برفانی تودوں کی وجہ سے گرم چشمہ روڈ ہر قسم کی ٹریفک کے لئے بند
برفانی تودوں کی وجہ سے گرم چشمہ روڈ ہر قسم کی ٹریفک کے لئے بند
گرم چشمہ (نمائندہ چترال ٹائمز)رات گئے برفانی تودے گرنے کی وجہ سے گرم چشمہ روڈ غریش لنگا سے لے کر چومبور پل تک مکمل طور پر بند ہوگئی ہے۔ ساتھ میں دربند گبور کے مقام پر برفانی تودوں کی وجہ سے روڈ ہر قسم کی ٹریفک کے لئے بند ہے۔گرم چشمہ روڈ کھولنے کے لئے اپنی مدد آپ کے تحت کام جاری ہے۔ مگر برفانی تودہ مقدار میں زیادہ ہونے کی وجہ سے تاحال روڈ کھولنے میں کامیابی نہیں ملی ہے۔ علاقے کے لوگوں نے این ایچ اے انتظامیہ سے اپیل کی ہے کہ جلد سے جلد مشینوں کو برفانی تودوں کے مقام پر پہنچایا جائے تاکہ روڈ کھولا جاسکے۔
