چترال (نمائندہ چترال ٹائمز ) چترال کے گورنمنٹ سکولوں کی کرکٹ ٹیم زلمی لیگ کے ڈویژنل مقابلوں میں حصہ لینے کیلئے اسسٹنٹ ڈسٹرکٹ آفیسر سپورٹس فاروق اعظم کی قیادت میں سوات کیلئے روانہ ہوگئی ۔چترال سے روانگی کے موقع پر ڈپٹی ڈسٹرکٹ آفیسر قاری نور اللہ ، اسسٹنٹ ڈسٹرکٹ آفیسر احمد الدین اوراے ڈی او شہزاد ندیم نے کھلاڑیوں کو رخصت کیا۔ اس موقع پر چترال ٹائمز سے گفتگو کرتے ہوئے ڈپٹی ڈی ای او اور اے ڈی او سپورٹس نے بتایا کہ زلمی لیگ میں حصہ لینے کیلئے چترال کے مختلف گورنمنٹ سکولوں کے مابین کرکٹ میچ کرائے گئے تھے۔ جن میں سے کارکردگی کی بنیاد پر 16کھلاڑیوں کو سلیکٹ کیا گیا ہے۔ جنھیں لیکر سوات میں ڈویژنل مقابلوں میں حصہ لیں گے۔ انھوں نے بتایا کہ سوات میں ڈویژنل سطح پرکھلاڑیوں کی چناو کیلئے ملاکنڈ ڈویژن کے مختلف اضلاع کے کھلاڑیوں میں مقابلے ہونگے ۔جس کے بعد صوبائی سطح پر مختلف ڈویژن سے سیلکشن کئے ہوئے کھلاڑیوں کے مابین میچ ہونگے ۔ جہاں سے صوبائی ذلمی لیگ کی ٹیم کیلئے کھلاڑی چنے جائیں گے۔ ڈپٹی ڈی او نے بتایا کہ یہ تمام مقابلے پہلی دفعہ ایجوکیشن ڈائریکٹریٹ پشاور کے زیر اہتمام گورنمنٹ سکولوں کے کھلاڑیوں کے مابین ہورہے ہیں جبکہ پرائیویٹ سکولز ان میں شامل نہیں ہیں ۔
چترال کے گورنمنٹ سکولوںکی کرکٹ ٹیم ڈویژنل مقابلوںمیںحصہ لینے کیلئے سوات روانہ
