وزیر تعلیم کی زیر صدارت تعلیمی بورڈ سربراہان اجلاس میٹرک امتحانات بارے اہم فیصلے, چترال میں 18، 19 اور 20 اپریل کو ہونے والے پیپرز ملتوی

پشاور (چترال ٹائمزرپورٹ) خیبر پختونخوا کے وزیر تعلیم فیصل خان ترکئی نے کہا ہے کہ حالیہ بارشوں اور سیلاب کی وجہ سے پشاور بورڈ کے زیر انتظام اضلاع چترال میں 18، 19 اور 20 اپریل کو ہونے والے پیپرز ملتوی کر رہے ہیں۔ تاکہ طلباء کو پیپرز دینے میں دشواری پیش نہ آئے۔ انہوں نے کہا کہ ملتوی ہونے والے پیپرز نئے شیڈول کے مطابق بعد میں لئے جائیں گے۔ اور اس کے لیے نئی تاریخوں کا اعلان اور شیڈول جاری کیا جائے گا۔ جبکہ صوبے کے باقی اضلاع میں بارشوں اور سیلاب کا کوئی مسئلہ نہیں اور وہاں امتحانات پہلے سے جاری شدہ شیڈول اور وقت پر ہوں گے۔ ان خیالات کا اظہار انہوں نے تعلیمی بورڈز سربراہان اجلاس سے خطاب کرتے ہوئے کیا۔

اجلاس میں سیکرٹری تعلیم مسعود احمد، ایڈیشنل سیکرٹری محمد زاہد خان۔ ڈائریکٹر آئی ٹی اور تمام تعلیمی بورڈز سربراہان نے شرکت کی۔ اجلاس میں تمام تعلیمی بورڈز سربراہان نے صوبائی وزیر کو اپنے اپنے بورڈز کے امتحانات کی تیاریوں کے اقدامات سے آگاہ کرتے ہوئے بتایا کہ تمام بورڈز نے امتحانی عملے کی ڈیوٹیاں بروقت لگائی ہیں اور پیپرز بھی منتخب بینکوں تک پہنچائے گئے ہیں۔ جو کہ بعد میں سنٹرز تک پہنچائے جائیں گے۔ اسی طرح امتحانات کیلئے سیکیورٹی اور دیگر تمام انتظامات بھی مکمل ہیں وزیر تعلیم نے امتحانات کے کامیاب انعقاد کے حوالے سے کہا کہ ہمیں ضلعی انتظامیہ اور پولیس کی بھرپور مددحاصل ہے اور صوبہ بھر کے امتحانی مراکز کی بذریعہ کنٹرول روم مانیٹرنگ ہو رہی ہے جبکہ محکمہ تعلیم میں امتحانات کے لیے ہاٹ لائن نمبر اور انفارمیشن ڈسک بھی قائم کیا گیا ہے تاکہ انفارمیشن ڈسک اور ہاٹ لائن نمبر پر رابطہ کرکے محکمہ تعلیم کو آگاہ کیا جاسکے گا۔

وزیر تعلیم نے مزید کہا کہ نقل کی روک تھام کریں گے اور شفاف امتحانات منعقد کرنے کیلئے تمام وسائل بروئے کار لائے جائیں گے۔ اور جس بھی بورڈ کا پیپر لیک ہوا تو متعلقہ ذمہ داروں کے خلاف فوری ایکشن لیا جائے گا۔ انہوں نے مزید کہا کہ تمام امتحانات میرٹ پر منعقد کر رہے ہیں تاکہ حقدار کو اس کا حق ملے اس کے علاوہ،وہ خود ان کی ٹیم اور سیکرٹریٹ کی ٹیمیں امتحانی مراکز کی نگرانی کریں گی۔اور امتحانی مراکز کی سی سی ٹی وی مانیٹرنگ بھی کی جائے گی جس کیلئے تمام انتظامات مکمل ہیں۔ انہوں نے ڈائرکٹر آئی ٹی کو ہدایات جاری کیں کہ سیکرٹریٹ لیول پر بھی بذریعہ آئی پی ایڈریس صوبہ بھر کے امتحانی مراکز کی مانیٹرنگ کیلئے انتظامات مکمل کئے جائیں۔

بارش اور سیلاب سے خیبر پختونخوا کے متعدد اضلاع متاثر ہوئے ہیں جن میں وزیراعلیٰ خیبر پختونخوا علی امین گنڈا پورکی ہدایت پر متاثرہ علاقوں میں ریلیف آپریشن جاری ہے۔ بریسٹر ڈاکٹر سیف

پشاور (چترال ٹائمزرپورٹ)خیبرپختونخوا کے مشیر اطلاعات و تعلقات عامہ بیرسٹر ڈاکٹر سیف نے کہا ہے کہ بارش اور سیلاب سے خیبر پختونخوا کے متعدد اضلاع متاثر ہوئے ہیں جن میں وزیراعلیٰ خیبر پختونخوا علی امین گنڈا پورکی ہدایت پر متاثرہ علاقوں میں ریلیف آپریشن جاری ہے، حالیہ بارشوں اور سیلاب کی وجہ سے 21 افراد جاں بحق 32 زخمی جبکہ 330 گھر متاثر ہوچکے ہیں، بیرسٹر ڈاکٹرسیف نے کہا کہ وزیراعلیٰ سیکرٹریٹ میں ایمرجنسی فلڈ کنٹرول روم قائم کیا جاچکا ہے۔، صوبائی حکومت کی جانب سے متاثرہ خاندانوں میں امدادی چیکس کی تقسیم کا سلسلہ، متاثرہ علاقوں میں ہنگامی بنیادی پر ریلیف آپریشن اور بارشوں اور سیلاب سے متاثرہ اضلاع میں ہنگامی بنیادوں پر امدادی کارروائیاں جاری ہیں۔انہوں نے کہا کہ صوبائی حکومت بارش اور سیلاب کے متاثرین میں امدادی سامان بھی تقسیم کر رہی ہے اور صوبائی محکمہ صحت کی جانب سے متاثرہ اضلاع میں فری میڈیکل کیمپس لگائے جا چکے ہیں اور متاثرہ ڈویژن میں کمشنرز اور ڈپٹی کمشنرز کو انفراسکچر کی بحالی کی ہدایات جاری کردی گئی ہیں۔

محکمہ اعلیٰ تعلیم میں ای ٹرانسفر پالیسی متعارف کرانے پر غور کیا جارہا ہے۔ صوبائی وزیر میناخان آفریدی
مختلف تجاویز زیر غور ہیں جنہیں بہت جلد باہمی مشاورت کے بعد صوبے میں نافذ کیا جائیگا۔ وزیر برائے اعلیٰ تعلیم

پشاور(چترال ٹائمزرپورٹ) خیبر پختونخوا کے وزیر برائے اعلیٰ تعلیم میناخان آفریدی نے کہا ہے کہ صوبے میں اعلیٰ تعلیم کے فروغ اور محکمہ اعلیٰ تعلیم میں جدید اصلاحات لانے کیلئے ہر ممکن اقدام اٹھارہے ہیں انہوں نے کہا کہ محکمہ اعلیٰ تعلیم صوبے میں ای ٹرانسفر پالیسی متعارف کرانے پر غور کررہی ہے اور اس ضمن میں مختلف تجاویز پر کام بھی شروع کیا گیا ہے جنہیں بہت جلد باہمی مشاورت کے بعد صوبے میں نافذ کیا جائیگا۔ انہوں نے کہا کہ نئی پالیسی کے تحت تمام کالجز کے اساتذہ کی ٹرانسفر ای پالیسی کے تحت کی جائیگی۔ انہوں نے کہا کہ ای ٹرانسفر پالیسی دور دراز علاقوں میں اساتذہ کی کمی کو مدنظر رکھتے ہوئے لاگو کی جائے گی، ٹرانسفر ڈومیسائل کے مطابق صوبہ بھر میں غیر سیاسی بنیادوں پر کی جائیگی، اضلاع اور ریجن کی سطح پر ڈومیسائل کے مطابق اساتذہ کی ٹراسفر کی جائیگی، حکومت کے علم میں ہے کہ صوبے کے دور دراز علاقوں میں اساتذہ کی کمی ہے۔ اپنے دفتر سے جاری ایک بیان میں صوبائی وزیر میناخان آفریدی کا کہنا تھا کہ بڑے شہروں سے اساتذہ کو انکے آبائی علاقوں میں ٹرانسفر کیا جائیگا۔ انہوں کہا کہ دور دراز علاقوں میں کالج فنڈز سے اضافی بھرتی کی گئی ہے جو کالج پر بوجھ ہے،اساتذہ کی اپنے علاقوں میں ٹرانسفر سے متعلقہ کالجز کا مالی بوجھ بھی کم ہوگا جبکہ ای ٹرانسفر پالیسی سے شفافیت آئے گی اور عوام کا تعلیمی اداروں پر اعتماد بھی بڑھے گا۔ انہوں نے کہا کہ ای ٹرانسفر پالیسی میں صوبائی حکومت کا کوئی بھی عمل دخل نہیں ہوگا تاہم تعلیم نظام میں بہتری لانے کیلئے بھرپور کوشش کرینگے۔

گورنر حاجی غلام علی کاچیئرمین NDMA سے ٹیلی فونک رابطہ، حالیہ بارشوں سے جانی ومالی نقصانات پر تبادلہ خیال

گورنر کاچیف سیکرٹری ندیم اسلم چوہدری، چیئرمین ہلال احمرحبیب ملک اورکزئی،چیئرمین ہلال احمر ضم اضلاع عمران وزیر اور میئرپشاور حاجی زبیرعلی سے بھی رابطہ

گورنر کی متاثرہ علاقوں میں عوام کو فوری ریلیف پہنچانے کیلئے مشترکہ حکمت عملی اپنانے اور نقصانات سے متعلق جامع رپورٹ مرتب کرنے کی ہدایت

پشاور( چترال ٹائمزرپورٹ ) گورنر خیبر پختونخوا حاجی غلام علی نے حالیہ بارشوں سے ملک بھر بالخصوص خیبر پختونخوا میں جانی و مالی نقصانات پر افسوس کا اظہار کرتے ہوئے گزشتہ روز چئیرمین نیشنل ڈیزاسٹر منیجمنٹ اتھارٹی لیفٹیننٹ جنرل انعام حیدر، چیف سیکرٹری خیبرپختونخوا ندیم اسلم چوہدری، چیئرمین ہلال احمر خیبرپختونخواحبیب ملک اورکزئی اور چیئرمین ہلال احمر ضم اضلاع عمران وزیر اور میئرپشاور حاجی زبیرعلی سے ٹیلی فونک رابطے کیے اور ملک بھر بالخصوص خیبر پختونخوا کے اضلاع پشاور، ٹانک، سوات،دیر،چترال، خیبر، چارسدہ، مہمنداوردیگراضلاع میں حالیہ بارشوں سے ہونیوالے جانی و مالی نقصانات سے متعلق تفصیلی تبادلہ خیال کیا، چئیرمین این ڈی ایم اے سے ٹیلیفونک گفتگو میں گورنر نے حالیہ بارشوں سے ہونیوالی اموات پر متاثرہ خاندانوں کو مالی معاوضوں کی بروقت ادائیگی یقینی بنانے کے ساتھ بارشوں سے متاثرہ اضلاع میں امدادی سرگرمیوں کیلئے متعلقہ محکموں کے ساتھ ملکر مشترکہ اقدامات اٹھائے کی ضرورت پر زور دیا،

گورنر حاجی غلام علی کا کہنا تھا کہ این ڈی ایم اے، ہلال احمر، ضلعی انتظامیہ بارشوں سے متاثرہ اضلاع کے عمائدین علاقہ اور سوشل ورکرز کے ساتھ ملکر جانی و مالی نقصانات سے متعلق ایک جامع مشترکہ رپورٹ مرتب کریں اور معاوضوں کی ادائیگی سمیت بحالی و ریلیف کا کاموں کو مشترکہ حکمت عملی کے ساتھ تیز کیا جائے تاکہ متاثرین علاقہ کی بروقت امداد کے ساتھ بحالی کا کام موثر انداز میں پایہ تکمیل کو پہنچ سکے، اس موقع پر چئیرمین این ڈی ایم اے کا کہنا تھا کہ بارشوں سے متعلق ہمیشہ بروقت پیشنگوئی اورالرٹ جاری کرتے رہتے ہیں لیکن اس امر پر افسوس کا اظہارکیا کہ مقامی لوگ ان الرٹس کے باوجود حفاظتی اقدامات سے گریز کرتے ہیں۔انہوں نے کہاکہ خیبرپختونخوا میں بارشوں کا ایک نیا سلسلہ شروع ہونیوالا ہے اور اس حوالے سے بھی پہلے سے الرٹ جاری کردیاگیاہے تاکہ عوام اپنی حفاظت کیلئے اقدامات اٹھاسکے،

انہوں نے گورنر کی اس تجویز سے بھی اتفاق کیا کہ این ڈی ایم اے صوبائی حکومت، ضلعی انتظامیہ، مقامی حکومتوں اور عمائدین کے ساتھ مل کر متاثرین کی مدد کریں۔گورنرنے این ڈی ایم اے کے چیئرمین کا شکریہ ادا کیا کہ انہوں نے قدرتی آفات میں صوبے کے متاثرین کو کبھی بھی تنہانہیں چھوڑا۔ اس موقع پر گورنر نے مئیر پشاور سمیت تمام اضلاع کے منتخب بلدیاتی نمائندوں کو بھی اپنے اپنے علاقوں میں بارشوں کے دوران نکاسی آب کی صورتحال بہتر بنانے میں ضلعی انتظامیہ و عوام علاقہ کے ساتھ ملکر اقدامات اٹھانے کی ہدایت کرتے ہوئے کہا کہ حفاظتی پیشگی اقدامات و تدابیر سے جانی و مالی نقصانات سے بچا جا سکتا ہے، انہوں نے کہا کہ قدرتی آفات میں ہمیشہ مل جل کر مشترکہ اقدامات اٹھانے کی ضرورت ہوتی ہے۔ گورنرنے صوبے کی مخیرحضرات، بزنس کمیونٹی اور سوشل ورکرز پر بھی زوردیا کہ وہ متاثرہ علاقوں کے عوام کی مدد کریں۔ انہوں نے توقع ظاہر کی کہ بزنس کمیونٹی قدرتی آفات میں ہمیشہ کی طرح اب بھی متاثرین کی دل کھول کر مدد کریں گے۔

چترال شہر سمیت گردونواح میں وقفے وقفے سے بارش جاری، موسم سرد، غیرضروری سفر سے گریز کریں، انتظامیہ

چترال (نمائندہ چترال ٹائمز ) چترال شہر، گردنواح اور بالائی علاقوں میں وقفے وقفے سے بارش جاری ہے، بار ش اور بالائی علاقوں کے پہاڑوں پر برفباری کے باعث چترال میں سردیاں دوبارہ لوٹ آئی ہیں، عید کے تیسرے دن بارش کے باعٹ لوگ گھروں میں محصور ہوکر رہ گئے، تاہم بارش کے دوران چترال کے تمام رابطہ سڑکیں فلحال ٹریفک کے لئے بحال ہیں، دروش کے مقام پر کلدام نالہ میں شدید طغیانی کے باعث چترال پشاور روڈ ٹریفک کے لئے بند تھی جس سے بعد میں ٹی ایم اے اسٹاف نے کھول دیا ہے، اخری اطلاع تک ٹریفک روان تھی، دریں ضلعی انتظامیہ اور پی ڈی ایم اے کی طرف سے بارشوں کےدوران غیر ضروری سفر سے گریز کرنے کی ہدایت جاری کی گئِی ہے۔ بارشوں سے لینڈ سلائیڈنگ کا بھی خدشہ ظاہر کیا گیا ہے، ضلعی انتظامیہ کو چھوٹی بڑی مشینری کی دستیابی یقینی بنانے کی ہدایت کی گئی ہے۔ حساس بالائی علاقوں میں سیاحوں اور مقامی آبادی کو موسمی حالات سے باخبر رہنے کے لیے احتیاتی تدابیر اپنانے کی بھی ہدایت جاری ، تیز ہواؤں کی صورت میں میں عوام بجلی کی تاروں، بوسیدہ عمارتوں و تعمیرات، سایئن بورڈز اور بل بورڈز سے دور رہنے کی ہدایت ، بارشوں کا یہ سلسلہ ۱۵ اپریل تک وقفے وقفے سے جاری رہنے کی پیشنگوئی کی گئی ہے۔ پی ڈی ایم اے کی طرف سے جاری مراسلہ میں کہا گیا ہے کہ کسی بھی ہنگامی صورتحال میں تمام متعلقہ ادارے روڈ لنکس کی بحالی میں چوکس رہیں اور سڑک کی بندش کی صورت میں ٹریفک کے لئے متبادل راستے فراہم کئے جائیں۔

وزیر اعلی خیبر پختونخوا کا مستحق خاندانوں میں صوبائی حکومت کے عید پیکیج تقسیم کرنے کی تصاویر سوشل میڈیا پر شائع ہونے کے معاملہ کا سخت نوٹس، متعلقہ افراد سے وضاحت طلب

پشاور (چترال ٹائمزرپورٹ ) وزیر اعلی خیبر پختونخوا سردار علی امین گنڈاپور نے مستحق خاندانوں میں صوبائی حکومت کے عید پیکیج تقسیم کرنے کی تصاویر سوشل میڈیا پر شائع ہونے کے معاملہ کا سخت نوٹس لیتے ہوئے متعلقہ افراد سے وضاحت طلب کی ہے۔ وزیراعلی نے معاملے پر برہمی کا اظہار کرتے ہوئے کہا ہے کہ بعض سرکاری حکام، حکومتی عہدیداروں اور منتخب عوامی نمائندوں کی طرف سے یہ عمل حکومتی اور پارٹی پالیسی کی خلاف ورزی ہے اور ایسا کرنے سے پیکیج حاصل کرنے والے مستحقین کی عزت نفس مجروح ہوئی ہے۔ علی امین گنڈاپور نے کہا ہے کہ صوبائی حکومت نے ایک شفاف طریقے سے ساڑھے آٹھ لاکھ مستحق خاندانوں کو رمضان پیکیج دیا اورمستحق خاندانوں کی عزت نفس کے پیش نظر رمضان پیکج بنک اکاونٹس کے ذریعے تقسیم کیا گیا۔ اس کے علاوہ پولیس شہدا کے ورثاءسمیت ایک لاکھ سترہ ہزار سے زائد مستحق خاندانوں کو عید پیکیج بھی دیاگیا، پارٹی اور حکومت کی پالیسی تھی کہ عید پیکیج تقسیم کرنے کی تصاویر اور ویڈیوز شائع کرنے سے اجتناب کیا جائے اور یہی وجہ ہے کہ بحثیت وزیر اعلی میں نے عید پیکیج تقسیم کرنے کی کسی تقریب میں شرکت کی اور نہ ہی پیکیج تقسیم کیا۔ انہوں نے مزید کہا ہے کہ صوبائی حکومت اور پارٹی کی واضح پالیسی کے باوجود چند حکومتی عہدیداروں اور عوامی نمائندوں کی مستحقین میں عید پیکیج کی تقسیم کرنے کی تصاویر اور ویڈیوز عام ہوئیں جس پر ان متعلقہ افراد سے وضاحت طلب کر لی گئی ہے۔ علی امین گنڈاپور کا کہنا تھا کہ موجودہ صوبائی حکومت اور پاکستان تحریک انصاف محض تشہیر کی بجائے عوام کی عملی خدمت پر یقین رکھتی ہے اورآئیندہ اس بات کو یقینی بنایا جائے گا کہ امداد یا پیکیج تقسیم کے نام پر کسی کی بھی عزت نفس کو مجروح نہ ہونے دیا جائے۔

