ن لیگ نے انتخابات کیلئے امیدواروں سے درخواستیں طلب کر لیں
ن لیگ نے انتخابات کیلئے امیدواروں سے درخواستیں طلب کر لیں
لاہور( چترال ٹائمزرپورٹ)مسلم لیگ ن نے آئندہ عام انتخابات کے لیے امیدواروں سے درخواستیں طلب کر لیں۔مسلم لیگ ن کے قومی اسمبلی کے ٹکٹ کے امیدوار کو 2 لاکھ روپے، صوبائی اسمبلی کے ٹکٹ کے امیدوار کو 1 لاکھ روپے کا ڈرافٹ دینا ہو گا جبکہ ٹکٹ حاصل کرنے والے امیدوار کو اپنے پیشے سے متعلق اور دیگر بنیادی کوائف بھی دینا ہوں گے۔مسلم لیگ ن کے ٹکٹ کے امیدوار کو جمہوریت کے لیے خدمات بھی بتانا ہوں گی اور حلف بھی دینا ہو گا کہ ٹکٹ نہ ملنے کی صورت میں وہ پارٹی ڈسپلن کا پابند رہے گا۔مسلم لیگ ن کے ٹکٹ ہولڈر کو یہ حلف بھی دینا ہو گا کہ آئین کے آرٹیکل 62 اور 63 کے تحت وہ مکمل طور پر اہل ہے۔
سینیٹ: نیب ترمیمی آرڈیننس میں 120 دن توسیع کی منظوری
اسلام آباد(سی ایم لنکس)سینیٹ نے نیب ترمیمی آرڈیننس کی مدت میں 120 دن توسیع کی منظوری دے دی۔ چیئرمین سینیٹ صادق سنجرانی کی زیر صدارت سینیٹ کا اجلاس شروع ہوا جس میں نیب ترمیمی آرڈیننس میں توسیع کی قرارداد پیش کردی گئی جس ایوان نے کثرت رائے سے منظور کرتے ہوئے نیب ترمیمی آرڈی ننس میں 120 دن کی توسیع کردی۔قرارداد پیش کرنے پر پی ٹی آئی کے سینیٹر علی ظفر نے اعتراض کیا کہ سپریم کورٹ نے نیب ا?رڈی ننس مسترد کردیا ہے پھر اج اسے کیوں پیش کیا جارہا ہے۔اس پر ن لیگ کے سینیٹر اعظم نذیر تارڑ نے کہا کہ قانون سازی پارلیمینٹ کا اختیار ہے یہ ہمارا اختیار ہے ہم اسے پاس کریں گے۔