سعودی عرب نے ہمیں دو ارب ڈالر مزید دیے ہیں، وزیراعظم

سعودی عرب نے ہمیں دو ارب ڈالر مزید دیے ہیں، وزیراعظم

اسلام آباد(چترال ٹایمز رپورٹ)وزیراعظم شہباز شریف نے بتایا ہے کہ سعودی عرب نے کمال مہربانی سے ہمیں دو ارب ڈالر مزید دیے ہیں۔قومی اسمبلی کا اجلاس اسپیکر راجہ پرویز اشرف کی زیرصدارت ہوا۔وزیراعظم شہباز شریف نے قومی اسمبلی اجلاس میں اظہار خیال کرتے ہوئے کہا کہ ملک معاشی چیلنجز سے گزر رہا ہے، سعودی عرب نے کمال مہربانی سے ہمیں دو ارب ڈالر مزید دیے ہیں، یو اے ای نے بھی ہمیں ایک ارب ڈالر دینے کا وعدہ کیا ہے، آئی ایم ایف کی یہ بھی شرط پوری ہوگئی، اس کے باوجود زرمبادلہ کی صورتحال بہت نازک ہے۔شہباز شریف نے ٹریفک حادثے میں جاں بحق وزیر مذہبی امور مفتی عبدالشکور کو خراج عقیدت پیش کرتے ہوئے کہا کہ مفتی عبدالشکور انتہائی ایماندر اور ملنسار انسان تھے، ہم نے موجودہ حالات کے پیش نظر کابینہ ارکان کی تنخواہ سرنڈر کرنے کا فیصلہ کیا، مفتی عبدالشکور نے مجھے کہا میرا گزارہ اس تنخواہ کے بغیر گزارہ نہیں، گزشتہ سال حج کے بہترین انتظامات ہوئے اسکا سہرا مفتی عبدالشکور کے سر ہے۔

وزیراعظم قومی اسمبلی اجلاس میں لیگی اراکین کی عدم موجودگی پر برہم، وضاحت طلب

اسلام آباد(سی ایم لنکس) وزیراعظم شہبازشریف قومی اسمبلی میں لیگی ارکان کی عدم موجودگی پر برہم ہوگئے اور وضاحت طلب کر لی۔جمعے کے روز قومی اسمبلی کا اجلاس ہنگامی بنیادوں پر طلب کیا گیا تھا، 15 سے زائد اراکین قراردادیں پیش ہونے کے وقت غیر حاضر تھے۔وزیراعظم شہبازشریف قومی اسمبلی میں لیگی ارکان کی عدم موجودگی پر سخت نالاں ہیں اور غیر حاضر ارکان سے وضاحت طلب کر لی ہے، ن لیگ کے پارلیمانی وزیر مرتضیٰ جاوید عباسی نے حاضری وزیراعظم کو بھجوادی۔ذرائع کے مطابق بیشتر اراکین نے افطار کا وقت قریب ہونے کا عذر پیش کیا، بعض لیگی اراکین نے جواب میں کہا کہ نماز کی ادائیگی کیلئے ایوان سے گئے تھے۔