چترال کے دورآفتادہ علاقہ مدک لشٹ میں نامدار کونسل کے زیراہتمام آٹھارہ جوڑوں کی اجتماعی شادی کی تقریب
چترال کے دورآفتادہ علاقہ مدک لشٹ میں نامدار کونسل کے زیراہتمام آٹھارہ جوڑوں کی اجتماعی شادی کی پررونق تقریب
چترال (نمائندہ چترال ٹائمز) مدک لشٹ چترال لوئرکا دورآفتادہ اور انتہائی پسماندہ علاقہ ہے، مگر تعلیمی لحاظ سے زرخیز اورسیاحتی مقام ہے جہاں کی عوام اتفاق و اتحا د اور سماجی کاموں کے لئے مشہور ہی تھے مگر اجتماعی شادی کی ایک پررونق تقریب منعقدکرکے اپس کی اتحاد کو مذید مظبوط بنادئیے ہیں۔ اسماعیلی نامدار کونسل کے زیراہتمام گزشتہ دن مدک لشٹ میں آٹھارہ جوڑوں کی اجتماعی شادی کی تقریب منعقد ہوئی جس میں شادی کے بندھن میں باندھنے والے جوڑوں کے رشتہ داروں اور عزیزو اقارب کے علاوہ گاوں کی اکابرین و مختلف مکاتب فکر نے کثیر تعداد میں شرکت کی۔ اس بے لگام مہنگائی کے دور میں اجتماعی شادی کی تقریب انتہائی سادگی سے منائی گئی، جس میں صرف ایک ڈش کا اہتمام کیا گیا تھا۔ نکاح کی رسم بھی انتہائی سادہ اور جہیز نام کی کوئی چیز بھی شامل نہیں تھی۔ نکاح کے موقع پر شرکاء میں مٹھائی تقسیم کی گئی۔ تقریب کے اخر میں تمام جوڑوں کو نیک خواہشات کے ساتھ رخصت کیا گیا۔ عین شاہدین کے مطابق اس تقریب میں انتہائی کم خرچہ آیا جس کو تمام حاضرین سے سراہا۔
