پشاور(چترال ٹائمزرپورٹ)محکمہ اوقاف خیبر پختونخوا کے زیر انتظام صوبائی سطح پر حفظ و قرات مقابلے جو کہ چند وجوہات کی بناء پر موٗخر کئے گئے تھے۔ اب یہ مقابلے ترتیب شدہ شیڈول کے مطابق آڈیٹوریم عید گا ہ چارسدہ روڈ پشاور میں 11فروری2020بروز منگل مقابلہ حفظ (مردانہ)، 12فروری 2020بروز بدھ مقابلہ قرات (مردانہ)اور13فروری2020بروز جمعرات مقابلہ حفظ و قرات (زنانہ) منعقد ہونگے۔جملہ حفاظ، قراء، حافظات و قاریات کو فارم (ب) یا اصل شناختی کارڈ و متعلقہ اسناد اپنے ہمراہ لانے کے لئے کہا گیا ہے۔اس امر کا اعلان محکمہ اوقاف کے جاری کردہ ایک پریس ریلیز میں کیاگیا ہے۔