Chitral Times

Oct 3, 2022

ﺗﻔﺼﻴﻼﺕ

بین الاقوامی ہندوکش کلچرل کانفرنسو حوالا مہراکہ

Posted on
شیئر کریں:

بین الاقوامی ہندوکش کلچرل کانفرنسو حوالا مہراکہ

ستمبر 2022 عیسویی منعقد باک چھورو بین الاقوامی ہندوکش کلچرل کانفرنسو تیاریان سلسلا کانفرنس کور کمیٹیو ای اہم مہراکہ ہنون مہراکہ گیسٹ ہاؤس چھترارا منعقد ہوئے۔ مہراکو صدارتو جناب ڈاکٹر عنایت الله فیضی (تمغۂ امتیاز) صاحب اریر وا خاص مینو حیثیتہ پروفیسر ڈاکٹر محمد کاشف صاحب شامل ہوئے۔

مہراکا ہمی حضرات، کی ہیت کانفرنس کور کمیٹیو ممبران اسونی، شرکت ارینی: جناب شہزادہ تنویر الملک مرکزی صدر انجمن ترقی کھوار، جناب فخرالدین اخونزادہ ایگزیکٹیو ڈائریکٹر ایف ایل آئی، جناب پروفیسر ممتاز حسین صاحب، جناب ڈاکٹر تاج الدین شرر پرووسٹ جامعہ چھترار، جناب محمد عرفان عرفان، جناب معیز الدین بہرام صدر انجمن ترقی کھوار حلقہ چھترار، جناب محمد نایاب فارانی وا ظہورالحق دانش۔
مہراکا ہمونیہ پت بیرو تیاریان وا کورمان تفصیلو سورا جائزہ گانونو ہوئے وا گیاک وختو موژی کوریکو بش ضروری کورمان حوالا کمیٹی ترتیب دیتی ذمہ داری بوژونو ہونی۔
ہیہ لوؤ ای دفعہ وا دیک ضروری کی ہیہ سہ روزہ کانفرس ہیہ سال ستمبر مسو 14، 15 وا 16 تاریخہ منعقد بویان۔ کانفرنسہ چھوئے موضوعاتان اندرینی تقریباً چھور بیشیر تحقیقی مقالہ جات پیش کورونو بونی۔ مقالہ جات منتخب بیتی پورا بیتی شینی، وا مقالہ جمع کوریکو وخت دی پھار شوخڅی شیر۔

کانفرنسہ بحیثیت سامع شرکت کوریکو بچین مقامی رویان وا طالب علمان رجسٹریشن شروع بیتی شیر۔ رجسٹریشنار غیر کانفرنسہ شرکت کورین نو بوئے، کو ریکو کی نشست بو محدود شینی۔ رجسٹریشنو بچے انجمنو مرکزی صدر شہزادہ تنویرالملک صاحبو یا جنرل سیکریٹری ظہور الحق دانشو سوم رابطہ کوری تفصیلات حاصل کوریکو بومی۔

رپورٹ : ظہورالحق دانش

chitraltimes chitral cultural confrence meeting


شیئر کریں: