بیار لوکل سپورٹ آرگنائزیشن (بی ایل ایس او)کے زیر اہتمام سیلاب متاثرین میں نقد رقوم تقسیم کیئے گئے
اپر چترال (نمائندہ چترال ٹائمز) بیار لوکل سپورٹ آرگنائزیشن(بی ایل ایس او) کے زیر اہتمام ویلچ کونسل بریپ کے سیلاب سے متاثرہ67 خاندانوں وی سی چیئرمین کی مشاورت سے دس دس ہزار روپے نقد امداد تقسیم کیئے گئے۔یہ امداددستگیر نواز کے کاوشوں سے BOB-SCLEGEL نے دے دیا تھا۔اس موقع پر دستگیر نواز کے والد محترم سردار نواز اور اسکی والدہ بھی موجود تھیں۔انھوں نے یہ امداد متاثرہ خاندانوں کے خواتین میں تقسیم کی اور یقیں دلایا کہ وہ کنیڈا جاکر (بی ایل ایس او) کے ذریعے مذید امداد دینے کی کوشش کرینگے۔منیجر بی ایل ایس او نے دستگیر نواز کی کاوشوں کو سراہا اور بتا یا کہ اس سے پہلے بھی وہ سیلاب زادگان کی امداد کر چکے ہیں۔انھوں نے کہا کہ یہ ہم سب کی ذمہ داری ہے کہ ہم ملکر اس مصیبت کی گھڑی میں متاثریں کی مدد کریں۔بی ایل ایس او اپنی طرف سے ہر ممکن کوشش کر رہی ہے ۔چیرمین ویلچ کونسل موسی نبی نے بی ایل ایس او اور دستگیر نواز کو خراج تحسین پیش کیا اور امید کا اظہار کیا کہ متاثریں کی بحالی تک وہ اپنی کوششوں کو جاری رکھیں گے۔انھوں نے ذاتی طور پر سردار نواز اور انکی اہلیہ کا شکریہ ادا کیا کہ وہ خود متاثرین کی داد رسی کے لئے ہمارے پاس آئے۔انھوں نے BOB-SCHELEGEL بھی شکریہ ادا کیا۔
