چترال (چترال ٹائمز رپورٹ)عوامی شکایات پر نوٹس لیتے ہوئے ڈی۔پی۔او لوئر چترال اکرام اللہ کی خصوصی ہدایت پر سٹی پولیس چترال نے ڈاون ڈسٹرکٹ سے آئے ہوئے پیشہ وار بھکاریوں کو واپس ان کے آبائی علاقوں کو بھیج دیا۔دریں اثنا تھانہ دروش کے حدود سے بھی پیشہ ور بھکاریوں کو واپس ڈاون ڈسٹرکٹ بھیج دیا گیا ۔ پولیس کی طرف سے جاری کردہ پریس ریلیز میں کہا گیا ہے کہ موجودہ ملکی سیکورٹی حالات کے پیش نظر ضلع ہذا میں امن وامان کی فضاء کو برقرار رکھنے میں عوام پولیس کے ساتھ تعاون کریں۔عوام اپنے علاقوں میں غیر مقامی افراد کی موجودگی میں پولیس کو اطلاع کریں ۔موجودہ ملکی سیکورٹی حالات کے پیش نظر ضلع ہذا میں امن وامان کی فضاء کو برقرار رکھنے میں عوام پولیس کے ساتھ تعاون کریں۔اور ہر کوئی اپنے علاقوں میں غیر مقامی افراد کی موجودگی میں پولیس کو اطلاع کریں ۔

دریں اثنا چترال کے مختلف مکاتب فکر نے پولیس کی اس اقدام کو سراہا ہے اور اس امید کا اظہار کیا ہے کہ آئندہ کے لیے انھیں لواری ٹنل سے ہی واپس بھیج دیا جائیگا۔