تحریک حقوق عوام اپر چترال کے زیر اہتمام گندم کی قیمت میں بے تحاشہ اضافہ اور چترال شندور روڈ میں کام کی بندش کے خلاف احتجاجی جلسہ

Posted on June 1, 2023

تحریک حقوق عوام اپر چترال کے زیر اہتمام گندم کی قیمت میں بے تحاشہ اضافہ اور چترال شندور روڈ میں کام کی بندش کے خلاف احتجاجی جلسہ

اپر چترال (نمائندہ چترال ٹائمز )تحریک حقوق عوام اپر چترال کے زیر اہتمام گندم کی قیمت میں بے تحاشہ اضافہ اور چترال شندور روڈ میں کام کی بندش کے خلاف اپر چترال بونی میں احتجاجی جلسہ منعقد ہوا جس کی صدارت صدر تحریک حقو ق عوام اپر چترال مختار احمد سنگین نے کی ۔جلسے میں اپر چترال کے مختلف علاقوں سے اۓ ہوۓ عوام کی کثیر تعداد شرکت کی۔ مقرریں نے اپنے خطاب میں گندم کی قیمت میں بے تحاشہ اضافے کو عوام پر ظلم اور نا انصافی قرار دیا اور سبسڈی کو بحال کرنے کا پرزور مطالبہ کیا ۔مقرریں چترال شندور روڈ کے حوالے سے بات کرتے ہوۓ کہا کہ حکومت نے روڈ پر کام کو روکر اپر چترال کے عوام کے ساتھ ظلم کیا ہے۔ تیار ترکول اوکھاڑ کر متعلقہ ٹیکہ دار نے روڈ کو تباہ برباد کر کے چھوڑا ہے جو اپر کے عوام کے ساتھ انتہاٸی نا انصافی اور ظلم ہے ۔انھوں نے روڈ پرکام کو فوری شروغ کرنے کا مطالبہ کیا۔

مقررین نے مزید کہا مطالبات منظور نہ ہونے کی صورت میں لوٸیر چترال کے نمایندوں اور عماٸدیں سے مشاورت کرکےمساٸل کو حل کرنے کےلیےتحریک چلاٸین گے عوام کو سڑکون پر لا کر احتجاج،جلوس جلسوں کا سلسلہ مطالبات کی منظوری تک جاری رکھیں گے اور روڈ بلاک کرکے اس سال ہونے والاشندور فیسٹیول کوبھی منعقد نہیں ہونے دینگے۔ مقرریں میں نادر خان، عید علی ،جلال الدین ،سلطان نگاہ، نادر جنگ، رحمت سلام، سابق ناظم سلامت خان ،محی الدین ،شاہ وزیر لال، سابق ایس پی محمد سعید خان لال، عبداللہ جان و دیگر نے خطاب کیے جلسے کی نظامت کے فراٸیض معروف سماجی و سیاسی شخصیت پرویز لال نے انجام دین۔

تحریک حقوق عوام اپر چترال کی کال پر چترال،بونی، مستوج ،شندور روڈ پر کام کی بندش کے خلاف بونی میں میٹنگ، حکومت کو 20 مئی تک کا ڈیڈ لائن

Posted on May 8, 2023

تحریک حقوق عوام اپر چترال کی کال پر چترال،بونی، مستوج ،شندور روڈ پر کام کی بندش کے خلاف بونی میں میٹنگ، حکومت کو 20 مئی تک کا ڈیڈ لائن

اپر چترال ( نمایندہ چترال ٹایمز ) چترال بونی شندور روڈ پر کام کی بندش کے سلسلے میں تحریک حقوق عوام اپر چترال کی کال پر ایک میٹنگ زیرِ صدارت صدر تحریک حقوق عوام اپر چترال مختار احمد سنگین مقامی ہوٹل میں منعقد ہویی جس میں تمام سیاسی جماعتوں کے نمائیندے اور سول سوسائٹی کے افراد نے شرکت کی۔
تحریک حقوق عوام اپر چترال کے سرگرم رکن اور معروف سیاسی و سماجی شخصیت پرویز لال نے نظامت کی جبکہ چیرمین وی سی اوی شیخ عبداللہ مہمان خصوصی تھے۔تلاوتِ کلام پاک سے میٹنگ کا آغاز ہوا۔پرویز لال نے ون پوائنٹ ایجینڈا پش کیا۔ میٹنگ میں شریک تمام حضرات نے اس بات پر شدید غم و غصہ اور مایوسی کا اظہار کیا کہ ہر حکومت چترال اور خصوصاً اپر چترال کے ساتھ سوتیلی ماں کی سلوک پر عمل پیرا ہے۔اس وجہ سے اپر چترال ترقی کے بجائے پسماندگی کی طرف جارہی ہے۔ گزشتہ سال این ایچ اے کا ٹھیکہ دار چترال بونی روڈ سے ترکول اکھاڑ کر کھنڈرات میں تبدیل کرکے خود رفو چکر ہوگئے اور تاحال غائب ہے اس وقت اپر چترال کے عوام ایک بار پھر آسی کے دہائی میں جی رہے ہیں۔جوکہ المیہ ہے اجلاس میں متفقہ قرار داد کے ذریعے این ایچ اے اور اعلی حکام کو دس دن کی ڈیڈ لائن دی گئی۔کہ اگر دس دنوں میں عملی طورپر چترال،بونی،مستوج ، شندور روڈ پر کام شروع نہ ہوا تو اپر چترال کے عوام تمام سیاسی وابستگی اور تفرقات سے بالا تر ہوکر متفقہ تحریک شروع کریگی۔اس کے لیے 20 مئی تک ڈیڈ لائن مقرر کیا گیا۔

