غزل……………اسلام الحق اسیر
پیچھی دنیو تہ لوا بیک کیہ غلط
غیچہ اشرو نیزی کیڑیک کیہ غلط
غم بے سیار بیکو ملگیری مسوم
ہوشو تونجے تہ اچہ گیک کیہ غلط
دونیا ہوسیتاے لاجواب جوشی مہ
با آدب پروشٹہ تہ روپھیک کیہ غلط
حسنو کشش تہ مہ ژینگے الویان
توری تہ بزمہ مہ نیشیک کیہ غلط
بشار حوال کورارو ہاے تہ ساری
پوشی تہ حسنو ہوتم پھیک کیہ غلط
وہ دی انسان وا آوا حق مہ دی شیر
کیڑی سجدہ بھی تہ مشکیک کیہ غلط
بحث ہر بزمہ مہ خلواتو بارہ
تہ یادہ تن سورو روخچیک کیہ غلط
تہ پوشی بوم بے فہم ہوش مہ خطا
تہ پوشی قست بےدوا بیک کیہ غلط
اسیر ای مہ رے سارعام ہوسیکو
شیرین ژانو تہ نمہ دیک کیہ غلط