چترال(نمائندہ چترال ٹائمز)جمعرات کی رات چترال ٹاون میں جغور گولدہ کے مقام پر ریٹائرڈ اُستاد غلام رسول کے گھر میں پریشر کوکر کے پھٹنے کے بعد سلنڈربلاسٹ ہوا جس کے نتیجے میں گھر میں موجود پانچ افراد جھلس گئے جنہیں فوری طورپر ڈسٹرکٹ ہسپتال چترال پہنچانے کے بعد پشاور ریفر کیا گیا۔پشاور لے جاتے ہوئے بشارت ولد رحمت الہی ساکن کیسو زخمیوں کی تاب نہ لاتے ہوئے راستے میں دم توڑ گئے جن کی عمر تقریبا آٹھ سال تھی جبکہ غلام رسول کی اہلیہ اور چترال یونیورسٹی کے پروفیسر محسن الملک صدیقی کی والدہ جمعہ کے روز شیرپاؤ ہسپتال پشاور میں انتقال کر گئی۔دو افراد غلام رسول استاد کی بیٹی اور بہو پشاور کے شیرپاؤہسپتال میں زیر علاج ہیں جنکی حالت خطرے سے باہر بتائی جارہی ہے۔جبکہ ایک بیٹا معمولی زخمی ہیں جنھیں ڈی ایچ کیو ہسپتال سے فرسٹ ایڈ دینے کے بعد فارع کردیا گیا۔