میٹنگ میں یہ بھی فیصلہ کیا گیا۔ کہ احتجاجی تحریک شروع ہونے کی صورت میں عملی کام شروع ہونے تک احتجاج جاری رہیگا۔میثنگ میں دیدار ولی میر،افگن رضا،بابر علی اور کونسلر صادق الرحمٰن پاکستان تحریک انصاف کی نمائندگی کررہے تھے۔ امجد علی پاکستان پیپلز پارٹی، شکیل احمد اورمجتبی احمد جماعت اسلامی،شاہ وزیر لال عوامی نیشنل پارٹی کے نمائیندگی کرتے ہوئے موجود تھے،جبکہ دوسروں میں سابق ناظم سلامت خان،سابق کونسلر عید علی،وی سی چیرمین اوی شیخ عبداللہ،عبداللہ جان، اعجاز احمد،ریٹائرڈ صوبیدار جلال،وزیر شاہ اور کونسلر شفیع احمد لال شریک تھے علاوالدین ڈرائیور برادری کی طرف سے اجلاس میں حاضر تھے۔مختار احمد سنگین صدراتی خطاب میں شراکاء کو مشورہ دیا کہ اٹھارہ مئی تک اس تحریک کو جاندار اور کامیاب بنانے کے لیے اپنے اپنے حلقوں میں آگاہی میٹنگ منعقد کریں اٹھارہ تاریخ کو احتجاجی تحریک کو ختمی شکل دینے اور شیڈول مرتب کرنے لیے میٹنگ ہوگی اُس میٹنگ کے لیے کوئی سرکلر کسی ایشو نہیں کیا جائیگا بلکہ آج کے اس اعلان کو ختمی تصور کیا جاکر حلقے کے لوگوں کے ساتھ شرکت کریں۔

تحریک حقوق عوام اپر چترال کی کال پر عمائدین بونی کا اجلاس۔بجلی کی بدترین لوڈ شیڈنگ پر شدید احتجاج کا فیصلہ

Posted on March 24, 2023March 24, 2023

تحریک حقوق عوام اپر چترال کی کال پر عمائدین بونی کا اجلاس۔بجلی کی بدترین لوڈ شیڈنگ پر شدید احتجاج کا فیصلہ

اپر چترال ( نمایندہ چترال ٹایمز) اپر چترال میں بجلی کی ناروا لوڈشیڈنگ کے خلاف جمعہ کے روز ایک ہنگامی اجلاس تحریک حقوق عوام اپر چترال کی کال پر بونی میں منعقد ہوا۔ اجلاس میں میں مختلف سیاسی پارٹیوں کے نمائیندوں کے علاوه ڈسٹرکٹ بار اپر کے صدر محمد نواب خان ایڈوکیٹ اور قاضی ممتاز ایڈوکیٹ نے خصوصی طور پر شرکت کی ۔عوامی نیشنل پارٹی کے بزرگ رہنما شاہ وزیر لال نے صدارت کی جبکہ شراکاء میں عبد السلام لال،سابق ناظم کشافت یونس ،تحریک حقوقِ عوام اپر کے صدر مختار احمد سنگین،پی پی پی کے سنئیر رہنما سردار ،سابق کونسلر رحمت سلام لال ،پاکستان مسلم لیگ نواز کے سنئیر نائب صدر پرویز لال اور ووربلی، قاضی بہادر علی،مذہبی سکالر سلطان نگاہ،سردار عجب وغیرہ موجود تھے۔

اجلاس کا آغاز کرتے ہوئے پرویز لال نےحالیہ بدترین لوڈ شیڈنگ پر شدید غم و غصے کا اظہار کیا اور کہا کہ رمضان کے مبارک مہینے محکمہ پیڈو لوگوں کو لوڈ شیڈنگ کی صورت میں سزا دے رہی ہے جو ناقابل برداشت ہے۔محکمہ پیڈو لوگوں کو غیر ضروری انتشار پر اکسا رہی ہے اور جان بوجھ کر مسلے پیدا کرنے کی کوشش میں مصروف ہے جو سمجھ سے بالا تر ہے۔انتظامیہ کو بروقت اس کا نوٹس لینا چاہیے ۔میٹنگ کے جملہ شراکاء پرویز لال سے اتفاق کرتے ہوئے جدوجہد کو جاندار اور منظم بنانے کے لیے کل 24 مارچ کو ایک اور باضابطہ میٹنگ بلانے کی سفارش کی جس میں تمام منتخب بلدیاتی نمائیندوں اور دیگر معززین کو بھی شامل کرکے لایحہ عمل تیار کرنے کی تجویز سے اتفاق کیا گیا اور کل کے میٹنگ میں اگلے لایحہ کے بارے ختمی فیصلہ کیا جائیگا۔

یاد رہے کہ ہیڈ کوارٹر بونی میں جہاں عوامِ بونی کے علاوه تمام ہیڈ اف ڈیپارٹمنٹ،ہزاروں مسافر اور ملازمین رہتے ہیں اس وقت نہ افظاری میں بجلی ہے اور نہ سحری میں۔بجلی کی بدترین لوڈ شیڈنگ عوام کے لیے ناقابل برداشت ہو چکی۔تنگ آمد بجنگ آمد کے مصداق عوام بونی بھی احتجاج مجبور ہیں۔