نیٹکو بس سروس کو اپر چترال کے ہیڈ کوارٹر بونی تک توسیع دی جائے۔ سابق ناظم عبدالرحمن

مستوج (نمائندہ چترال ٹائمز) مستوج کی معروف سیاسی و سماجی شخصیت سابق نائب ناظم مستوج عبدالرحمن لال نے کہا ہے کہ نیٹکو بس سروس کو مستوج اور بونی تک توسیع دی جائے ، ایک اخباری بیان میں انھوں نے کہا کہ سڑک خراب اور بعض مقامات پر تنگ ہونے کی وجہ سے بس سروس فلحال لاسپور تک محدود کردی گئی ہے ، جس کی وجہ سے مستوج تک بھی بس سروس ابھی تک بحال نہیں ہوئی، جبکہ لاسپور کے عوام نے اپنی مدد آپ کے تحت بعض ایریا میں سڑک کی مرمت کی ، انھوں نے کہا کہ گشٹ سے مستوج تک بعض مقامات پر سڑک بہت تنگ اور دشوار گزار ہے،جہاں بلڈوزر کے بغیر کام کرنا ناممکن ہے ۔ انھوں نے اپر چترال انتظامیہ اور این ایچ اے حکام سے مطالبہ کیا کہ سڑک کو بس سروس کے لئے ہموار کیا جائے تاکہ عام مسافروں کے ساتھ سیاحوں کو بھی سہولت میسر ہو۔ انھوں نے نیٹکو بس سروس کو بونی تک توسیع دینےکا بھی مطالبہ کیا ہے ۔

مستوج اور گلگت کے درمیان نیٹکو بس سروس دوبارہ بحال کیا جائے ۔ عوامی حلقے

 اپرچترال کے ہیڈکوارٹر بونی سے گلگت کیلئے نیٹکو بس سروس کا افتتاح

بونی ( زاکر محمد زخمی )  اپر چترال کے ہیڈ کوارٹر بونی میں ہفتے کے دن ناردرن ایریا ٹرانسپورٹ کمپنی ( نیٹکو) آفس کا باقاعدہ افتتاح تحصیل چیرمین مستوج سردار حکیم نے فیتہ کاٹ کر کیا۔اس موقع پر بونی کے نو منتخب ویلج ناظمین ،کونسلر،نیٹکو اسٹاف،ڈرئیور اور تجار برادری کےنمائندے اور دوسرے افراد موجود تھے۔تحصیل چیرمین سردار حکیم اس موقع پر خطاب کرتے ہوئے نیٹکو کے منیجنگ ڈائریکٹر کمال،منجیر غذر اسٹیشن رحمت الله و زمہ دران کا شکریہ ادا کیا کہ اس اہم کام کی انجام دہی کو ممکن بنانے میں کردار ادا کی ساتھ نیٹکو کے منیجنگ ڈائریکٹر وا دیگر زمہ دران سے اس میں حالات کے مطابق بہتری لانے کی درخواست کی انہوں نے کہا کہ آج بونی سے گلگت نیٹکو سروس شروع ہو رہی ہے اور اس میں حالات کے مطابق بہتری لانے کی جدوجہد جاری رہیگی نیٹکو کی نمائندگی کرتے ہوئےجونیئر ٹریفک منیجر (JTM) حمید الرحمٰن نے کہا کہ نیٹکو عرصہ دراز سے ناردرن ایریا میں بہترین اور قابل اعتماد سفری سہولیات فراہم کررہی ہے ۔اب تک یہ سہولت مستوج تک میسر تھی ۔اب اس میں گنجائش پیدا کرکے بونی تک بڑھا دیا گیا ۔اج کے بعد بونی سے گلگت تک مختلف سہولیات و پیکجز کے ساتھ نیٹکو سروس دستیاب ہوگی۔

یاد رہے کہ چترال اور گلگت کے درمیان تعلقات ،رشتہ داریاں کسی سے پوشیدہ نہیں قدیم الایام سے یہ رشتے اور رابطے لافانی و لا ثانی ہیں ۔اس میں مزید اسانیاں اور قربت اس وقت ممکن ہوسکتی ہے جب سفر کی دوشواریاں کم ہو کر آسان ہو۔نیٹکو عرصہ سے مستوج اور گلگت کے درمیان سفری سہولیات فراہم کررہی تھی اب مختلف کاوشوں کے نتیجے اسے وسعت دیکر بونی تک سروس کو بڑھا دیا گیا۔