ریشن کیلئے مختلف ترقیاتی منصوبوں کی منظوری پر پی ٹی آئی قیادت کا شکریہ۔ نوجوانان ریشن
چترال (چترال ٹائمز رپورٹ )ریشن کے عوام خصوصا نوجوانوں نے وزیراعلیٰ محمودخان اور وزیراعلیٰ کے معاون خصوصی وزیرزادہ کا شکریہ اداکرتے ہوئے کہا ہے کہ انکی ذاتی دلچسپی سے ریشن کے مختلف منصوبوں کیلئے خطیر رقم مختص کیا گیاہے ۔ جن میں پینے کے صاف پانی کا منصوبہ ، ریشن پولوگراونڈ اورپلے گراونڈ کیلئے خطیر رقم شامل ہیں۔ نوجوانان ریشن کی طرف سے وزیراعلیٰ اورمعاون خصوصی کا شکریہ اداکرتے ہوئے سہیل احمد ودیگر نے کہاہے کہ پولوگراونڈ پر کام اخری مراحل میں ہے جس کی نگرانی پولوایسوسی ایشن کو کرنی چاہیے تاکہ سرکاری خزانے کا ضیاع نہ ہو۔ انھوں نے مذید کہاہے کہ ریشن پاور ہاوس پر کام بھی زورشور سےجاری ہے امید ہے کہ اس سال کے اخرتک تکمیل کو پہنچ جائیگا مگر لنک روڈ پر کام شروع نہیں کیا گیا لہذا اس پر بھی کام شروع کیا جائے۔ انھوں نے علاقے کے نوجوانوں اور عمائدین کوپائپ لائن منصوبے کی بھی نگرانی کرنا کا مطالبہ کیاہے ۔
ریشن کے نوجوانوں نے پی ٹی آئی اپر چترال کے صدر رحمت غازی، پارٹی کے دیگر رہنماوں کے ساتھ ڈسٹرکٹ سپورٹس آفیسر، سابق وی سی ناظم شہزادہ منیر ودیگرکی کاوشوں کو بھی سراہتے ہوئے ان منصوبوں کی خصوصی نگرانی کا مطالبہ کیا ہے تاکہ عوام کو ان منصوبوں سے فائدہ پہنچنے کے ساتھ قومی خزانے کا بھی ضیاع نہ ہو۔