وزیر اعلی خیبر پختونخوا سردار علی امین خان گنڈاپور کا آسٹریلین جونئیر سکواش چمپئن شپ 2024 میں خیبر پختونخواہ سے تعلق رکھنے والے کھلاڑیوں کی بہترین کارکردگی پر انہیں مبارکباداور نیک خواہشات کا اظہار

پشاور (چترال ٹائمزرپورٹ ) وزیر اعلی خیبر پختونخوا سردار علی امین خان گنڈاپور نے آسٹریلین جونئیر سکواش چمپئن شپ 2024 میں خیبر پختونخواہ سے تعلق رکھنے والے کھلاڑیوں کی بہترین کارکردگی پر انہیں مبارکباد دیتے ہوئے ان کے نیک خواہشات کا اظہار کیا ہے۔ یہاں سے جاری اپنے تہنیتی بیان میں وزیر اعلی نے کہا ہے کہ آسٹریلین جونئیر سکواش چمپئن شپ2024 کے مختلف کٹیگریز میں خیبر پختونخوا سے تعلق رکھنے والے کھلاڑیوں ماہ نور علی، مہوش علی، فواد خان، یحی خان اور ابراہیم زیب نے نمایاں کارکردگی کا مظاہرہ کرکے میڈلز جیت لئے جس پر وہ مبارکبادکے مستحق ہیں۔ وزیر اعلی نے کہا ہے کہ ان کھلاڑیوں نے بین الاقوامی سطح پر ملک اور صوبے کا نام روشن کیا اور امید ہے یہ جونئیر کھلاڑی سکواش کے میدان میں پاکستان کو اس کا کھویا ہوا مقام واپس دلانے میں اہم کردار ادا کریں گے۔ علی امین گنڈاپور کا مزید کہنا تھا کہ چئیرمین پی ٹی آئی عمران خان کے وڑن کے مطابق کھیلوں کا فروع موجود صوبائی حکومت کی اہم ترجیحات میں شامل ہے، موجودہ صوبائی حکومت کھیلوں کے فروغ کے لئے مربوط اقدامات اٹھائے گی، کھیلوں کے شعبے میں باصلاحیت نوجوانوں کی بھر پور سرپرستی کی جائے گی اور کھیلوں کے فروغ کے لئے کھلاڑیوں کو ہر ممکن سہولیات فراہم کی جائیں گی۔

وزیر اعلی خیبر پختونخوا سردار علی امین خان گنڈاپور کا عید الفطر کے دنوں صوبے کے مختلف اضلاع میں دریاوں میں ڈوبنے اور ٹریفک حادثات سمیت دیگر مختلف واقعات میں درجن سے زائد قیمتی انسانی جانوں کے ضیاع پر دلی افسوس کا اظہار

پشاور (چترال ٹائمزرپورٹ ) وزیر اعلی خیبر پختونخوا سردار علی امین خان گنڈاپور نے عید الفطر کے دنوں صوبے کے مختلف اضلاع میں دریاوں میں ڈوبنے اور ٹریفک حادثات سمیت دیگر مختلف واقعات میں درجن سے زائد قیمتی انسانی جانوں کے ضیاع پر دلی افسوس کا اظہار کرتے ہوئے سوگوار خاندانوں سے تعزیت کی ہے۔ یہاں سے جاری اپنے ایک بیان میں وزیر اعلی نے لواحقین کے ساتھ دلی ہمدردی کا اظہار کرتے ہوئے جاں بحق افراد کی معفرت اور پسماندگان کے لئے صبر جمیل کی دعا کی ہے اور کہا ہے کہ صوبائی حکومت متاثرہ خاندانوں کے غم میں برابر کی شریک ہے۔ وزیر اعلی ان حادثات میں زخمی ہونے والوں کی جلد صحت یابی کے لئے نیک خواہشات کا اظہار کرتے ہوئے متعلقہ ضلعی انتظامیہ کو زخمیوں کو بہترین طبی امداد کی فراہمی یقینی بنانے کی ہدایت کی ہے۔ وزیر اعلی نے ریسکیو حکام کو ہدایت کی ہے کہ دریاو ¿ں میں ڈوب کر لاپتہ ہونے والوں کو ڈھونڈنے کے لئے سرچ آپریشن تیز کیا جائے، اس مقصد کے لئے تمام دستیاب وسائل بروئے کار لائے جائیں اور متعلقہ ضلعی انتظامیہ کے حکام سرچ آپریشنز کی خود نگرانی کریں۔

وزیراعلیٰ خیبرپختونخوا سردار علی امین خان گنڈا پورکا صوبے کے دور دراز علاقوں کے مریضوں کی سہولت اور کسی بھی ہنگامی صورتحال میں لوگوں کو بڑے ہسپتالوں تک پہنچانے کیلئے ایئر ایمبولینس سروس شروع کرنے کا اصولی فیصلہ

پشاور ( چترال ٹائمز رپورٹ ) وزیراعلیٰ خیبرپختونخوا سردار علی امین خان گنڈا پورنے صوبے کے دور دراز علاقوں کے مریضوں کی سہولت اور کسی بھی ہنگامی صورتحال میں لوگوں کو بڑے ہسپتالوں تک پہنچانے کیلئے ایئر ایمبولینس سروس شروع کرنے کا اصولی فیصلہ کرتے ہوئے متعلقہ حکام کو آئندہ چار ماہ میں یہ سروس عملی طور پر شروع کرنے کیلئے ضروری اقدامات کی ہدایت کی ہے اور کہا ہے کہ صوبے کے لوگوں بالخصوص ہنگامی صورتحال میں ایئر ایمبولینس سروس فراہم کرنا وقت کی ضرورت ہے، صوبائی حکومت اس تصور کو عملی جامہ پہنانے کیلئے تمام دستیاب وسائل بروئے کار لائے گی اور اس امر کو یقینی بنایا جائے گا کہ کم سے کم وقت میں یہ سہولت عوام کو فراہم کی جائے۔ یہ ہدایت انہوں نے منگل کی شب محکمہ صحت کے ایک اہم اجلاس کی صدارت کرتے ہوئے جاری کی ۔ صوبائی وزیر برائے صحت سید قاسم علی شاہ کے علاوہ وزیراعلیٰ کے پرنسپل سیکرٹری امجد علی خان ، سیکرٹری صحت محمود اسلم ، ڈائریکٹر جنرل ہیلتھ سروسز ڈاکٹر شوکت ،چیف ایگزیکٹیو آفیسر صحت کارڈ پلس ڈاکٹر ریاض تنولی اور محکمہ صحت کے دیگر حکام نے اجلاس میں شرکت کی۔

اجلاس میں صوبے کے گنجان آباد علاقوں کےلئے موٹر بائیک رسپانس یونٹس قائم کرنے کا فیصلہ کیا گیا ہے ، یہ رسپانس یونٹس گنجان آباد مقامات میں ہنگامی صورتحال میں بروقت ابتدائی طبی امداد کی فراہمی کیلئے فرسٹ ایڈ سروس کے طور پر کام کریں گے جبکہ مذکورہ یونٹس طبی آلات اور ضروری ادویات سے لیس ہوں گے۔ اجلاس میں پشاور کے علاقہ حیات آباد کو ہیلتھ کیئر سٹی ڈکلیئر کرنے کا بھی فیصلہ کیا گیا ہے ، ہیلتھ سٹی ڈکلیئر کرنے کا مقصد ملکی اور غیر ملکی مریضوں کو علاج معالجے کی تمام تر جدید سہولیات ایک ہی جگہ پر فراہم کرنا ہے ۔ علاوہ ازیں ، صوبے کے سرکاری ہسپتالوں کی کارکردگی کو بڑھانے اور ہیلتھ سروس ڈیلیوری کی مانیٹرنگ اور بہتری کیلئے ہیلتھ انفارمیشن اینڈ سروس ڈیلیور یونٹ قائم کرنے کا فیصلہ بھی کیا گیا ہے۔ اسی طرح صوبے کے بڑے سرکاری ہسپتالوں میں بزرگ شہریوں کیلئے ایگزیکٹیو ہیلتھ چیک اپ پروگرام بھی شروع کرنے کا فیصلہ کیا گیا ہے جس کے تحت 65 سال سے زائد عمر کے شہریوں کا ہر تین ماہ بعد مفت چیک اپ کیا جائیگا جبکہ اس مقصد کیلئے صوبے کے مذکورہ بالا سرکاری ہسپتالوں میں الگ ڈسک اور عملہ مختص کیا جائیگا ۔ بزرگ شہریوں کے مفت چیک اپ میں لیب ٹیسٹ ، سٹی سکن، ایم آر آئی ، ایکسرے ، ایکو اور ای سی جی وغیرہ بھی شامل ہوں گے۔

وزیراعلیٰ نے اجلاس میں صوبے کے پرائمری ہیلتھ کیئر سسٹم کو مستحکم بنانے کیلئے خصوصی اقدامات اٹھانے کی ہدایت کی ہے اور کہا ہے کہ بنیادی مراکز صحت اور دیہی مراکز صحت کی درجہ بندی کی جائے اور ان مراکز میں الٹرا ساو ¿نڈ ، آپریشن تھیٹر اور گائنی سروسز کی فراہمی کو یقینی بنایا جائے۔ انہوں نے ہدایت کی کہ ان مراکز صحت میں ڈاکٹروں ، نرسوں اور دیگر پیرا میڈیکل سٹا ف کی ہمہ وقت دستیابی یقینی بنائی جائے تاکہ شہریوں کو کسی بھی قسم کی مشکل پیش نہ آئے۔ علی امین گنڈا پور نے مزید ہدایت کی ہے کہ صوبے کی تمام تحصیل ہیڈ کوارٹر ہسپتالوں کو اپگریڈ کرکے انہیں صحت کارڈ کے پینل میں شامل کیا جائے۔ انہوں نے واضح کیا کہ صوبہ بھر کی تمام ڈسٹرکٹ ہیڈ کوارٹر ہسپتالوں کو اسٹیٹ آف دی آرٹ بنایا جائے اور ان ہسپتالوں میں علاج معالجے کی معیاری سہولیات کی فراہمی یقینی بنائی جائے ۔ صوبائی حکومت اس مقصد کیلئے درکار فنڈز ترجیحی بنیادوں پر فراہم کرے گی۔ وزیراعلیٰ نے محکمہ صحت کے حکام کو ہدایت کی ہے کہ صوبے کے تمام تدریسی اور ڈسٹرکٹ ہیڈ کوارٹر ہسپتالوں میں فیئر پرائس فارمیسیز جلد سے جلد قائم کی جائےں ۔ انہوں نے مزید ہدایت کی کہ سرکاری ہسپتالوں کو مستحکم کرنے کے سلسلے میں درکارعملے اور طبی آلات کا مکمل ڈیٹا اکٹھا کیا جائے تاکہ آئندہ بجٹ میں اس مقصد کیلئے درکار فنڈز مختص کئے جا سکیں۔؎

