اسسٹنٹ فوکل پرسن نے ڈاکٹر عباس نے فارع ہونے والے افراد میں تخفے تقسیم کئے اور انہیں ہار پہناتے ہوئے انہیں مبارک باد دی۔ ڈاکٹر اسرار الدین نے کہاکہ چاروں افراد کو دو دفعہ ٹیسٹ مسلسل منفی آنے پر انہیں فارع کئے جارہے ہیں۔ انہوں نے اس موقع پر فارع ہونے والے افراد کو خصوصی ہدایات دیتے ہوئے کہاکہ وہ اب بھی مکمل اختیاط کا مظاہرہ کرتے ہوئے سوشل ڈسٹنسنگ اور خوراک کا خیال رکھیں۔ ڈاکٹر عباس نے کہاکہ مثبت نتائج کے حامل دو کے سوا تمام افرا د میں کوویڈ – 19کے مرض کی علامات نہیں ہیں۔
فارع ہونے والے افراد نے ہسپتال میں قیام کے دوران ان کی بہترین خبر گیری کرنے اور ضروری سہولیات بہم پہنچانے پر ہسپتال انتظامیہ اور خصوصاً ڈاکٹر اسرار الدین اور ڈاکٹر عباس کی تعریف کی۔
![Chitral Times - The voice of Chitral | ڈی ایچ کیوہسپتال چترال سے کرونا سے صحتیاب ہوکر فارع ہونے والے افراد میں تحفے تقسیم کئے گئے chitral corona 4 patients discharge from hospital2 1](https://chitraltimes.com/wp-content/uploads/2020/04/chitral-corona-4-patients-discharge-from-hospital2-1-1024x768.jpg)