عالمی یوم اساتذہ کے موقع پر آغاخان ہائیر سیکنڈری سکول چترال کے دو ہونہار اساتذہ کو سرٹیفکیٹ اور شیلڈ سے نوازا گیا
عالمی یوم اساتذہ کے موقع پر آغاخان ہائیر سیکنڈری سکول چترال کے دو ہونہار اساتذہ کو سرٹیفکیٹ اور شیلڈ سے نوازا گیا
چترال ( چترال ٹائمزرپورٹ ) 5 اکتوبر پوری دنیا میں اساتذہ کے عالمی دن کے طور پر منایا جاتا ہے۔ اس دن کو منانے کا مقصد معماران قوم کے خدمات کو سراہتے ہوئے انھیں خراج تحسین پیش کرنا ہے اس سلسلے میں شہید اسامہ وڑائچ اکیڈمی چترال میں واحد ادارہ جو گزشتہ نو سالوں سے اساتذہ کی حوصلہ افزائی اور خدمات کو سراہنے کے لئے بہتر کارکردگی کی بنیاد پر سرٹیفکیٹ اور شیلڈ سے نوازتا آیا ہے۔
اسی سلسلے کی ایک پروقار تقریب گزشتہ روز سنیٹینئل سکول چترال کے مین ہال میں سجائی گئی۔ جس میں مختلف سکولوں کے اساتذہ کو شیلڈ اور تعریفی اسناد سے نوازا گیا۔ ان اساتذہ میں آغا خان ہایئر سیکنڈری سکول چترال کے دو ہونہار اساتذہ حسن علی سید اور اسرار نبی کے نام بھی شامل ہیں۔ اس سال آغا خان ہایئر سیکنڈری سکول چترال نے بہتر کارکردگی کی بنیاد پر ایوارڈ کے لئے حسن علی سید کے نام نامزد کیے تھے جو گزشتہ آٹھ سالوں سے بحیثیت لیکچرر مطالعہ پاکستان آغا خان ایجوکیشن کے ساتھ وابستہ ہیں۔اور اسرار نبی بطور لیکچرر ریاضی جو گزشتہ پانچ سالوں سے آغا خان ہایئر سیکنڈری سکول چترال میں درس و تدریس سے وابستہ ہیں کو شہید اسامہ وڑائچ اکیڈمی نے ریاضی کے بہترین تدریس پر تعریفی اسناد اور شیلڈ سے نوازا گیا۔
