قاری فیض اللہ چترالی کا اپرچترال کے دریائی کٹاو سے متاثرہ گاوں جنالی کوچ کا دورہ ، متاثرین میں امدادی چیک تقسیم

چترال ( نمائندہ چترال ٹائمز ) معروف سماجی و دینی شخصیت قاری فیض اللہ چترالی بونیر میں سیلاب متاثرین میں بڑے پیمانے پر امدادی سرگرمیوں کے بعد چترال پہنچ گئے ہیں۔چترال میں قیام کے پہلے روز انہوں نے جنالی کوچ اپر چترال کے نو متاثرہ گھرانوں میں نقد امداد تقسیم کی، جس کے بعد وہ موڑکھو روانہ ہوگئے۔

زرائع کے مطابق قاری فیض اللہ چترالی کل موڑکھو، تورکھو، ریچ اور کھوت سمیت اپر چترال کے مختلف علاقوں کا دورہ کریں گے۔ اس دوران وہ ان مساجد و مکاتب کا بھی جائزہ لیں گے جہاں ان کی جانب سے امداد فراہم کی گئی ہے۔ بعد ازاں وہ مستوج اور یارخون کا دورہ کریں گے۔

چترال میں چند روزہ قیام اور امدادی سرگرمیوں کے بعد قاری فیض اللہ چترالی غذر روانہ ہوں گے، جہاں ان کی جانب سے سیلاب متاثرہ خاندانوں کے لیے امداد کی تقسیم کا شیڈول طے ہے۔