جشنِ کاغلشٹ کے موقع پر انجمن ترقی کھوار کی زیرِ اہتمام محفلِ مشاعرہ کا انعقاد

اپرچترال ( نمائندہ چترال ٹائمز ) جشن کاغلشٹ کی تقریبات کو مزید رنگا رنگ بنانے اور کھوار زبان و ادب کو اجاگر کرنے کے لیے گزشتہ دن کاغلشٹ کے سبزہ زار میں ایک پُروقار محفلِ مشاعرہ کا انعقاد کیا گیا۔

اس ادبی تقریب کا اہتمام انجمن ترقی کھوار بونی نے، جشنِ کاغلشٹ ضلعی کمیٹی اور ٹورازم ڈویلپمنٹ اینڈ کلچر ڈیپارٹمنٹ کے تعاون سے کیا تھا۔ مشاعرے میں اپر چترال کے نامور شعرا کے ساتھ ساتھ لوئر چترال سے بھی متعدد سینئر اور ممتاز کھوار شعرا شریک ہوئے، جنہوں نے اپنی خوبصورت شاعری سے محفل کو چار چاند لگا دیے۔

تقریب کی صدارت کھوار ادب کے بزرگ شاعر افضل اللہ افضل نے کی، جب کہ مہمانِ خصوصی کی حیثیت سے معروف سیاسی، سماجی، و ادبی شخصیت چیئرمین محمد ارشاد نے شرکت کی۔ اسٹیج پر اعزازی مہمانوں میں انجمن ترقی کھوار اپر چترال کے سرپرست سلطان امیر سلطان، صدر شاہنواز شمشیر، معروف شعرا فضل الرحمن شاہد، شیر علی خان درانی، سلطان علی سلطان، مظہر الدین مظہر، رحمت علی گداز، زوالفقار علی ذلفی، اور اپر چترال پریس کلب کے صدر محمد علی مجاہد موجود تھے۔

اسٹیج سیکرٹری کے فرائض سینئر شاعر علاءالدین عرفی نے انجام دیے۔ تقریب کا آغاز تلاوتِ کلامِ پاک سے ہوا۔ بعد ازاں سینئر شاعر زاکر محمد زخمی نے مہمانوں کو خوش آمدید کہا اور اپنے خطاب میں کہا کہ “چترال کی دو اضلاع میں تقسیم کے باوجود کھوار زبان و ادب ہمیں ایک لڑی میں پروئے ہوئے ہیں۔” انہوں نے ضلعی انتظامیہ اور ثقافتی اداروں کا شکریہ ادا کیا کہ انہوں نے ادب کے اس رنگ کو جشنِ کاغلشٹ کا حصہ بنایا۔

محفل میں شریک شعرا میں علاءالدین عرفی، زار ولی شاہ زندگی، نذیر سائل، جہانگیر ولی جانی، بہادر علی علوی، علی نگاہ جان نگاہ، لغل زمان لغل، علی حضور فقیر، سردار ولی کاش، حفیظ اللہ امین، شہزاد احمد شہزاد، محمد اسلم شیروانی، ہزار محمد ساجد، مظہر الدین مظہر، شاہ نواز شمشیر، سلطان علی سلطان، فضل الرحمن شاہد، زاکر محمد زخمی، اور فضل اللہ افضل شامل تھے، جنہوں نے کھوار زبان میں اپنے کلام سے حاضرین کو خوب محظوظ کیا اور داد سمیٹی۔ محفل میں اہلِ قلم، ادب دوست، طلبا، اساتذہ، مقامی عمائدین، اور عوام کی بڑی تعداد نے شرکت کی، جو اس بات کی غمازی **کرتی ہے کہ چترالی عوام آج بھی اپنی زبان و ثقافت سے گہرا لگاؤ رکھتے ہیں۔

اختتامی خطاب میں مہمانِ خصوصی اور صدرِ محفل نے اس پروگرام کو سراہتے ہوئے امید ظاہر کی کہ مستقبل میں جشنِ کاغلشٹ کے موقع پر کھوار زبان و ادب کو مزید وسعت دی جائے گی۔ آخر میں انجمن ترقی کھوار بونی کے صدر شاہنواز شمشیر نے تمام مہمانوں کا شکریہ ادا کیا، اور یوں یہ خوبصورت مشاعرہ اختتام پذیر ہوا۔

