خیبر پختونخوا حکومت کا ماحول کو صاف ستھرا رکھنے اور صنعتوں سے نکلنے والے فضلے (سلری) کو ٹیکنالوجی کے ذریعے مکینیکل پلانٹ میں دیگر مقاصد کیلئے کار آمد بنانے کا فیصلہ
خیبر پختونخوا حکومت کا ماحول کو صاف ستھرا رکھنے اور صنعتوں سے نکلنے والے فضلے (سلری) کو ٹیکنالوجی کے ذریعے مکینیکل پلانٹ میں دیگر مقاصد کیلئے کار آمد بنانے کا فیصلہ
پشاور (چترال ٹائمزرپورٹ) خیبر پختونخوا حکومت نے ماحول کو صاف ستھرا رکھنے اور صنعتوں سے نکلنے والے فضلے کو ضائع ہونے سے بچا کر اسے متبادل اور مفید استعمال میں لانے کیلئے ماربل اور گرینائٹ کے فضلے(سلری) کو ٹیکنالوجی کے ذریعے مکینیکل پلانٹ میں دیگر مقاصد کیلئے کار آمد بنانے کا فیصلہ کیا ہے۔ اس مقصد کے حصول کیلئے درکار ٹیکنالوجی کی منتقلی اور ماربل و گرینائٹ فضلے کو متبادل استعمال کیلئے مکینیکل پلانٹ کی تنصیب میں تعاون بڑھانے کی غرض سے خیبر پختونخوا اکنامک زونز منیجمنٹ اینڈ ڈویلپمنٹ کمپنی اور پی سی ایس آئی آر لیبارٹریز کے مابین جمعہ کیروز کے پی ایزڈمک آفس حیات آباد پشاور میں منعقدہ تقریب کے دوران باقاعدہ مفاہمتی دستاویز پر دستخط ہوئیجبکہ وزیر اعلی خیبر پختونخوا کے معاون خصوصی برائے صنعت وحرفت اور فنی تعلیم عبدالکریم تورڈھیر اس موقع پر مہمان خصوصی تھے۔
معاون خصوصی کی موجودگی میں خیبر پختونخوا اکنامک زونز ڈویلپمنٹ اینڈ منیجمنٹ کمپنی کی جانب سے چیف ایگزیکٹیو آفیسر جاوید اقبال خٹک،پی سی ایس آئی آر لیبارٹریز کی جانب سے ڈائریکٹر جنرل جہانگیر شاہ نے اس باہمی تعاون کے اہم معاہدے پر دستخط کیئے۔اس معاہدے کی رو سیمہمند اکنامک زون میں کے پی ایزڈمک مکینیکل پلانٹ کی تنصیب کررہی ہے جبکہ پی سی ایس آئی آر لیبارٹریز معاہدے کے تحت درکار ضروری ٹیکنالوجی وہاں پر منتقل کرے گی۔یہاں یہ امر قابل ذکر ہے کہ صوبے میں مائننگ اور اسکے پراسیسنگ کے دوران گرینائٹ و ماربل سے زیادہ مقدار میں قابل تحلیل فضلہ ضائع ہو جاتا ہے جو سالوں بعد ماحول کیلے ایک خطرہ بنتا ہے جبکہ اس سے نمٹنے کیلئے اس کے محفوظ طریقے سے استعمال کی اشد ضرورت ہے۔ یہ معاہدہ صنعتی مقاصد کیلئے ٹیکنالوجی کے استعمال کیلئے باہمی تعاون کا ایسا اہم منصوبہ ہے جو ماحول دوست صنعتی ترقی میں انتہائی مددگار ثابت ہوگا کیونکہ صنعتوں سے نکلنے والا فضلہ ماحول کو صاف رکھنے میں آج ایک چیلنج کے طور پر سامنے آیا ہے۔خیبر پختونخوا ماربل صنعت کا ایک مرکز ہے جہاں ہر تقریبا 80 فعال صنعتیں موجود ہیں۔
وزیر اعلی کے معاون خصوصی کی ہدایت پر کے پی ایزڈمک منصوبہ بندی کرتے ہوئے اس فضلے کو متبادل استعمال میں لانے کیلئے موثر تدابیر اٹھا رہی یے جن میں دیگر اقدامات کے علاوہ سلری منیجمنٹ پلانٹ کا قیام بھی شامل یے۔اس موقع پر وزیر اعلی کے معاون خصوصی نے اظہار خیال کرتے ہوئے کہا کہ یہ بات ہمارے لئے انتہائی باعث مسرت ہے کہ ہم نے گرین کے پی اور کلین کے پی کے قومی مقصد میں پہل کرتیہوئے کامیابی حاصل کی اور پی سی ایس آئی آر کیساتھ یہ معاہدہ کیا۔انھوں نے کہا کہ ہم ماربل فضلے سے مصنوعی یا کلچرڈ ماربل بنائیں گے جس کیلئے پلانٹ بھی بنایا ہے جبکہ ان فضلہ جات کو فارما اور کئی دیگر ذرائع میں بھی زیر کام لایا جائے گا۔انھوں نے کہا کہ یہ معاہدہ ماحولیاتی تحفظ کی جانب بھی ایک اہم اقدام ہے۔معاون خصوصی نے کہا صوبے میں صنعتی ترقی اور اس شعبے کو پائدار معاشی استحکام کیلئے نتیجہ خیز کوششیں کرنا صوبائی حکومت کا مقصد و محور ہے اور اس سلسلے میں ہر طرح سے کوشش کی جائے گی۔انھوں نے کہا کہ سرمایہ کار آئیں اور یہاں مختلف بزنس ماڈلز کے تحت ویسٹ منیجمنٹ میں یہاں کی ترغیبات سے فائدہ اٹھائیں۔