چترال سمیت شمالی علاقہ جات میں 5 دسمبر کو ہلکی بارش اور برفباری کا امکان
اسلام آباد (نمائندہ چترال ٹائمز) محکمۂ موسمیات نے پیشگوئی کی ہے کہ 4 دسمبر کی رات سے ایک کمزور مغربی ہواؤں کا سلسلہ ملک کے شمالی علاقوں کو متاثر کرے گا، جس کے باعث 5 دسمبر کو پہاڑی علاقوں میں ہلکی بارش اور برفباری متوقع ہے۔
ترجمان کے مطابق گلگت بلتستان، آزاد کشمیر اور بالائی خیبر پختونخوا ، بشمول دیر، چترال، سوات، کوہستان، شانگلہ اور بٹگرام میں مطلع ابر آلود رہنے کے ساتھ پہاڑوں پر ہلکی بارش اور برفباری کا امکان ہے، جبکہ دیگر علاقوں میں موسم سرد اور خشک رہے گا۔
محکمہ موسمیا ت کے ترجمان کے مطابق پنجاب کے متعدد میدانی اضلاع، جن میں سیالکوٹ، نارووال، لاہور، شیخوپورہ، گوجرانوالہ، گجرات، جہلم، فیصل آباد، ساہیوال، ملتان، خانیوال، لیہ، کوٹ ادو اور بہاولپور شامل ہیں، جبکہ خیبر پختونخوا کے پشاور، صوابی، مردان اور ڈیرہ اسماعیل خان میں رات اور صبح کے وقت سموگ اور دھند برقرار رہنے کا امکان ہے۔
جس کے ممکنہ اثرات میں دھند اور سموگ کے باعث ٹریفک اور سفری سرگرمیوں میں خلل پڑ سکتا ہے۔، برفباری کے باعث بابوسر اور ملحقہ علاقوں میں پھسلن اور سڑکیں بند ہونے کا خدشہ ہے۔ بالائی علاقوں میں درجۂ حرارت میں 1 سے 3 ڈگری سینٹی گریڈ کمی متوقع ہے۔