اپرچترال؛ جشن کاغلشٹ، موسم خوشگوار ہوتےہی کھیل دوبارہ شروع ہوگئے،آج کرکٹ، فٹ بال، ولی بال اور لوکل ہاکی کے دلچسپ میچ کھیلے گئے ، کل سیمی فائنل میچ کھیلے جائیں گے

اپرچترال ( جمشیداحمد)جشن کاغلشٹ اپنے رنگ برنگے پروگرامات اور سنسی خیز کھیلوں کے مقابلوں کے ساتھ اج پایچواں دن میں داخل ہوئے ہیں اج کرکٹ، فٹ بال، ولی بال اور لوکل ہاکی کے دلچسپ میچ کھیلے گئے کل فٹبال اور ولی بال کے سیمی فائینل کھیلے جائیں گے۔فٹ بال چار ٹیمین سمی فائنل میں پہنچے ہیں پہلا سیمی فائینل لائگر ایف سی بمقابلہ چرون ایف دوسرا سیمی فائینل ہیڈکواٹر جغور بمقابلہ پشاور ایف سی کے درمیاں سہ پھر 4 بجے کھیلے جائیں گے۔ولی بال کے دو سیمی فائینل کھیلے گئے ۔پہلا سیمی فائینل بونی اے گرین بمقابلہ ہیڈکواٹر چترال ہیڈکواٹر چترال نے جیت کر فائینل میں پہنچا۔

دوسرا سیمی فائینل میں حکیم برادرز کوراغ بمقابلہ بونی اے وائیٹ کے درمیان کھیلا گیا حکیم برادر نے جیت کر فائینل کے لیے کوالیفائی کیا لوکل ہاکی کے مقابلوں میں تت اف ہاتم کوشٹ بمقابلہ ہیڈکواٹر چترال کوشٹ نے جیتا دوسرا میج عمران بونی اور ہیڈکواٹر موڑکھو کے درمیاں کھیلا گیا عمران الیون نے جیتا۔تیسرا کوشٹ بمقابلہ ضیا موردیر کوشٹ نے کامیابی حاصل کی۔چوتھا مقابلہ پرواک بمقابلہ انجگان لوٹکوہ پرواک ونر رہا۔پولو گراونڈ گیلا ہونے کی وجہ پولو کے میچیز اج بھی نہیں ہوئے۔کل گراونڈ خشک ہونے کی صورت پولو میچیز کھیلے جائیں گے اور جشن قاقلشٹ ٢٠٢٥ کا فائینل مقابلے 24اپریل کوہونگے اج موسم بہت خوشگوار تھا کاغلشٹ میں تیز دھوپ نکل ائی تھی کاغلشٹ شائیقین سے کھچا کھچ بھرا ہوا تھا وقفے وقفے سے ثقافتی شو اور ڈھو ل کے تھاپ نوجوانوں کا رقص دیکھنے کو ملا جس شائیقین محظوظ ہوئے۔

اپر چترال؛ جشنِ کاغلشٹ کی رنگارنگ افتتاحی تقریب، ڈپٹی کمشنر نے افتتاح کیا، کثیرتعداد میں لوگوں کی شرکت

اپرچترال (نمائندہ چترال ٹائمز ) اپر چترال کے ہیڈ کوارٹر بونی سے متصل وسیع و عریض سبزہ زار “کاغ لشٹ” میں 2005 سے تسلسل کے ساتھ جشنِ کاغلشٹ منایا جاتا ہے۔ اس سال بھی جشن کاغ لشٹ کمیٹی کی زیرِ نگرانی روایت کو برقرار رکھتے ہوئے جشن جوش و خروش سے منایا جا رہا ہے۔ جشن کے انتظامات کمیٹی کی ذمہ داری ہیں، ساتھ صوبائی حکومت اور ضلعی انتظامیہ اپر چترال کی بھرپور معاونت بھی حاصل ہے۔

