کل سے صوبے کے بیشتر علاقوں میں وقفے وقفے سے اندھی چلنے اور گرج چمک کے ساتھ بارش کی پیشگوئی ۔ محکمہ موسمیات 

کل سے صوبے کے بیشتر علاقوں میں وقفے وقفے سے اندھی چلنے اور گرج چمک کے ساتھ بارش کی پیشگوئی ۔ محکمہ موسمیات

اسلام آباد (نمائندہ چترال ٹائمز ) محکمہ موسمیات نے 13 سے 16 جون کے دوران بالائی /وسطی علاقوں میں وقفے وقفے سے آندھی/جھکڑ/گرج چمک کے ساتھ بارش کی پیشگوئی کی ہے، اس دوران شدید گرمی کی لہر میں کمی کا امکان ہے،

محکمہ موسمیات کے مطابق مرطوب ہوائیں ملک کے با لائی علاقوں میں داخل ہو رہی ہیں اورمغربی ہواؤں کا سلسلہ بھی 13 جون سے ملک کے بالائی علاقوں پر اثر انداز ہونے کا امکان ہے ۔جس کے باعث

13سے 16 جون کے دوران : کشمیر، گلگت بلتستان، مری، گلیات، چترال، دیر، سوات، مالاکنڈ، مانسہرہ، بٹگرام، شانگلہ، کوہستان اور ایبٹ آباد میں آندھی/جھکڑ اور گرج چمک کے ساتھ وقفے وقفے سے بارش کا امکان ۔اس دوران چند مقامات پرژالہ باری کی بھی توقع ہے ،
13سے 16 جون کے دوران: اسلام آباد، راولپنڈی، اٹک، چکوال، جہلم، میانوالی ،سرگودھا ،حافظ آباد، منڈی بہاؤالدین، گوجرانوالہ، گجرات، سیالکوٹ، نارووال، لاہور، فیصل آباد، جھنگ، ٹوبہ ٹیک سنگھ،ہری پور، پشاور، مردان، صوابی، نوشہرہ، چارسدہ ،باجوڑ،مہمند، خیبر، اورکزئی، کرم،کوہاٹ،بنوں، کرک، ڈی آئی خان، وزیرستان، ژوب، بارکھان اور موسیٰ خیل میں آندھی/جھکڑ اور گرج چمک کے ساتھ وقفے وقفے سے بارش اور چند مقامات پرژالہ باری کی بھی توقع۔ اس دوران جنوبی پنجاب اور بالائی سندھ کے تمام اضلاع میں آندھی/جھکڑ اور گرج چمک کے ساتھ بارش کا بھی امکان ہے،

ممکنہ اثرات اور احتیاطی تدابیر:
اسلام آباد سمیت بالائی/وسطی حصوں میں آندھی/جھکڑ / ژالہ باری/گرج چمک اور تیز/ موسلادھار بار ش کے باعث کمزور انفرا سٹرکچر ( بجلی کے کھمبے، درخت ، گاڑیوں، سولر پینل وغیرہ)کو نقصان کا اندیشہ ہے،
اس دوران موجودہ شدید گرمی کی لہر میں کمی کا امکان ہے،
کاشت کار حضرات کو اپنی فصلوں کے معاملات موسمی حالات کے مطابق ترتیب د ینے اور عوام الناس، مسافروں اور سیاحوں کو خراب موسم کے دوران احتیاطی تدابیر اختیار کرنے کا مشورہ دیا گیا ہے،

دریں اثنا تمام متعلقہ اداروں کو اس دوران ” الرٹ “رہنے اور کسی ناخشگوار واقعہ سے بچنے کے لیے تمام ضروری اقدامات کرنے کی ہدایت کی گئی ہے۔

دریں اثنا پی ڈی ایم اے کی جانب سے تمام ضلعی انتظامیہ کو بارشوں باعث کسی بھی ناخوشگوار واقعے سے پیشگی نمٹنے کے لیے مراسلہ جاری کردیا گیا ہے،

کسی بھی نا خوشگوار واقعے سے پیشگی نمٹنے کے لئے ضلعی انتظامیہ کو چھوٹی بڑی مشینری کی دستیابی یقینی بنانے کی بھی ہدایت کی گئی ہے۔
مراسلہ میں کہا گیا ہے کہ بارش کے دوران عوام بجلی کی تاروں، بوسیدہ عمارتوں و تعمیرات، سایئن بورڈز اور بل بورڈز سے دور رہے۔ ۔حساس بالائی علاقوں میں سیاحوں اور مقامی آبادی کو موسمی حالات سے باخبر رہنے کے لیے احتیاتی تدابیر اپنانے کی بھی ہدایت کی گئی ہے۔