صدر مملکت ڈاکٹر عارف علوی کا چترال حملے میں شہید ہونے والے پاک فوج کے جوانوں کے ورثاسے ٹیلی فون پر اظہارِ تعزیت
صدر مملکت ڈاکٹر عارف علوی کا چترال حملے میں شہید ہونے والے پاک فوج کے جوانوں کے ورثاسے ٹیلی فون پر اظہارِ تعزیت
اسلام آباد(چترال ٹایمزرپورٹ)صدر مملکت ڈاکٹر عارف علوی نے شہداکو وطن کی خاطر جان کا نذرانہ پیش کرنے پر خراج عقیدت پیش کیا ہے۔ ایوانِ صدر کے پریس ونگ سے جمعے کو جاری بیان کے مطابق صدر مملکت نے 6 ستمبر کو اوستئی پوسٹ کالاش ایریا اور جنجریٹ کوہ چترال میں حملے میں شہید ہونے والے پاک فوج کے جوانوں کے ورثاسے ٹیلی فون پر اظہارِ تعزیت کرتے ہوئے۔وطن کیلئے قربانی پر شہدااور ان کے خاندانوں کا قوم کی جانب سے شکریہ ادا کیا۔ صدر مملکت نے لانس نائیک ذوالفقار علی اور سپاہی شہزادہ اورنگزیب کے ورثا سے فون پر اظہارِ افسوس کیا۔ ڈاکٹر عارف علوی نے لانس نائیک شیر نواز اور لانس نائیک شاکر اللہ کے لواحقین سے بھی رابطہ کیا۔صدر مملکت نے شہداکے لواحقین کے ساتھ اظہار ہمدردی اور ان کے صبر جمیل کے لئے دعا کی۔ صدر مملکت نے شہداکیلئے بلندی درجات کی دعا کی اور وطن کیلئے ان کی خدمات کو سراہا۔
صدر عارف علوی نے ڈاکٹر امجد ثاقب کی بطور چیئرپرسن بینظیر انکم سپورٹ پروگرام تعیناتی کی منظوری دے دی
اسلام آباد(سی ایم لنکس)صدر مملکت ڈاکٹر عارف علوی نے ڈاکٹر امجد ثاقب کی بطور چیئرپرسن بینظیر انکم سپورٹ پروگرام تعیناتی کی منظوری دے دی۔ایوان صدر کے پریس ونگ کے مطابق صدر مملکت نے تعیناتی کی منظوری بینظیر انکم سپورٹ پروگرام ایکٹ 2010 کے سیکشن 5 تین کے تحت کی۔