آج بروز جمعہ رنگا رنگ تقریب کے ساتھ جشن کا آغاز ہوا، جو تین دن تک جاری رہے گا۔ افتتاحی تقریب میں علاقے کے معززین، شائقین اور سیاح بڑی تعداد میں موجود تھے۔ تقریب کے مہمانِ خصوصی ڈپٹی کمشنر اپر چترال حسیب الرحمٰن خلیل تھے۔جبکہ ڈی پی او اپر محمد عتیق شاہ اور ڈی ایس او اپر چترال شہناز بی بی و دیگر نمایان سرکاری اور سول شخصیات بھی موجود تھے۔ تقریب کا باقاعدہ آغاز تلاوتِ کلامِ پاک اور قومی ترانے سے ہوا۔ اسٹیج کے فرائض علاقے کی متحرک سیاسی و سماجی شخصیات محمد علی شاہ اور حسین زرین نے خوبصورت انداز میں انجام دیے۔

جشن قاق لشٹ کمیٹی کے جنرل سیکرٹری محمد حبیب لال نے مہمانوں کو خیرمقدم کہتے ہوئے جشن کی تاریخ، مقاصد اور اہداف تفصیل سے بیان کیے۔ انہوں نے صوبائی حکومت،ڈپٹی اسپیکر،ڈپٹی کمشنر، ضلعی انتظامیہ، پولیس، ٹی ایم ایز اور لائن ڈیپارٹمنٹ کے تعاون کا شکریہ ادا کیا۔اس موقع پر ڈی پی او اپر سیکیورٹی انتظامات بارے بتایا ،ڈی ایس او نے بھی خطاب کی۔مہمانِ خصوصی ڈپٹی کمشنر اپر حسیب الرحمٰن خلیل نے اپنے خطاب میں زور دیا کہ “جشن کے دوران مذہبی و علاقائی اقدار کا خیال رکھا جائے، کھلاڑی محبت، ہمدردی اور برداشت کا مظاہرہ کریں، اور ایک دوسرے کا احترام برقرار رکھیں۔ خصوصاً ضلع سے باہر کے مہمانوں کا خاص خیال رکھا جائے انہوں علاقے میں مثالی امن کو علاقے کی تعمیر و ترقی کے لیے اہم قرار دی اور کہا کہ جشن قاق لشٹ سے دنیا کو امن کا پیغام جانا چاہیے آپ اپنی طرف سے جشن کو کامیاب بنانے کے لیے ہر قسم کے تعاون کی یقین دہانی کی۔یاد رہے کہ چیرمین جشن قاق لشٹ کمیٹی شہزادہ سکندر الملک کی غیر موجودگی میں وائس چیرمین پرویز لال جشن کے جملہ انتظامات کی نگرانی کر رہے ہیں۔

جشن قاق لشٹ میں روایتی کھیلوں جیسے پولو، رسہ کشی، دوڑ، نشانہ بازی، لوکل ہاکی، اور “بوڈی دیک” کے علاوہ فٹ بال، کرکٹ، والی بال اور پیراگلائڈنگ کے مقابلے بھی ہوتے ہیں۔ ثقافتی تقاریب اور مشاعرے بھی منعقد کیے جاتے ہیں۔ جشن کا مقصد طویل سردیوں کے بعد علاقے کے لوگوں کو تفریح کا موقع فراہم کرنا ہے۔
تقریب کے شروع میں ڈپٹی کمشنر اپرچترال کی قیادت میں فلسطینی بھائیوں کے ساتھ اظہاریکجہتی کے طور پر ریلی کا انعقاد کیا گیا جس میں مختلف مکاتب فکر نے حصہ لیا،

جشن کاغلشٹ، معروف سماجی شخصیت سلطان وزیر کے انتقال پر ملتوی کردیا گیا، اب 18 اپریل سے شروع ہوگا

اپرچترال (نمائندہ چترال ٹائمز) چترال کا ثقافتی اور روایتی میلہ “جشن قاقلشٹ” 17 اپریل کے بجائے 18 اپریل سے شروع ہوگا۔ یہ حتمی فیصلہ اج بونی میں جشن قاقلشٹ کمیٹی کے ایک اہم اجلاس میں کیا گیا مقررہ تاریخ تبدیل کرنے کی وجہ بونی کی معروف سماجی شخصیت سلطان وزیر کی وفات کے باعث کیا گیا ہے، جنہیں عوامی حلقوں میں گہری عزت و توقیر حاصل تھی۔

