چترال ( نمائندہ چترال ٹائمز ) بورڈ آف انٹر میڈیٹ اینڈ سیکنڈری ایجوکیشن پشاور کے چترال کیمپ آفس کے انچارچ آمین اللہ نے چترال کے عوام الناس کو اطلاع دیتے ہوئے کہا ہے کہ یگولر اسٹوڈنٹس سال 2015سے میٹرک اور ایف اے ، ایف ایس سی کے اورجنل اسناد بورڈ آفس سے فوری وصول کریں ۔ چترال ٹائمز سے گفتگو کرتے ہوئے انھوں نے تمام سرکاری و نیم سرکاری سکولوں کے پرنسپلز ، ہیڈ ماسٹرز اور طلبا و طالبات کو سرٹیفکیٹس کے وصولی کی تاکید کرتے ہوئے کہا کہ ان کے دفتر میں پڑے پڑے طلباء طالبات کے قیمتی سرٹیفیکٹس خراب ہونے کا خدشہ ہے ۔ انھوں نے بتایا کہ پرائیویٹ طلبا و طالبات کے 1995سے 2017سیشن تک اور ریگولر طلباو طالبات کے 2015سے اب تک کے اورجنل سرٹیفکیٹس بورڈ آفس پہنچ چکے ہیں۔ لہذا فوری طور پر ان کی وصولی کو یقینی بنایا جائے۔ ایک سوال کے جواب میں انھوں نے بتایا کہ ان سرٹیفکیٹ کیلئے کوئی اضافی فیس وصول نہیں کیا جائیگا۔ انھوں نے مذید بتایا کہ کیمپ آفس کی طرف سے پہلے بھی کئی دفعہ اشتہار ات اور بینرز کے زریعے طلباو طالبات اور ان کے والدین کو اطلاع دئیے جاچکے ہیں.
