کالاش تہوار چترمس کے ختم ہونے تک دفعہ 144نافذ، میڈیا انٹرویو اورویڈیوگرافی پر پابند عائد

چترال ( نمائندہ چترال ٹائمز ) موجودہ ملکی صورت حال کے پیش نظر 13 سے 22 دسمبر 2023 تک کالاش تہوا چترمس (چومس ) کے ختم ہونے تک ڈپٹی کمشنر لوئر چترال محمد عمران خان کے احکامات کی روشنی میں دفعہ 144 نافذ کر دیا گیا ہے۔ جس کے تحت کسی بھی قسم کے اسلحے کی نمائش، ویڈیو گرافی اور کالاش کمیونٹی کے کسی فرد سے میڈیا انٹرویو لینے پر پابندی عائد ہوگی۔ڈپٹی کمشنر لوئر چترال نے یہ فیصلہ ایک اعلیٰ سطح اجلاس کے بعد کیا ہے۔ جس میں ڈی پی او سمیت دیگر متعلقہ اداروں کے ذمہ داراں موجودتھے۔ یہاں یہ بات بھی قابل ذکر ہے کہ غیر مقامی میڈیا خاص کر سوشل میڈیا ایکٹویسٹ کالاش کمیونٹی کے سادہ لوح افراد سے انٹرویو لیکر انکو غلط انداز میں شائع کرکے کالاش کمیونٹی کی تشخص کو کئی دفعہ نقصان پہنچا چکے ہیں۔جس پر کالاش کمیونٹی نالاں ہے اور انھوں نے اعلیٰ حکام سے اس کا نوٹس لینے کا مطالبہ کررہے تھے۔