سلطان وزیر مرحوم نہ صرف ایک سرگرم سماجی کارکن تھے بلکہ چترال کے ثقافتی اور کھیلوں کے فروغ میں بھی نمایاں کردار ادا کرتے رہے۔ پولو کے متعدد کھلاڑیوں کا تعلق بھی مرحوم کے خاندان سے ہے، جو جشن قاقلشٹ کا اہم حصہ ہوتے ہیں۔ ان کی رحلت پر جشن کا ایک روز مؤخر کیا جانا چترال کے باشندوں کی باہمی ہمدردی، ثقافتی ہم آہنگی اور روایتی اقدار کا عملی اظہار ہے۔

جشن کی تاریخ میں تبدیلی کے فیصلے کو عوامی سطح پر سراہا گیا ہے اور اسے چترال کی منفرد تہذیب و تمدن کی ایک روشن مثال قرار دیا جا رہا ہے، جہاں دکھ اور خوشی میں پوری برادری شریک ہوتی ہے۔

جشن کاغلشٹ کی تیاریوں اور مجوزہ تاریخ کے حوالے سے  کاغلشٹ کمیٹی کا اجلاس

بونی (جمشیداحمد)امسال جشن  کاغلشٹ کو شاندار انداز میں منانے کے حوالے سےجشن کاغلشٹ کمیٹی کا ایک اہم اجلاس اج اتوار کے دن معروف شخصیت جمیل لال بونی کے رہائیش گاہ بونی میں منعقد ہوا جس کی صدارت مختار لال چیف پیٹرن جشن کاغلشٹ کمیٹی نے کی اجلاس میں جشن کاغلشٹ کمیٹی کے ممبران کھیلوں کے کنوینرز اور دوسرے متعلقہ افراد نے شرکت کی اجلاس کا اغاز قاری تنزیل الرخمں کی تلاوت کلام پاک سے کیا گیا تلاوت کلام پاک کے بعدابتدائی کلمات پیش کرتے ہوئے جنرل سکرٹری جشن کاغلشٹ کمیٹی محمدحبیب نے جشن کی تیاری مقررہ تاریخ ایونٹ کھیل اور کنوینرز کی ذمہ داریوں اور جشن کی انعقاد کے لیے فنڈز اور دیگر امور کےحوالے سے حاضریں کو بریفنگ دی اور جشن کی تیاریوں کے حوالے سے چیرمین شہزادہ سکندرالملک کی کوشیوں کو سراہا

انہوں نے کہا ہم جشن کاغلشٹ کمیٹی اورممبراں شہزادہ سکندرلملک کی ہدایت اور مشوارے اور کوششوں کو قدر کی نگاہ سے دیکھتے ہیں اور جشن میں ان کی دلچسپی کی تعریف کرتے ہیں جنرل سکرٹری محمد حبیب نے مزید کہا کہ یہ جشن چترال کا تاریخی اور روایتی جشن ہے اس جشن کے سلسلے میں جشن قاقلشٹ کمیٹی کے ساتھ حسب روایت تمام اسٹیک ہولڈرز انتظامیہ پولیس لوکل گورنمنٹ این جی اوز محکمہ سیاحت اور موجودہ صوبائی اور مرکزی حکومت کی حمایت حاصل ہے کیونکہ یہ ایک کلچرل فسٹویل ہےجو کہ یہ جشن تمام مذہبی سیاسی قومی اور علاقائی تعصب سے پاک ہے صرف کے صرف ثقافت اور روایت کو اجاگرکرتی ہے یہاں پر تمام مہمانوں سیاحوں بچون بھوڑوں سب کے لیے ایک پرفضا تفریع کا مواقع فراہم ہیں اور نوجوان نسل کی ٹیلنٹ کوفوقیت بھی دی جاتی ہے ۔ وائیس چیرمین پرویز لال نے جشن کی تیاریوں اور مختلف کھیلوں کی کنوینیرز کی ذمہ داریوں کے حوالے سے انہیں اگاہ کیا