وزیراعلیٰ نے یہ بھی ہدایت کی کہ صوبے میں صحت کے شعبے کو جدید خطوط پر استوار کرنے کیلئے ایک ماہ میں نئی ہیلتھ پالیسی مرتب کی جائے۔ سرکاری ہسپتالوں میں تمام عملے کی یکساں ڈیوٹی لگائی جائےں اوراس سلسلے میں کسی کے ساتھ زیادتی یا فیور نہیں ہونا چاہئیے، ڈیوٹیوں سے متعلق عملے کی جائز شکایات کے ازالے کیلئے محکمہ صحت میں مرکزی شکایات سیل قائم کیا جائے ۔ اس کے علاوہ وزیراعلیٰ نے محکمہ صحت کے حکام کو ہدایت کی ہے کہ سرکاری ہسپتالوں میں مریضوں کے تیمارداروں کے بیٹھنے اور سونے کیلئے الگ سے جگہیں مختص کی جائیں جبکہ تیمارداروں کے سونے کیلئے مختص جگہوں پر بیڈز کا انتظام کیا جائے۔ اس بات کو یقینی بنایا جائے کہ کوئی بھی تیماردار ہسپتال کی کھلی جگہ یا کوریڈور میں نہ سوئے۔ علی امین گنڈا پورنے صوبے کے خود مختارتدریسی ہسپتالوں کے نظام کو بہتر بنانے کیلئے متعلقہ قوانین میں ضروری ترامیم تجویز کرنے کی ہدایت کی ہے اور کہا ہے کہ تدریسی ہسپتالوں کے بورڈز میں میرٹ کی بنیاد پر پیشہ ور لوگوں کو تعینات کیا جائے ۔ وزیراعلیٰ نے بطور مجموعی ڈسٹرکٹ ہیلتھ آفیسز کی کارکردگی پر عدم اطمینان کا اظہار کیا ہے اور ڈسٹرکٹ ہیلتھ آفیسز کے موجودہ نظام کا ازسر نو جائزہ لیکر اس کو بہتر بنانے کیلئے تجاویز پیش کرنے کی ہدایت کی ہے۔

وزیراعلیٰ خیبرپختونخواسردار علی امین خان گنڈا پورکا پشاور کے علاقہ بڈھ بیر میں نامعلوم افراد کی پولیس پر فائرنگ کی شدید الفاظ میں مذمت

پشاور ( چترال ٹائمز رپورٹ ) وزیراعلیٰ خیبرپختونخواسردار علی امین خان گنڈا پورنے پشاور کے علاقہ بڈھ بیر میں نامعلوم افراد پولیس پر فائرنگ کی شدید الفاظ میں مذمت کی ہے اور واقعے میں اسسٹنٹ سب انسپکٹر کی شہادت پر افسوس کا اظہار کیا ہے ۔ یہاں سے جاری اپنے ایک بیان میں وزیراعلیٰ نے شہید کے اہلخانہ سے دلی ہمدردی اور تعزیت کا اظہار کیا ہے اور شہید کے درجات کی بلندی اور پسماندگان کیلئے صبر جمیل کی دعا کی ہے۔ وزیراعلیٰ نے پولیس حکام کو فائرنگ میں ملوث عناصر کی فوری گرفتاری کیلئے ضروری اقدامات کی ہدایت کی ہے اور کہا ہے کہ صوبائی حکومت شہید کے اہلخانہ کو مشکل کی اس گھڑی میں تنہا نہیں چھوڑے گی اور ان کی ہر ممکن معاونت کی جائے گی۔ علی امین گنڈا پور نے کہا کہ عوام کی جان و مال کے محافظو ں کو نشانہ بنانا انتہائی افسوسناک اور قابل مذمت فعل ہے ، اس طرح کے بذدلانہ واقعات سے پولیس کے حوصلے پست نہیں ہوں گے ۔ انہوں نے مزید کہا کہ قیام امن کی خاطر پولیس فورس نے لازوال قربانیاں دی ہے ، ہم پولیس جوانوں کی قربانیوں کو سلام پیش کرتے ہیں۔

عیدالفطر پر سیاحوں کو بہتر خدمات فراہمی کیلئے ٹورازم پولیس اور سٹاف کی چھٹیاں منسوخ
ٹورازم پولیس کے جوان عیدالفطر پر دن رات ڈیوٹی سرانجام دینگے، مشیر سیاحت زاہد چن زیب
خیبر پختونخوا ٹورازم اتھارٹی کے چترال، کاغان، نتھیاگلی، ایبٹ آباد اور دیر سمیت تمام سیاحتی سہولت مراکز سیاحوں کیلئے کھلے رہینگے. مشیرسیاحت

پشاور (چترال ٹائمزرپورٹ) وزیراعلی خیبرپختونخوا کے مشیر برائے سیاحت، ثقافت، آثارقدیمہ و عجائب گھر زاہد چن زیب نے عیدالفطر کے پیش نظر سیاحتی علاقوں میں تعینات ٹورازم پولیس کے اہلکاروں اور ٹورازم سٹاف کی چھٹیاں منسوخ کر دی ہیں اور ہدایت کی ہے کہ خیبر پختونخوا کلچر اینڈ ٹورازم اتھارٹی کی طرف سے قائم کردہ سیاحتی سہولت مراکز اور ٹورازم پولیس کے نوجوانان عیدالفطر کے دوران سیاحوں کو ہر ممکن سہولیات کی فراہمی یقینی بنائیں گے۔ یہ ہدایات انہوں نے عیدالفطر کی تعطیلات میں سیاحت کے انتظامات سے متعلق منعقدہ اجلاس کی صدارت کرتے ہوئے جاری کیں۔ اس موقع پر سیکرٹری محکمہ سیاحت و ثقافت محمد بختیار خان، ڈائریکٹرجنرل کلچر اینڈ ٹورازم اتھارٹی برکت اللہ مروت اور دیگر سینئر افسران موجود تھے۔ زاہد چن زیب نے واضح کیا کہ وزیراعلیٰ علی امین گنڈاپور کی ہدایات کے تحت صوبائی حکومت عیدالفطر پر سیاحوں کو ہرممکن سہولیات مہیا کریگی۔ سیاح بلاخوف و خطر صوبہ کے سیاحتی مقامات کی سیر کر سکتے ہیں۔

انہوں نے کہا کہ تمام علاقائی سیاحتی اتھارٹیز کو بھی سیاحوں کیلئے سہولیات کی فراہمی یقینی بنانے کی ہدایت کر دی گئی ہے جبکہ سیاحتی مقامات پر ٹریفک رواں دواں رکھنے کیلئے ٹورازم پولیس اور ریسکیو 1122 کے اہلکار ہمہ وقت ڈیوٹی سرانجام دیں گے۔سیاح اپنے سفر سے قبل ٹورازم ہیلپ لائن 1422 پر رابطہ کرکے اپنا ٹور پلان بنا سکتے اور راستوں کی معلومات حاصل کرسکتے ہیں۔ یہ ٹورازم ہیلپ لائن 24 گھنٹے فعال ہے اور سیاح کہیں بھی گاڑی خراب ہونے پر بھی مدد طلب کر سکتے ہیں۔ اسی طرح خیبر پختونخوا ٹورازم اتھارٹی کے چترال، کاغان، نتھیاگلی، ایبٹ آباد اور دیر سمیت تمام سیاحتی سہولت مراکز سیاحوں کیلئے کھلے رہینگے جبکہ ٹورسٹ سروسز ونگ کے انسپکٹر ہوٹلز کے کرایوں اور معیارکو ہر صورت یقینی بنائینگے۔ سیاحوں کیلئے عیدالفطر کے موقع پر 13اپریل کو پشاور تا تخت بھائی ٹرین سفاری چلانے کا فیصلہ بھی کیا گیا ہے۔ انہوں نے کہا کہ عیدالفطر سے قبل سیاحتی مقامات پر ہیلپ لائن کے بورڈ آویزاں کئے جائیں گے جبکہ تمام ٹورازم اتھارٹیز اپنے دفاتر میں کنٹرول روم کا قیام عمل میں لائیں گے تاکہ عیدالفطر کی تعطیلات کے دوران سفر کرنے والے سیاحوں کو اگر کسی جگہ مشکل پیش آتی ہے تو اس کا بروقت ازالہ کیا جا سکے۔

وزیراعلیِ کا زراعت میں جدید فارمنگ ٹیکنالوجی متعارف کروانے اور تحقیق کے شعبے کو جدید عصری تقاضوں سے ہم آہنگ کرنے کی ہدایت

