سٹی پولیس چترال کی کامیاب کاروائی، 42 لاکھ روپے مالیت کے زیوارت اور 3 لاکھ 19 ہزار کیش برامد
سٹی پولیس چترال کی کامیاب کاروائی، 42 لاکھ روپے مالیت کے زیوارت اور 3 لاکھ 19 ہزار کیش برامد
چترال ( چترال ٹائمز رپورٹ ) تھانہ سٹی چترال میں مسمی عتیق اللہ ولد محمد ساخی سکنہ افغانستان حال جنگ بازار چترال نے اپنے گھر میں چوری ہونے کی رپورٹ درج کی تھی۔ ڈی۔پی۔او لوئر چترال اکرام اللہ خان نے واقعے کا نوٹس لیتے ہوئے ایس۔ایچ۔او تھانہ سٹی چترال SI بلبل حسن کی سربراہی میں ایک خصوصی تفتیشی ٹیم تشکیل دی تھی۔
تفتیشی ٹیم نے تفتیش کے عمل میں جدید سائنسی طریقہ کار کو بروکار لاتے ہوئے 24 گھنٹے کے اندر چوری میں ملوث ملزم شفیق اللہ ولد شریف اللہ سکنہ افغانستان حال جنگ بازار کو مقدمہ 380 پی۔پی۔سی علت نمبر 422 بتاریخ 11/09/2023 میں مال مسروقہ سمیت جن میں (1 عدد سونے کا ہار, 5 عدد سونے کے بڑے سائز کی چوڑیاں, 1 عدد چھوٹے سائز کی چوڑی، 2 عدد سونے کی بالیاں,1 عدد سونے کی انگوٹھی) اور 3 لاکھ 19 ہزار روپے کیش برامد کرلیا۔ملزم کو گرفتار کرکے مزید تفتیش جاری ہے۔