محترم مولانا ھدایت الرحمن ایم پی اے اور عبد الرحمن کے درمیان ایک قطعہ زمین کے تنازعہ کو بنیاد بنا کر الیکٹرانک اور سوشل میڈیا پر ہر دونوں جانب سے الزامات در الزامات اور خاص کر ایک عالم دین ایم پی اے کی کردار کشی کا جو سلسلہ چل پڑا ہے وہ سیاسی سماجی علمی اخلاقی معاشرتی غرض کسی بھی طور لائق تحسین نہیں ہے. سیاسی رقابتوں کی بنیاد پر ایک دوسرے پر شرمناک حد تک کردار کشی کا جو چلن ہماری سماجی زندگی میں سیرائت کر چکی ہے. یاد رکھئیے اس سے کسی کو فائدہ ملنے والا نہیں البتہ اس کی دھواں سب کے دامن کو داغدار کر کے ضرور چھوڑیگا.
اس لئے میری تمام میڈیا ایکٹوسٹ اور سیاسی کارکنان سے التجا ہے . کہ اس سلسلے کو بخدا بند کیجئیے.

اور ایم پی اے صاحب کو بھی چاہئیے کہ فراخ دلی کے ساتھ. دو قدم آگے بڑھ کر نہ صرف اس مبینہ متاثرہ شہری کی داد رسی کریں. بلکہ اسے ساتھ لیکر پریس کے سامنے آئیں اور ساری حقیقت میڈیا کے سامنے رکھیں تاکہ چترال کی پر امن سیاسی فضاء مزید مکدر ہونے سے بچ سکے.
آخر میں آپ تمام قارئین سے کہونگا کہ خدا را ایسے بے سروپا باتوں پر تبصرہ اور رائی زنی سے پہلے قران مجید کی سورۃ الحجرات کی آیات میں بیان کردہ معاشرتی ضابطہ اخلاق کا مطالعہ ضرور کجیئیے.
والسلام