پشاور ( چترال ٹائمز رپورٹ ) وزیر اعلیٰ خیبر پختونخوا سردار علی امین خان گنڈاپور کی زیر صدارت محکمہ زراعت کا اہم اجلاس منعقد ہوا جس میں زراعت کے شعبے کو جدید خطوط پر استوار کرنے کے لئے اہم پالیسی فیصلے کیے گئے۔ وزیر اعلیٰ نے متعلقہ حکام کو کم سے کم پیداواری لاگت میں زیادہ سے زیادہ پیداوار حاصل کرنے کے لئے اقدامات اٹھانے کی ہدایت کرتے ہوئے کہا کہ اس مقصد کے لئے جدید فارمنگ ٹیکنالوجی متعارف کروائی جائے اور زراعت میں تحقیق کے شعبے کو جدید عصری تقاضوں سے ہم آہنگ کیا جائے۔ وزیر اعلیٰ نے صوبہ بھر میں زرعی زمینوں سے متعلق تفصیلی اعداد و شمار اکھٹا کرنے اور آئندہ سیزن میں محکمہ زراعت کی تمام موزوں سرکاری زمینوں پر زعفران کاشت کرنے کی ہدایت کی ہے اور کہا ہے کہ زعفران کی بہتر پیداوار کے لئے پڑوسی ممالک میں کاشت کی جانے والی زعفران کی فصلوں کا جائزہ لیا جائے۔ انہوں نے مزید ہدایت کی کہ آمدن میں اضافے کے لئے محکمہ زراعت کی زمینوں کا بہتر استعمال یقینی بنایا جائے، ان زرعی زمینوں کو ٹھیکوں پر دینے کی بجائے محکمہ خود کاشت کرے اور موزوں علاقوں میں کسانوں کو زعفران کاشت کرنے کی طرف راغب کیا جائے۔ وزیر اعلیٰ نے ضم اضلاع میں جنگلی زیتون کی گرافٹنگ کا پروگرام شروع کرنے کی بھی ہدایت کی ہے۔

وزیر اعلیٰ کا کہنا تھا کہ جن اضلاع میں پانی کی قلت ہے وہاں پر سبزیاں کاشت کرنے کے لئے چھوٹے مصنوعی ڈیمز تعمیر کئے جائیں، ایسے علاقوں میں ڈرپ ایریگیشن سسٹم متعارف کیا جائے اور صوبے کے مختلف ریجنز کے مخصوص موسمی حالات اور استعداد کے مطابق زرعی پیداوار کی کاشت کے لئے الگ الگ پلانز ترتیب دئیے جائیں۔ علاوہ ازیں صوبے میں زرعی اراضی میں اضافے کے لئے قابل عمل منصوبے تیارکئے جائیں۔ وزیر اعلیٰ کا کہنا تھا کہ مہنگائی پر قابو پانے کے لئے زرعی اجناس میں خود کفالت ناگزیر ہے، اس مقصد کے لئے قلیل المدتی اور طویل المدتی پلانز ترتیب دے کر ان پر عملدرآمد کیا جائے۔ علی امین گنڈاپور نے صوبے میں باغبانی کے فروغ پر خصوصی توجہ دینے جبکہ ہر ضلع میں موزوں پھل دار درخت اگانے کے لئے سروے کی ہدایت کی ہے۔ مزید برآں انہوں نے محکمہ زراعت میں ڈونرز کے تعاون سے چلنے والے منصوبوں میں مکمل شفافیت یقینی بنانے،محکمہ زراعت اور دیگر متعلقہ محکموں کے درمیان کوآرڈینیشن کا ایک موثر نظام وضع کرنے اور محکمہ زراعت کے تحت مختلف ونگز قائم کرکے ان کی ذمہ داریوں کا واضح تعین کرنے کی ہدایت کی ہے اور واضح کیا ہے کہ زرعی پیداوار اور آمدن میں اضافے کے لئے منصوبوں پر عملدرآمد کے لیے حکومت درکار فنڈز ترجیحی بنیادوں پر فراہم کرے گی۔ علی امین گنڈاپور نے واضح کیا کہ فوڈ سکیورٹی موجودہ صوبائی حکومت کا ترجیحی شعبہ ہے، اس کے لئے سی آر بی سی سمیت دیگر بڑے منصوبوں پر عملدرآمد کے لیے ٹھوس اقدامات اٹھائے جائیں۔ صوبائی وزیر زراعت محمد سجاد، وزیر اعلی کے پرنسپل سیکرٹری امجد علی خان، سیکرٹری زراعت جاوید مروت اور محکمے کی دیگر اعلی حکام نے اجلاس میں شرکت کی۔

گندم کی خریداری کے اہداف بارے فیصلے میں تاخیرکی خبریں گمراہ کن ہے، ترجمان وزارت خزانہ

اسلام آباد(چترال ٹائمزرپورٹ)وزارت خزانہ نے پریس کے بعض حصوں میں گندم کی خریداری کے اہداف بارے فیصلے میں تاخیرکی خبروں کوگمراہ کن قراردیتے ہوئے ان کی تردیدکی ہے۔ وزارت خزانہ کی جانب سے ہفتہ کویہاں جاری بیان میں کہاگیاہے کہ پریس کے ایک حصے میں شائع ہونے والی خبروں سے گمراہ کن تاثر دیا جارہاہے کہ کابینہ کی اقتصادی رابطہ کمیٹی(ای سی سی) نے گندم کی خریداری کے اہداف پر فیصلے میں تاخیر کی ہے۔ترجمان وزارت خزانہ نے کہاہے کہ ان دعووں میں کوئی صداقت نہیں ہے۔

اقتصادی رابطہ کمیٹی نے 4 اپریل کو ہونے والے اپنے اجلاس میں گندم کی خریداری سے متعلق امور پر تبادلہ خیال کیا۔ متعلقہ وفاقی وزارتوں کی رائے پر غور کرنے کے بعد ای سی سی کے اراکین نے محسوس کیا کہ اس حوالہ سے غور و خوض میں صوبائی حکومتوں کو شامل کرنا مناسب ہوگا کیونکہ وہ فیصلوں پر عمل درآمد کے ذمہ دار ہوں گے۔لہذا اجلاس 5 اپریل کو دوبارہ بلایا گیا جس میں تمام صوبائی حکومتوں کے نمائندوں نے شرکت کی۔صوبائی نمایندوں نے اپنے متعلقہ صوبوں میں میں گندم کی خریداری سے متعلق تازہ ترین صورتحال کے بارے میں کمیٹی کو معلومات فراہم کیں اور اس مقصد کے لیے بینکوں سے قرضہ لینے کے لیے اپنی ضروریات کا جائزہ لیا۔کمیٹی نے تفصیلی غور و خوض کے بعد وزارت خوراک اور صوبوں کی طرف سے تجویز کردہ خریداری کے ہدف اور اس مقصد کے لیے درکار کیش کریڈٹ کی حد کی منظوری دی۔

ترجمان نے بتایا کہ متعلقہ محکموں نے وزارت غذائی تحفظ وتحقیق کی طرف سے پیش کردہ اہداف میں کوئی اضافہ یا کمی کی تجویز نہیں دی اور نہ ہی ای سی سی نے ایسی کسی تبدیلی کی منظوری دی۔حکومت پنجاب کی جانب سے کمیٹی کو بتایا گیا کہ صوبہ میں گندم کی صورتحال پر گہری نظر رکھی جارہی ہے اور خریداری کا عمل شروع کر دیا گیا ہے۔ کسانوں کو اپنی پیداوار کی امدادی قیمت کی سطح پر فروخت کو ممکن بنانے کیلئے صوبائی حکومت اپنی ذمہ داریاں پوری کریں گی۔ترجمان نے بتایا کہ ای سی سی نے اپنے افتتاحی اجلاس میں فیصلہ کیاتھا کہ جو بھی امورکمیٹی کے سامنے پیش ہوں گے ان پر عجلت اور ربڑ سٹمپنگ کے اقدامات کے بجائے مبنی برمعلومات فیصلے کئے جائیں گے۔کمیٹ نے یہ بھی فیصلہ کیاتھا کہ کہ دورروس اثرات کے حامل امورپر تمام شراکت داروں کی رائے لی جائیگی۔ 4 اور 5 اپریل 2024 کو ای سی سی کے اجلاسوں کے دوران تفصیلی بات چیت اور فیصلوں سے اس پالیسی کی عکاس ہورہی ہے

ججز کو بھیجے گئے خط میں کیا لکھا گیا اور اس میں کونسا پاؤڈر تھا؟

لاہور(سی ایم لنکس)لاہور ہائیکورٹ کے ججز کو مشکوک خطوط موصول ہونے کے مقدمے کی ایف آئی آر کی تفصیلات سامنے آگئیں۔ایف آئی آر کے مطابق خطوط میں تحریک ناموس پاکستان کا حوالہ دے کر عدالتی نظام کو تنقید کا نشانہ بنایا گیا، خطوط میں ’ویلکم ٹو بیسیلس انتھریکس‘ تحریر کیا گیا۔ایف آئی آر کے مطابق یہ الفاظ جج صاحبان کو دھمکانے کیلئے استعمال کیے گئے، خطوط سے جج صاحبان کے فیصلوں پر اثر انداز ہونے کی کوشش کی گئی۔دوسری جانب ذرائع کا کہنا ہے کہ معاملے کی تحقیقات جاری ہیں،’bacilus antharcis‘ بیکٹریا کی قسم ہے جو عمومی طور پر جانوروں میں پایا جاتا ہے۔تفتیشی ذرائع کے مطابق فرانزک رپورٹ میں خطوط سے 70 ملی گرام آرسینک ملنے کی نشاندہی کی گئی، واقعے کا مقدمہ سیکیورٹی انچارج ہائی کورٹ کی مدعیت میں درج کیا گیا ہے۔تفتیشی ذرائع کا یہ بھی بتانا ہے کہ اسلام آباد جانے والی تحقیقاتی ٹیم نے اہم شواہد حاصل کیے ہیں۔

وفاقی وزارت تعلیم و پیشہ ورانہ تربیت اور قومی کمیشن برائے یونیسکو نے ڈانس فار ایجوکیشن پروگرام کی ہدایت کی اور نہ ہی اس کا اہتمام کیا، ترجمان وفاقی وزارت تعلیم

