ماں کے دودھ کی افادیت سے متعلق ڈائرکٹوریٹ جنرل آف ہیلتھ کے زیر اہتمام چترال میں آگاہی نشست

Posted on August 16, 2021August 16, 2021

ماں کے دودھ کی افادیت سے متعلق ڈائرکٹوریٹ جنرل آف ہیلتھ کے زیر اہتمام ڈی ایچ کیوہسپتال میں آگاہی نشست

چترال (نمائندہ چترال ٹائمز) ماں کے دودھ کی افادیت سے متعلق آگاہی کے سلسلے میں ڈائرکٹوریٹ جنرل آف ہیلتھ کے زیر اہتمام دوسری نشست پیر کے روز ڈسٹرکٹ ہیڈ کوارٹرز ہسپتال چترال کے سبزہ زار میں منعقد ہوا جس میں فوکل پرسن محمد ظفر خان، پبلک ہیلتھ کوارڈینیٹر ڈاکٹر ولی خان، چارج نرس سکینہ ا ور ڈسٹرکٹ خطیب مولانا فضل مولیٰ نے بچوں کے لئے ماں کے دودھ کی اہمیت پر تفصیل سے روشنی ڈالی۔

انہوں نے نوزائید ہ بچے کو پیدائش کے فوراً بعد ماں کا دودھ دینے، بچے کو چھ ماہ کی عمر تک صرف اور صرف ماں کا دودھ حتیٰ کہ پانی بھی نہ پلانے اور کورونا وائرس انفیکشن میں مبتلا ماؤں کو اختیاطی تدابیر سے بچوں کو دودھ پلانا جاری رکھنے کی تاکید کی۔ اس موقع پر قرآن وحدیث کی روشنی میں بچوں کے لئے ماں کے دودھ کی افادیت واضح کرتے ہوئے کہاگیا کہ دو سال اور دو ماہ تک بچوں کو پلانے کے فوائد کو میڈیکل سائنس نے بھی ثابت کردی ہے جس میں ماں اور بچے دونوں صحت مند رہتے ہیں۔

پروگرام سے قبل ماں کے دودھ کی اہمیت کو اجاگر کرنے کے لئے آگہی واک کا اہتمام کیا گیا۔

ماں کے دودھ کی افادیت سے متعلق اپر چترال میں آگاہی واک اور پروگرام

Posted on August 11, 2021August 11, 2021

ماں کے دودھ کی افادیت سے متعلق اپر چترال میں آگاہی واک اور پروگرام

اپر چترال ( نمائندہ چترال ٹائمز ) اپر چترال میں ماں کے دودھ کی افادیت کے سلسلے عالمی آگاہی کا مہینہ منایا جارہا ہے۔ اس سلسلے کا ایک پروگرام اور اختتامی واک کا اہتمام تحصیل ہیڈ کوارٹر ہسپتال بونی اپر چترال میں کیا گیا۔ پروگرام میں ڈی۔ایچ۔او اپر چترال رحمت آمان ،ایم ۔ایس ٹی ایچ کیو بونی ڈاکٹر فرمان ولی ،قاضی لطف الرحمٰن ،ڈاکٹر سردار نواز, ڈاکٹر زہرہ ولی سمیت کافی تعداد خواتین اور ہسپتال سٹاف نے شرکت کی ۔ڈائریکٹر جنرل محکمہ صحت خیبرپختونخوا کے نمائندہ محمد ظفر نظامت کے فرائض سر انجام دی ۔تلاوت کلام پاک سے تقریب کا آغاز ہوا۔ایم ایس تحصیل ہیڈ کوارٹر ہسپتال بونی ڈاکٹر فرمان ولی مہمانوں کوخوش امدید کہا اور پروگرام کی اہمیت پر روشنی ڈالی ۔

قاضی لطف الرحمٰن نے اسلامی نقطہ نظر سے ماں کے دودھ کی اہمیت واضح کی۔ڈاکٹر زہرہ ولی اسیر موضع پر بات کرتے ہوئے ماں کی دودھ کو بچے اور ماں دونوں کے لیے مفید اور صحت مند قرار دیکر اس بات پر زور دیا کہ بریسٹ کینسرکیس کے اکثر سبب ماں کو جو بچوں کو موزون وقت تک دودھ نہ پلانا بھی ہے۔اللہ پاک ماں کی دودھ میں بچے اور ماں دنوں کے لیے صحت رکھا ہے۔ ساتھ مصنوعی دودھ کسی بھی لحاظ ماں کی دودھ کا متبادل نہیں اسلیے اس پیغام کو گھر گھر پہچایا جائے۔کہ ماں کی دودھ نہ صرف خوراک ہے بلکہ بچوں کی صحت کے جملہ ضروریات اس میں شامل ہیں۔

مہمان خاص ڈی ایچ ۔او اپر چترال رحمت آمان نے اسے آگاہی کے سلسلے بہترین پروگرام قرار دیا اور ایل ایچ ڈبلیوز پر زور دیکر کہا کہ کہ اپ کے رابطے ہمیشہ گھر گھر رہتا ہے اس لیے اس آگاہی پروگرام کے پیغام کو گھر گھر پہنچانے میں اپ کو کلیدی کردار ادا کرنا ہے ۔ماں کےدودھ کی افادیت یہ آخری پروگرام آگاہی واک کے ساتھ اختیتام پذیر ہوا۔