نگراں حکومت خیبرپختونخوا کی جانب سے چار ماہ کا بجٹ پیش کرنے کے حوالے سے میڈیا پر چلنے والی خبر کی تردید

پشاور (چترال ٹائمز رپورٹ) محکمہ خزانہ خیبرپختونخوا کے ترجمان نے میڈیا پر چلنے والی اس خبر کی تردید کی ہے کہ جس میں کہا گیا ہے کہ خیبرپختونخوا کی نگراں حکومت اکتوبر 2023 میں چار ماہ کا بجٹ پیش کرنے جا رہی ہے، اس حوالے سے سیکرٹری خزانہ خیبر پختونخوا محمد ایاز خان نے واضح کیا ہے کہ ابھی تک ایسا کوئی اُصولی فیصلہ نہیں ہوا۔ تاہم انہوں نے مزید واضح کیا کہ پچھلی صوبائی حکومت نے مالی سال 2023-24 کے لیے نیا بجٹ سائیکل شروع کرنے کے لیے دسمبر 2022 میں انٹیگریٹڈ بجٹ کال سرکلر2023-24 جاری کیا تھا۔ لیکن موجودہ حالات میں چار ماہ کا بجٹ پیش کرنے کا فیصلہ کرنا قبل از وقت ہوگا۔ اس لئے اگر صوبائی حکومت اس سلسلے میں کوئی بھی فیصلہ لیگی تو مناسب وقت پر میڈیا کو ضرور مطلع کیا جائے گا۔