اسلام آباد(چترال ٹائمزرپورٹ)وفاقی وزارت تعلیم وپیشہ وارانہ تربیت نے کہاہے کہ وفاقی وزارت تعلیم و پیشہ ورانہ تربیت اور قومی کمیشن برائے یونیسکو نے ڈانس فار ایجوکیشن پروگرام کی ہدایت کی اور نہ ہی اس کا اہتمام کیا ہے، ڈانس فار ایجوکیشن پروگرام یونیسکو کے بین الاقوامی اقدامات کا حصہ ہے۔ہفتہ کویہاں وفاقی وزارت تعلیم و پیشہ ورانہ تربیت کی جانب سے جاری ہونے والے وضاحتی بیان میں کہاگیاہے کہ اقوام متحدہ کا ادارہ یونیسکو تعلیم، سائنس،ثقافت اورمواصلات میں بین الاقوامی تعاون کے ذریعے امن اور سلامتی کو فروغ دینے میں اہم کردار کررہاہے۔ڈانس فار ایجوکیشن پروگرام یونیسکو کے اقدامات میں سے ایک وسیع مہم کا حصہ ہے جس کا مقصد دنیا بھر میں تعلیم کی اہمیت پر زور دینا ہے۔ ترجمان نے کہاکہ اس پروگرام کے ذریعے، یونیسکو ثقافتی تبادلوں اور تعلیمی مواقع کو بڑھانے کے لیے دنیا بھر میں ممالک کے ساتھ تعاون کرتا ہے، جو معاشروں کی تشکیل میں تعلیم کی اہمیت وقدر کو اجاگر کرتا ہے۔ترجمان نے کہاکہ یہ آرٹس فار ٹرانسفارمیٹیو ایجوکیشن کا حصہ ہے جو یونیسکو سے منسلک سکولز نیٹ ورک کے اساتذہ کی تحقیق پرمبنی آرٹس فار ٹرانسفارمیٹیو ایجوکیشن ماڈل کے لیے رہمنائی وحوصلہ افزائی کرتی ہے۔ ترجمان نے کہاکہ ڈانس فار ایجوکیشن پروگرام کی وفاقی وزارت تعلیم و پیشہ ورانہ تربیت اور نہ ہی پاکستان کے قومی کمیشن برائے یونیسکو نے ہدایت نہیں کی اور نہ ہی اس کا اہتمام کیا۔اسی طرح اسکولوں کے لیے بھی اس میں حصہ لینا لازمی قرار نہیں دیا گیا تھا۔ یہ صرف اور صرف یونیسکو کے بین الاقوامی اقدامات کے حوالے سے معلوماتی مقاصد کے لیے نشر کیا گیا تھا۔ترجمان نے بتایا کہ اس سے قبل جاری کردہ خط کو واپس لیا جارہاہے اور اس کے نتیجے میں پیدا ہونے والی کسی بھی غلط فہمی پر دلی طور پر افسوس ہے۔ ترجمان نے کہاکہ پاکستان نیشنل کمیشن برائے یونیسکو وزارت وفاقی تعلیم و پیشہ ورانہ تربیت کی قیادت میں پاکستان میں تعلیم کی ترقی کے لیے کام کرتا رہے گا۔

تحریک انصاف کا سنی اتحاد کونسل میں ضم نہ ہونے اور اپنے اراکین واپس لینے کا فیصلہ

اسلام آباد(سی ایم لنکس)چیئرمین پاکستان تحریک انصاف بیرسٹر گوہر نے سنی اتحاد کونسل میں ضم نہ ہونے کا فیصلہ کرتے ہوئے اعلان کیا ہے کہ بلے کا نشان ملتے ہی اپنے تمام اراکین واپس پی ٹی آئی میں شامل ہوجائیں گے۔نجی ٹی وی پروگرام میں گفتگو کرتے ہوئے ان کا کہنا تھا کہ پاکستان تحریک انصاف نے سنی اتحاد کونسل میں ضم نہ ہونے اور اپنے اراکین واپس لینے کا فیصلہ کیا ہے۔بیرسٹر گوہر کا کہنا تھا کہ بلے کا نشان واپس ملتے ہی ہم اپنی جماعت میں شمولیت اختیار کریں گے، ہم تحریک انصاف کے ووٹ اور سپورٹ سے جیتے ہیں، ہم پارلیمان میں نمائندگی بھی پی ٹی آئی ہی کی چاہیں گے۔ان کا کہنا تھا کہ سنی اتحاد کونسل کے ساتھ معاہدے میں لکھا تھا کہ ہم واپس پی ٹی آئی جوائن کریں گے، ہمیں سرٹیفکیٹ کا انتظار ہے، سرٹیفکیٹ ملتے ہی ہم اپنی پارٹی دوبارہ جوائن کریں گے۔

کنگ سلمان ریلیف سنٹر نے ضلع دیر بالا میں حالیہ برفباری اور بارش سے متاثرہ گھرانوں میں 1250 فوڈ پیکجز کی تقسیم

اپر دیر ( چترال ٹائمز رپورٹ ) کنگ سلمان ہیومینٹیرین ایڈ اینڈ ریلیف سنٹر نے صوبہ خیبرپختونخوا کے مستحق خاندانوں کی اہم غذائی ضروریات کو پورا کرتے ہوئے ماہ رمضان میں5000 فوڈ پیکجز کی تقسیم اپر دیر میں مکمل کرلی، جبکہ خیبر، باجوڑ، مہمند میں بھی منصوبے کے تحت ہر ضلع میں 1250 فوڈ پیکجز تقسیم کیے جارہےہیں، جس سے چاروں اضلاع میں 35000 افراد مستفید ہونگے ۔

فوڈ پیكج میں تمام ضروری اشیائے خوردونوش شامل ہیں ۔ ایک فوڈ پیک 97 كلوگرام پر مشتمل ہے جس میں 80 كلو فائن آٹا، 5 كلو گرام دال چنا، 5 لٹر كوكنگ آئل ، 5كلو گرام چینی اور 2 کلوگرام کھجور شامل ہیں ۔

ان فوڈ پیکجز کی تقسیم کا عمل، نیشنل ڈیزاسٹر مینجمنٹ اتھارٹی ، مقامی حکومتی انتظامیہ، اہثار فاؤنڈیشن کے مشترکہ تعاون اور کوششوں سے مکمل کیا جائیگا ۔

وفاقی وزارت تعلیم کی جانب سے تعلیمی اداروں میں رقص و سرود کی محفلوں کے انعقاد افسوسناک اور قابل مذمت ہے، ہرگز اجازت نہیں دینگے۔ عبد الواسع اینڈ عبد الاکبرچترالی

پشاور(چترال ٹائمزرپورٹ) جماعت اسلامی خیبر پختونخوا کے سیکرٹری جنرل عبدالواسع اور سابق ایم این اے مولانا عبدالاکبر چترالی نے وفاقی وزارت تعلیم کی جانب سے تعلیمی اداروں میں رقص و سرود کی محفلوں کے انعقاد پر شدید ردعمل کا اظہار کرتے ہوئے اسے اسلامی اقدار اور پاکستان کی قومی شناخت کے منافی قرار دیا ہے۔المرکز الاسلامی پشاور سے جاری کیے گئے بیان میں دونوں رہنماؤں کا کہنا تھا کہ اسلامی جمہوریہ پاکستان میں وفاقی وزارت تعلیم کی جانب سے تعلیمی اداروں میں رقص و سرود کی محفلوں کا انعقاد ہمارے اقدار کی منافی ہے، ہم اس کی پرزور مذمت کرتے ہیں۔ایسی کسی بھی سرگرمی کی قطعاً اجازت نہیں دی جاسکتی۔ وفاقی حکومت وزارتِ تعلیم کی اس حرکت کا نوٹس لے۔ انھوں نے کہا کہ وفاقی وزارت تعلیم و تربیت کا یونیسکو کی طرف سے سرکاری تعلیمی اداروں میں ڈانس محافل کے انعقاد، اساتذہ اور طلباء کو شریک کرانے کی دعوت اور شطرنج کھیل کے لیے اساتذہ کو ٹریننگ دینا قابلِ مذمت ہے۔ نظریہ پاکستان اور آئین پاکستان کا تقاضا اسلامی شعائر کی ترویج و اشاعت ہے نہ کہ رقص و سرود کی محافل، وفاقی حکومت ان نوٹیفیکیشنز کو فی الفور منسوخ کرے۔ انھوں نے کہا کہ پاکستان میں لاکھوں بچے سکولوں سے باہر ہیں، سکولوں میں اساتذہ اور کتابوں کی کمی کا سامنا ہے، سکولوں کی عمارتیں بوسیدہ اور خستہ حال ہیں لیکن ان کوتاہیوں کی طرف کوئی توجہ نہیں کی جاتی۔ حکومت اس طرح کے غیر سنجیدہ اقدامات کے بجائے بچوں کی بہتر تعلیم اور سہولیات پر توجہ دے۔انھوں نے کہا کہ حکمران اس بات کو یقینی بنائیں کہ بین الاقوامی اداروں کو پاکستان کی سالمیت کا احترام کرنے کا پابند بناتے ہوئے نظریاتی امور میں دخل اندازی سے روک لیں۔اس بے ہودہ سرگرمی کے انعقاد کی بجائے تعلیمی مسائل کے حل کیلئے اقدامات اٹھائے۔انھوں نے کہا کہ جماعت اسلامی مغربی تہذیب کو مسلط کرنے کی کوششوں کے خلاف بھرپور مزاحمت کرے گی۔

وزیر اعلیٰ خیبر پختونخوا کا صوبے کی جیلوں میں قیدیوں کو معیاری کھانے کی فراہمی کیلئے جیل فوڈ مینو تبدیل کرنے کا فیصلہ، اس مد میں جیل خانہ جات کا سالانہ بجٹ ڈیڑھ ارب روپے سے بڑھاکر دو ارب روپے کرنے کی منظوری دیدی

