راولپنڈی؛ احتساب عدالت نے 22 ریفرنسز بحال کردیے، پیر کو سماعت ہوگی
راولپنڈی؛ احتساب عدالت نے 22 ریفرنسز بحال کردیے، پیر کو سماعت ہوگی
راولپنڈی(چترال ٹایمزرپورٹ) احتساب عدالت نے 22 نیب ریفرنسز بحال کردیے، جن پر سماعت پیر کے روز ہوگی۔نیب ترامیم کالعدم قرار دیے جانے کے بعد سپریم کورٹ کے فیصلے پر عمل درآمد کے تحت احتساب عدالت راولپنڈی نے 22 نیب ریفرنسز بحال کردیے۔ تمام ریفرنسز کے ملزمان کو نوٹس جاری کرکے 25 ستمبر کو عدالت طلب کرلیا گیا ہے۔دوران سماعت نیب پراسیکیوٹر کی جانب سے کہا گیا کہ جیل سے کیس ختم کرانے والے ملزمان دوبارہ اڈیالہ جیل بھیجے جائیں گے۔ 8 کیسز کے ملزمان پر فرد جرم عائد کی جائے گی۔ تمام مضاربہ، جعلی ہاؤسنگ ریفرنس اور کرپشن کیسز بحال ہوگئے۔احتساب عدالت کے جج راجا قمر زمان نے ریفرنس ری اوپن کرنے کی درخواست منظور کر لی۔ تمام 22 ریفرنسز کے ملزمان کو طلبی نوٹس متعلقہ تھانوں میں آج ہی پہنچائے جارہے ہیں۔ عدالت نے حکم دیا کہ طلبی نوٹسز کی آج ہی ملزمان سے تعمیل بھی کروا لی جائے۔عدالت نے پیر 25 ستمبر کو ری اوپن کیے گئے 22 ریفرنسز کی سماعت کے موقع پر پولیس کی اضافی نفری بھی طلب کرلی ہے۔
اسلام آباد سے بھارتی ایجنسی را کے 2 دہشت گرد پکڑے گئے
اسلام آباد(سی ایم لنکس)کاؤنٹر ٹیررازم ڈیپارٹمنٹ نے خفیہ اطلاع پر اسلام آباد میں کارروائی کرتے ہوئے 2 دہشت گردوں کو گرفتار کرلیا، ملزمان کا تعلق بھارتی خفیہ ایجنسی را سے نکلا۔وفاقی دارالحکومت اسلام آباد سے سی ٹی ڈی نے خفیہ اطلاع پر کارروائی کرتے ہوئے 2 دہشت گردوں کو گرفتار کیا، تحقیقات کے دوران ملزمان معیز احمد اور مہران یونس کا تعلق بھارتی خفیہ ایجنسی را سے نکلا۔سی ٹی ڈی کے مطابق گرفتار دہشت گردوں سے ایک کلو سے زائد بارودی مواد، ڈیٹونیٹرز، پرائما وائر اور پستول برآمد ہوئے۔تحقیقات کے دوران ملزمان نے اعتراف کیا کہ ان کا تعلق بھارت کی خفیہ ایجنسی را سے ہے اور انہوں نے اہم سیاسی اور مذہبی شخصیات کی ریکی بھی کی۔رپورٹ کے مطابق دہشت گردوں کو تھانہ سی ٹی ڈی منتقل کردیا گیا، ملزمان کیخلاف دہشت گردی کی دفعات کے تحت مقدمہ درج کر لیا گیا۔