کورکونیک دیک – نیوشک- جی۔ کے۔ رضوان
کورکونیک دیک
نیوشک🖋 Gk رضوان
آڑیان مس کیاوت کی مہ سرحدین شروغ بیتی برابار ہوئے۔پیݯی بومار کی تھوغ دیک شروغ اریر تھے بوسونیو ہے بے تاب ہر بوختوموڑا اوݯھیو انگاہ کوریکار مجبور کوئ یورو موخ یعنی پاختوری ژاغین ہیم کی پھار بغائ تھے ݯھیکو سر نست ہیرین قددتی اشپیرو اسپروان سم گمبوری نیسینی ہتے گمبوریان تے کورکونیک رینی ۔
تھے ہے دیہو ݯیݯق ملگری ایبتی ہے کورکونیک گمبوریان مݰکی ہتےپختوری موخوتے پلاوار بونی نگہ کی ہے گمبوری غیچی ہنی تھے بو خوشانیو سورا ہیتان ݯوپی ݯوݯھو بانو پھوری شوترین بوتی ای گلدستہ کورونی وا تان ہے چیݯق ٹولی ساوز بونی ۔
اچی دیہہ گیتی ہے ݯیݯق ملگری سادہ مضمون کھوار دوران ایستانو کوماڑا گیاٶ ہے بانی بوتیرو کورکونیکان کوماڑوتے غیردے مقصد بوسونی تہ کوماڑا ہائ رے
تن مخصوص آہنگو پیش کورونی
اہنگ ہیہ شیر
دو دو بخت دو دو
کورکونیک دو
ݯھنی مڑا ٹیپ ݯھانی
ورکھو مڑا ٹیپ ورکھو
ایوکون مڑا ٹیپ ایوکون
خور خور دی بو قسمہ اہنگ پیش کوریکار اچی ہے دورو موجود نان کائ نانی بابا کا دیکی استانی ہتیتانتے باسینی ژو دان کونی ۔یان جواری دان کونی یا خور کیہ
ژوڑ چامبور ہیتانتے دونی ۔بو خوشانیو سورا ہے چیݯقان اسقبال بوئ ۔ہیہ قسمہ ہے دیہو ݯیݯق ایگان کوری ہے دوران کوماڑین کورکونیک دونی وا بوسونیو امدو لوو دونی ۔۔۔🖋