پشاور( چترال ٹائمز رپورٹ)خیبر پختونخوا کی حکومت 2015 ء کے بجٹ میں اعلان کردہ تعلیمی اداروں کے سربراہان کیلئے چار الاؤنس میں اضافے کا نوٹیفیکیشن جاری کرے ۔ایم فل الاؤنس کوبڑھا کر 10 ہزار روپیہ ماہوار کر دیا جائے اور اس کا اطلاق ایم ایس ڈگری کے حامل ملازمین پر بھی کیا جائے ۔محکمہ صحت اور عدلیہ کی طرح معماران قوم کیلئے 10ہزار روپیہ ماہوار تدریسی الاؤنس کا اجراء کیا جائے ۔پسماندہ اضلاع کے ہارڈ ایریا الاؤنس میں مقامی ملازمین کو بھی شامل کردیا جائے یہ مطالبہ تنظیم اساتذہ پاکستان صو بہ خیبر پختونخوا کے صو بائی ذمہ داران خیر اللہ حواری ،شمشاد خان جھگڑا ،عبید اللہ ،مصباح السلام عا بد ،میاں ضیاء الرحمن ،سید محمد شاہ باچا اور سکندر خان یوسفزئی نے مشترکہ جاری کردہ پریس ریلیز میں کیا ہے ۔انہوں نے مذید کہا ہے کہ تمام ایڈھاک ریلیف کو بنیادی تنخواہ میں شامل کرکے تنخواہوں اور پنشن میں 100%اضافہ کیا جائے ۔ہاؤس رینٹ ہر جگہ 50%دیا جائے ۔TA DAمیں 100%اضافہ کیا جائے تمام الاؤنسسزجاری تنخواہ پر دئیے جائیں۔
صوبائی حکومت 2015 کے بجٹ میں اعلان کردہ الاؤنس میں اضافے کا نوٹیفیکیشن جاری کرے.تنظیم اساتذہ
