چترال کے نوجوانوں کے لئے یوتھ آفس چترال میں سی سی ٹی وی کیمروں کی تنصیب کے حوالے سے سات روزہ ورکشاپ کا انعقاد
چترال کے نوجوانوں کے لئے یوتھ آفس چترال میں سی سی ٹی وی کیمروں کی تنصیب کے حوالے سے سات روزہ ورکشاپ کا انعقاد
چترال (نمائندہ چترال ٹایمز ) ڈی سی چترال لوئر ارشد قیوم برکی کی ہدایت پر ایڈیشنل ڈپٹی کمشنر فنانس چترال لوئر انور اکبر خان نے چترال کے نوجوانوں کے لئے یوتھ آفس چترال میں سی سی ٹی وی کیمروں کی تنصیب کے حوالے سے سات روزہ ورکشاپ کی اختتامی تقریب میں شرکت کی۔ ڈسٹرکٹ سپورٹس آفیسر امیر زمان اور پلاننگ آفیسر سعادت حسین بھی ان کے ہمراہ تھے۔ ڈسٹرکٹ یوتھ آفیسر چترال لوئر فرہاد اللہ نے اے ڈی سی فنانس چترال لوئر کا خیرمقدم کیا اور انہیں چترال کے نوجوانوں کے لیے ڈسٹرکٹ یوتھ آفس کی تقریب اور مستقبل کے منصوبوں کے بارے میں بتایا۔
اے ڈی سی فنانس نے شرکاء سے خطاب کرتے ہوئے کہا کہ ضلعی انتظامیہ چترال لوئر چترال کے نوجوانوں کو سہولیات فراہم کرنے کے لیے ہر ممکن کوشش کر رہی ہے اور اس سلسلے میں کوششیں کر رہی ہے۔ انہوں نے چترال کے نوجوانوں سے کہا کہ وہ صحت مند سرگرمیوں میں خود کو شامل کریں۔
بعد ازاں اے ڈی سی فنانس اور دیگر افسران نے شرکاء میں اسناد تقسیم کیں۔