پشاور ( چترال ٹائمز رپورٹ ) وزیر اعلیٰ خیبر پختونخوا علی امین خان گنڈاپور نے صوبے کی جیلوں میں قیدیوں کو معیاری کھانے کی فراہمی کیلئے جیل فوڈ مینو تبدیل کرنے کا فیصلہ کیا ہے اور اس مد میں جیل خانہ جات کا سالانہ بجٹ ڈیڑھ ارب روپے سے بڑھاکر دو ارب روپے کرنے کی منظوری دی ہے۔ وزیراعلیٰ نے متعلقہ حکام کو فیصلے پر عمل درآمد یقینی بنانے کیلئے بلاتاخیر ضروری اقدامات اُٹھانے کی ہدایت کی ہے اور کہا ہے کہ تمام ڈپٹی کمشنرز اپنے متعلقہ اضلاع میں جیلوں میں موجود قیدیوں کو فراہم کی جانے والی خوراک کا روزانہ کی بنیاد پر معائنہ یقینی بنائیں گے۔ وزیراعلیٰ نے مزید فیصلہ کیا کہ وہ قیدی جو اپنے مقدمات کی پیروی کیلئے وکیل کرنے کی استطاعت نہیں رکھتے اُن کیلئے صوبائی حکومت وکیل فراہم کرے گی۔ اُنہوںنے متعلقہ حکام کو ہدایت کی ہے کہ اس مقصد کیلئے اچھے اور قابل وکلائکی خدمات حاصل کی جائیں، درکار فنڈز صوبائی حکومت فراہم کرے گی۔وہ جمعہ کے روز وزیراعلیٰ ہاوس پشاور میں محکمہ جیل خانہ جات کے ایک اجلاس کی صدارت کر رہے تھے۔ ایڈیشنل چیف سیکرٹری داخلہ محمد عابد مجید، وزیراعلیٰ کے پرنسپل سیکرٹری امجد علی خان، انسپکٹر جنرل جیل خانہ جات محمد عثمان محسود اور دیگر متعلقہ حکام نے اجلاس میں شرکت کی۔

وزیراعلیٰ نے خیبرپختونخوا کی مختلف جیلوں میں سہولیات کی فراہمی کیلئے جاری ترجیحی منصوبوں کو تیز رفتاری سے مکمل کرنے کی ضرورت پر زور دیتے ہوئے محکمہ خزانہ کو اس مقصد کیلئے درکار وسائل فراہم کرنے کی ہدایت کی ہے۔اُنہوںنے جیلوں میں کھانے پینے کی اشیاء، ادویات اور دیگر مدات میں بقایا جات کی ادائیگی اور دیگر فوری نوعیت کے کاموں کی تکمیل کیلئے بھی ایک ارب روپے فراہم کرنے کا فیصلہ کیا ہے۔ وزیراعلیٰ نے صوبے کی تمام جیلوں میں قیدیوں کو کھیلوں کی سہولیات کی فراہمی کیلئے ضروری اقدامات اُٹھانے جبکہ متعلقہ حکام کو جیل خانہ جات کیلئے درکار 18 گاڑیاں فراہم کرنے کی ہدایت کی ہے۔ مزید برآں علی امین گنڈ ا پور نے جیل خانہ جات میں بھرتیاں سرکل اور ریجن وائز کرنے جبکہ جیلوں میں عملے کی تعیناتی ڈومیسائل کی بنیاد پر کرنے کی ہدایت کی ہے۔ اُنہوںنے جیل خانہ جات میں جاری اصلاحات کے عمل پر اطمینان کا اظہار کرتے ہوئے کہاکہ جیلوں میں موجود قیدیوں کو کارآمد شہری بنانے کیلئے ہنر مندی کی تربیت دینا ایک قابل تحسین عمل ہے۔ وزیراعلیٰ نے قیدیوں کی بنائی گئی مصنوعات کی تشہیر اور مارکیٹنگ کیلئے باضابطہ لائحہ عمل تیار کرنے اور اس مقصد کیلئے شوروم کا انتظام کرنے کی ہدایت کی ہے اور کہا ہے کہ قیدیوں کے بنائے گئے فرنیچرز سرکاری محکمے بغیر ٹینڈر کے خریدا کریں۔

وزیراعلیٰ نے مذکورہ مصنوعات سے حاصل ہونے والی آمدنی کو قیدیوں اور اُن کے اہل خانہ کی فلاح و بہبود پر خرچ کرنے کی ہدایت کی۔ اسی طرح اُنہوںنے قیدیوں کو پینے کے صاف پانی کی فراہمی یقینی بنانے کی ہدایت کرتے ہوئے کہاکہ جن جیلوں میں بجلی کا مسئلہ ہے وہاں سولر سسٹم نصب کئے جائیں۔ وزیراعلیٰ نے صوبے کی حساس سنٹرل جیلوں میں سکیورٹی انتظامات کو بہتر بنانے کیلئے مجوزہ اقدامات سے اتفاق کرتے ہوئے یقین دلایا کہ صوبائی حکومت اس سلسلے میں درکارتعاون فراہم کرے گی۔ وزیراعلیٰ نے اس موقع پر ایڈیشنل چیف سیکرٹری داخلہ کو ہدایت کی کہ وہ محکمہ جیل خانہ جات کی مزید بہتری کیلئے ضروری اصلاحات تجویز کریں، صوبائی حکومت اُن اصلاحات پر عمل درآمد میں ہر ممکن مدد کرے گی۔ قبل ازیں اجلاس کو محکمہ جیل خانہ جات کے تحت اُٹھائے گئے اصلاحاتی و ترقیاتی اقدامات کے حوالے سے تفصیلی بریفینگ دیتے ہوئے بتایا گیا کہ صوبے میں قیدیوں کا ڈیٹا عدالت، پولیس اور پراسکیوشن کے ساتھ لنک کیا جا رہا ہے۔ پریزن مینجمنٹ انفارمیشن سسٹم کے ذریعے ڈیٹا کی ڈیجٹیائزیشن کا عمل جاری ہے۔ علاوہ ازیں جیلوں اور انسداد دہشت گردی عدالتوں میں ویڈیو لنک سہولیات کی فراہمی کا عمل جاری ہے، اب تک 9 جیلوں اور 7 اے ٹی سی کورٹس میں یہ سہولت فراہم کی جاچکی ہے۔ اسی طرح صوبے کی سنٹرل اور ضلعی جیلوں میں موجود دور دراز علاقوں کے قیدیوں کے اہل خانہ کی سہولت کیلئے ورچوئل ویزٹنگ پوائنٹس قائم کئے گئے ہیں۔

علاوہ ازیں جیلوں میں 14 لٹریسی سنٹرز، 18 قرشی کلینکس، 12 منی لیبارٹریز اور 9 جیلو ں میں ٹرانس جینڈر رومزقائم کئے گئے ہیں۔ مزید بتایا گیا کہ قیدیوں کو تعمیر ی سرگرمیوں میں مشغول رکھنے اور اُنہیں کارآمد شہری بنانے کیلئے صنعتی سرگرمیوں کو بھی فروغ دیا جار ہا ہے۔ سنٹرل جیلوں پشاور، ہری پور اور مردان میں لیدر، وڈ ورکنگ اور ماربل انڈسٹریز قائم کی گئی ہیں۔ علاوہ ازیں مختلف جیلوں میں سمال انڈسٹریز کا قیام بھی عمل میں لایا گیا ہے جن میں جوتے بنانے کی صنعت، کشیدہ کاری، ٹیلرنگ، آرٹ گیلری، فش فارمنگ، گملہ میکنگ، چھت کے پنکھے، واٹرمشین ری وائنڈنگ، عبایا کی تیاری، ایل ای ڈی بلب کی تیاری، ڈیٹرجنٹ انڈسٹری، شال کی تیاری اور دیگر متعدد صنعتوں پر کام کیا جارہا ہے۔ یہ تمام انڈسٹریز ٹیوٹا اور ٹریڈ ٹیسٹنگ بورڈکے ساتھ رجسٹرڈ کی گئی ہیں اورمتعلقہ قیدیوں کو باضابطہ ڈپلومہ اور اسناد دی جارہی ہیں۔ قیدیوں کی سکل ڈویلپمنٹ کے پروگرام کے تحت گزشتہ ایک سال کے دوران 11 مختلف شعبوں میں 399 قیدیوں کو ہنر مندی کی تربیت دی جا چکی ہے۔ علاوہ ازیں فری میڈیکل کیمپس کا انعقاد کیا گیا ہے جن کے ذریعے چھ ہزار سے زائد قیدیوں کا علاج کیا گیا ہے۔ مزید برآں مانیٹرنگ اینڈ کمپلینٹ مینجمنٹ سیل اور شکایات کے ازالے کا سیل بھی قائم کئے گئے ہیں جو جنوری2023 سے فعال ہیں۔

خیبرپختونخوا کی صوبائی کابینہ نے تحصیل میونسپل ایڈمنسٹریشن (ٹی ایم اے) کو تنخواہوں، پنشن اور سابقہ واجبات کی ادائیگی کیلئے 859.8 ملین سپلیمنٹری گرانٹ کی فراہمی کی منظوری دیدی

پشاور (چترال ٹائمزرپورٹ) خیبرپختونخوا کی صوبائی کابینہ نے تحصیل میونسپل ایڈمنسٹریشن (ٹی ایم اے) کو تنخواہوں، پنشن اور سابقہ واجبات کی ادائیگی کیلئے 859.8 ملین سپلیمنٹری گرانٹ کی فراہمی کی منظوری دی ہے۔ منظوری سے صوبے کے 86 بندوبستی اور 25 ضم اضلاع میں ٹی ایم ایز کے لیے فنڈز فراہم کیے جائیں گے۔ کابینہ نے رواں ماہ کے کرنٹ اخراجات کی انتظامی منظوری بھی دی جس کی باضابطہ منظوری آئندہ اسمبلی اجلاس سے لی جائے گی۔ خیبرپختونخوا کابینہ کا تیسرا اجلاس وزیراعلیٰ خیبرپختونخوا علی امین خان گنڈا پور کی زیر صدارت جمعہ کے روز منعقد ہوا جس میں ضم ضلع جنوبی وزیرستان میں کیڈٹ کالج اسپنکئی کے لیے گرانٹ کی فراہمی، تحصیل میونسپل ایڈمنسٹریشن کے لیے سپلیمنٹری گرانٹ کی منظوری اور خیبرپختونخوا حکومت اور اقوام متحدہ کے ترقیاتی پروگرام (یو این ڈی پی) کے درمیان پائیدار ترقیاتی اہداف (ایس ڈی جیز) یونٹ کے لئے معاہدے پر دستخط کی منظوری زیر بحث آئے۔

