چترال دروش روڈ کی مرمت کی ناقص کام کے بارے عوامی شکایت کا سختی سے نوٹس، ڈپٹی کمشنر لویر چترال   نے بکراباد  کے مقام پر سڑک کی پی سی سی کے کام کا اچانک معائنہ

چترال ( نمائندہ چترال ٹائمز ) چترال دروش روڈ کی مرمت کی ناقص کام کے بارے میں عوامی شکایت کا سختی سے نوٹس لیتے ہوئے ڈپٹی کمشنر لویر چترال محمد عمران خان نے بکراباد چمورکھون کے قریب سڑک کی پی سی سی کے کام کا اچانک معائنہ کیا۔ انہوں نے این ایچ اے کے ٹھیکہ دار کو سختی سے ہدایت کی کہ وہ مطلوبہ معیار اور مقدار کے مطابق کام مکمل کرے۔ انہوں نے کنسٹرکشن فارم مزید تنبیہہ کرتے ہوئے کہ روڈ کنسٹرکشن میں کوالٹی پر کوئی کمپرومائز نہیں کیا جائے گا اور کام میں نقص پائے جانے پر سخت تادیبی کاروائی عمل میں لائی جائے گی۔ انہوں نے فیتہ کے ذریعے شولڈر ورک میں پی سی سی کے کالم کی پیمائش کی۔