قومی اسمبلی کے 37 حلقوں میں ضمنی انتخابات ملتوی، نوٹیفکیشن جاری
قومی اسمبلی کے 37 حلقوں میں ضمنی انتخابات ملتوی، نوٹیفکیشن جاری
اسلام آباد(چترال ٹایمز رپورٹ)الیکشن کمیشن آف پاکستان (ای سی پی) نے عدالتی فیصلوں کی روشنی میں قومی اسمبلی کے 37 حلقوں میں شیڈول ضمنی انتخابات ملتوی کر دئیے ہیں۔ تفصیلات کے مطابق الیکشن کمیشن کی جانب سے جاری بیان میں بتایا گیا ہے کہ قومی اسمبلی کے 37 حلقوں میں 16 اور 19 مارچ کو ضمنی انتخابات کرانے کا شیڈول جاری کیا گیا تھا تاہم عدالتی فیصلوں کی روشنی میں انہیں ملتوی کر دیا گیا ہے اور اس ضمن میں نوٹیفکیشن بھی جاری کر دئیے گئے ہیں۔ الیکشن کمیشن کے مطابق سندھ کے قومی اسمبلی کے 9 حلقوں میں، بلوچستان کی قومی اسمبلی کی ایک نشست پر، اسلام آباد کے قومی اسمبلی کے 3 حلقوں اور خیبرپختونخواہ کے قومی اسمبلی کے 24 حلقوں میں ضمنی انتخابات ملتوی کئے گئے ہیں۔
برف سے ڈھکے برزل پاس کو آمدورفت کے لیے کھول دیا گیا
اسلام آباد(سی ایم لنکس)پاک فوج کی جانب سے برف سے ڈھکے برزل پاس کو عوام کے لیے کھول دیا گیا ہے، پاک فوج کے جوانوں نے اس پاس کو کھولنے کے لیے دن رات انتھک محنت کی۔قدرتی آفات ہوں یا ناگہانی حادثات، جب بھی قوم کو ضرورت پڑی مسلح افواج میدان عمل میں سب سے پہلے موجود ہوتی ہیں۔ پاک فوج کی جانب سے برف سے ڈھکے برزل پاس کو کھولنا اسی سلسلے کی ایک کڑی ہے۔برزل پاس گلگت سے 178 کلومیٹر دور واقع ہے، یہ پاک آرمی اور عوام دونوں کے لیے اہم چوک پوائنٹ ہے۔ اس جگہ کی اونچائی سطح سمندر سے 13808 فٹ ہے جو اکتوبر سے اپریل تک برف سے ڈھکا رہتا ہے۔اس علاقے کے تقریباً 61 گاؤں اور 15 ہزار افراد پر مشتمل آبادی کے لیے صرف یہی راستہ میسر ہے۔ برزل پاس سے ہر سال 50سے 60 ہزار گاڑیوں کا گزر ہوتا ہے اور اس سال یہ پاس جنوری اور فروری کے لیے بند ہوا تھا۔پاک فوج کی جانب سے برف سے ڈھکے برزل پاس کو اب عوام کے لیے کھول دیا گیا ہے۔ پاک فوج کے جوانوں نے اس پاس کو کھولنے کیلئے دن رات انتھک محنت کی۔ پاک فوج کے جوانوں نے منفی 30 ڈگری سینٹی گریڈ کے سرد موسم میں بھی اپنا کام بخوبی سرانجام دیا۔اس احسن اقدام کے باعث علاقہ مکینوں نے پاک فوج کا شکریہ ادا کیا۔ پاکستان آرمی کی یہ کاوش سنہری حروف سے لکھنے کے قابل ہے جسے کبھی فراموش نہیں کیا جاسکتا۔