جشن کی انعقاد کے سلسلے میں شہزادہ سکندرالملک کی کوشیشوں کی تعریف کی اس سلسلے میں ڈپٹی اسپیکر خیبر پختون خواہ اسمبلی ثریا بی بی کی دلچسپی اور جشن کے ساتھ ہرممکن تعاون کی امید کا اظہار کیا۔ جشن سے پہلے کاغلشٹ سبزہ زار اور جشن ایریا کی حفاظت اور نگرانی میں ڈپٹی کمشنر اپر چترال ڈسٹرکٹ انتظامیہ اور پولیس کی کوششوں کی تعریف کی ۔ اس کے علاوہ مقرریں اور جشن ذمہ داراں اس سال جشن کو شاندار انداز میں منانے کا غزم کیا ایونٹ میں چترال کے روایتی کھیلوں کو فوقیت دینے چترالی ثفافت کو اجاگر کرنے اور سیاحت کو فروع دینے مزید جدید کھیلوں کو جشن میں اضافہ کرنے کی مشوارہ دے دی پولو میچوں کی انعقاد کے سلسلے میں پولو کمیٹی کو الگ اختیارات دینے کا فیصلہ کیا گیا جس کی زمہ داری جمیل لال کو سونپ دی گئی ایونٹ میں ادبی پروگرامات مشاعرہ ثقافتی شو کو بھی شامل کرنے کا مشورہ دیا گیا اور ان کو جشن میں شامل کیا گیا مقررین میں پرویز لال محمد حبیب مختار احمد سعید ولی احسان الحق ضیاء الدین سلطان سالک محمد علی شاہ عبداللہ جان صلاح الدین شجاع الدین رحمت علی اشفاق احمد ظہیرالدین بابر محسن لال دیگر نے اپنے مشوارے پیش کیے۔ اخر میں صدرے محفل مختار لال چیف پیٹرن جشن قاقلشٹ کمیٹی نے خطاب کیا

تیاریوں کے حوالے اپنے جامع مشوارے پیش کی کھیلوں کے کنوینرز کو حصوصی ہدایت کی کہ وہ اپنے ذمہ داری وفاداری اور دیانت داری سے انجام دیں اور سیاحوں اور شائیقیں کے لیے سب ملکر ایک شاندار جشن کرانے کی ہدایت کی اس سلسلے میں تمام اسٹیک ہولڈرز متعلقہ افراد انتظامیہ پولیس فورس اور شائیقین کو اس ثقافتی جشن کو کامیاب کرنے کی اپیل کی اور ہر قسم کی تعاون اور جشن کے دوران کمیٹی ممبران کے ساتھ ملکر بہترین سکورٹی فراہم کرنے کا توقع کا اظہار کیا گیا اخر میں جشن کے انقعاد کے تاریخ کےحوالے سے چیرمین جشن کاغلشٹ کمیٹی شہزادہ سکندرالملک سے مشاورت کی گئی جوکہ خود اجلاس میں موجود نہیں تھے اس نے ٹیلفونک حاضریں سے بات کی اور موسم کو دیکھتے ہوئے 17 اپریل تک شروغ کروانےکا توقع کا اظہار کیا

اسطرح حتمی فیصلہ 10 اپریل کی میٹنگ کے بعد کیا جائے گا۔ ازاں کمیٹی ممبراں کاغلشٹ انٹر پوائنٹ کا وزٹ کیا گیا جہاں انتظامیہ کی طرف سے تعینات پولیس ٹریفک اہلکاروں سے ملاقات کی اور سیاحوں کی امدورفت کے حوالے سے معلومات حاصل کی موقع پر ٹریفک پولیس انچارچ افیسر عطا الرحمن نے ٹریفک پلان کے بارے میں کمیٹی کو اگاہ کیا انہون نے کہا کاغلشٹ انے والے سیاحوں اور شائیقیں کے لیے انتظامیہ کی طرف سے بہترین ٹریفک پلان تیار کیا گیا ہے جس کے مطابق جشن ایریا اور کاغلشٹ جانے والے سیاحوں اور شائقین کو دائیں راستہ اختیار کرنے اور انے والے گاڑیوں کو بائین جانب سڑک استعمال کرنے کی تاکید اور پابند کیا گیا ہے جس سے امدورفت میں اسانی ہو چکی ہے اور ٹریفک اسانی سے روان دوان ہے۔