ٹی ایم اے امور کا احاطہ کرتے ہوئے وزیراعلیٰ علی امین خان گنڈا پور نے متعلقہ محکموں کو ہدایت کی کہ وہ صوبائی حکومت کو مالی مشکلات سے نکالنے کیلئے اصلاحات کے ذریعے ریونیو میں اضافہ، ٹی ایم اے پراپرٹیز کے مؤثر استعمال اور لیز پالیسی پر نظر ثانی کے لیے عملی اقدامات کریں۔ انہوں نے ٹی ایم اے اور محکمہ زراعت کو مربوط حکمت عملی کے تحت صوبے کے ہر ضلع میں منڈیوں کے تعداد میں اضافہ کرنے کی بھی ہدایت کی۔ کابینہ نے ضم ضلع جنوبی وزیرستان میں کیڈٹ کالج ا سپنکئی کے لیے خصوصی مالی گرانٹ کی فراہمی کی اصولی طور پر منظوری دی۔گرانٹ کالج کے آپریشنل اخراجات کے لئے فراہم ہوگی۔ اجلاس کو بتایا گیا کہ کیڈٹ کالج اسپنکئی اس وقت جنوبی وزیرستان میں طلباء کو معیاری تعلیم فراہم کر رہا ہے جہاں علاقے میں کم معاشی سرگرمیوں اور زیادہ سے زیادہ طلباء کو معیاری تعلیم فراہم کرنے کے لیے فیسیں کم سے کم رکھی گئی ہیں۔

وزیر اعلیٰ نے اسپنکئی اور وانا کے کیڈٹ کالجوں میں شہداء خاندانوں سے تعلق رکھنے والے طلباء کے ساتھ ضرورت مند طلباء کو سکالر شپ دینے کے لیے محکمہ تعلیم کو اقدامات کرنے کی ہدایت کی۔اسی طرح صوبائی کابینہ نے خیبرپختونخوا حکومت اور اقوام متحدہ کے ترقیاتی پروگرام (یو این ڈی پی) کے درمیان پائیدار ترقیاتی اہداف یونٹ کے لیے مالیاتی معاہدے پر دستخط کی بھی منظوری دی۔کابینہ کے اجلاس میں وزراء، مشیروں اور معاونین خصوصی، چیف سیکرٹری خیبرپختونخوا، ایڈیشنل چیف سیکرٹری، انتظامی سیکرٹریز اور دیگر متعلقہ حکام نے شرکت کی۔

وزیر صحت سید قاسم علی کی سربراہی میں فارمیسی سروسز خیبرپختونخوا کی مجوزہ پالیسی بارے اجلاس، وزیر صحت نے ملک کی پہلی ڈرگ پالیسی اتفاق کرتے ہوئے اس کی اُصولی منظوری کیلئے اقدامات اُٹھانے کے احکامات جاری کردئے، ہسپتالوں میں فارماسیسٹ کی تعیناتی ناگزیر ہے، پختونخواہ ملک کا پہلا صوبہ ہوگا جو ڈرگ پالیسی کی منظوری دیگا

پشاور (چترال ٹائمزرپورٹ) خیبر پختونخوا کے وزیر صحت سید قاسم علی شاہ کی سربراہی میں مجوزہ ڈرگ پالیسی سے متعلق اجلاس منعقد ہوا۔اجلاس میں ڈپٹی سیکرٹری ڈرگز ابراہیم، ڈی جی ڈرگز اینڈ فارمیسی سروسز ڈاکٹر عباس اور ینگ فارما سسٹ کمیونٹی کے نمائندہ وفد سمیت ڈرگ ڈائریکٹوریٹ کے متعلقہ اہلکاروں نے شرکت کی۔ صوبے کے شہریوں کو معیاری ادویات کی فراہمی کیلئے مجوزہ پالیسی پیش کی گئی۔ ڈرگ پالیسی محکمہ صحت سے منظوری کے بعد کابینہ میں اصولی منظوری کیلئے پیش کی جائے گی۔ وزیر صحت کو بتایا گیا کہ پالیسی میں عالمی ادارہ صحت کے معیار کے مطابق ہسپتالوں میں فارماسیسٹ کی تعیناتی عمل میں لائی جائیگی۔ پالیسی کے تحت فارمیسی سروسز کو مراکز صحت کیساتھ انٹیگریٹ کیا جائے گا۔ پالیسی کے تحت ڈاکٹرز مریضوں کو برانڈ کی بجائے فارمولا کے حساب سے ادویات تجویز کرینگے۔ جس سے ڈرگ مارکیٹ سے برانڈز کی نرخ اور سپلائی کی من مانی ختم ہوجائیگی۔پالیسی کے نفاذ سے مریضوں پر ادویات کے اخراجات اور صحیح ادویات کے استعمال سے اموات میں کمی واقع ہوگی۔

وزیر صحت کو بتایا گیا کہ خیبرپختونخوا میں فارماسیسٹ کی کمی ہے۔ خیبرپختونخوا پہلا صوبہ ہے جہاں علیٰحدہ ڈرگز ڈارئیکٹوریٹ قائم کیا گیا ہے جہاں سے ای ڈرگ سیل لائسنس کا اجرا اور ڈرگ ٹیستنگ لیبارٹری کی رپورٹ آن لائن دستیاب ہوتی ہے۔ سپریم کورٹ فیصلے کے مطابق پچاس بستروں پر ایک فارماسیسٹ کی تقرری لازمی ہے۔ اس پالیسی کے تحت ہسپتالوں میں فارماسیسٹ کی تقرری سے عوام کو کم نرخ پر معیاری ادویات کی دستیابی یقینی بنائی جاسکے گی۔ پالیسی کے تحت ادویات کے مُضر اثرات کو کم کرنے کیلئے ہسپتالوں میں فامیکو ویجلنس اور انٹی بائیوٹگ کی مزاحمت کو کم کرنے میں مدد ملے گی جبکہ ادویات کی سٹوریج اور سپلائی چین کو برقرار رکھنے میں بھی مدد ملے گی۔ پالیسی کے نفاذ سے جعلی و غیر معیاری ادویات کے روزگار کو لگام ڈالنے میں مدد ملے گی۔ اس وقت پورے صوبے میں صرف 56 ڈرگ انسپکٹرز تعینات ہے جو کہ رجسٹرڈ 17000 سمیت غیر رجسٹرڈ فارمیسیز کو بھی دیکھ رہے ہیں۔ صوبے میں ڈرگ انفارمیشن اینڈ پوائزن کنٹرول سنٹر بنانے کی تجویز پیش کی گئی ہے جو کہ پالیسی کا حصہ ہے۔ سنٹر کسی بھی طرح کے ذہر اور ادویات کے اوور ڈوز کا انٹی ڈاٹ ایمرجنسی کے طور پر آن لائن یا کال کے زریعے رہنمائی فراہم کرے گا۔ ہر ڈویژن کی سطح پر ایک ڈرگ ٹیسٹنگ لیبارٹری کا قیام تجوزی کیا گیا۔ تحصیل کی سطح پر ایک ڈرگ انسپکٹر کی تقرری بھی تجویز کی گئی۔ پالیسی کے نفاذ سے صوبہ میں فارمیسی پیشے اور فارماسیسٹ کمیونٹی کو ان کی پہچان مل جائیگی۔ پالیسی سے اصولی اتفاق پر ینگ فارماسیسٹ کمیونٹی کے نمائندہ وفد نے صوبہ بھر کے فارماسیسٹ کی جانب سے وزیر صحت کا شکریہ ادا کیا۔

حکومت خیبرپختونخوا نے عیدالفطر کے موقع پر سرکاری تعطیلات کااعلامیہ جاری کردیا

پشاور (چترال ٹائمزرپورٹ) حکومت خیبرپختونخوا نے عیدالفطر کے موقع پر سرکاری تعطیلات کااعلامیہ جاری کردیا ہے، تفصیلات کے مطابق ہفتے میں 5 روز کام کرنے والے دفاتر میں

10 اپریل سے 12 اپریل 2024، (بدھ سے جمعہ تک) تک چھٹیاں ہوں گی۔ہفتے میں 6 روز کام کرنے والے دفاتر میں 10 اپریل سے 13 اپریل 2024 تک(بدھ سے ہفتہ تک) تعطیلات ہونگی۔اس امر کا اعلان محکمہ انتظامیہ حکومت خیبر پختونخوا کے جاری کردہ ایک اعلامیے میں کیا گیا۔

کورکمانڈر ہاؤس میں صوبائی کابینہ کا کوئی اجلاس منعقد نہیں ہوا، مشیر اطلاعات

الیون کور میں کابینہ ممبران کو افطار دعوت دی گئی تھی جس کے بعد موجودہ سیکیورٹی صورتحال پر بریفنگ دی گئی، مشیر اطلاعات بیرسٹر ڈاکٹر سیف

پشاور (چترال ٹائمزرپورٹ) کور کمانڈر ہاؤس میں صوبائی کابینہ اجلاس کے بارے میں افواہوں پر مشیر اطلاعات و تعلقات عامہ بیرسٹر ڈاکٹر سیف نے جمعہ کو جاری ایک بیان میں کہا کہ کورکمانڈر ہاؤس میں کابینہ کا کوئی اجلاس منعقد نہیں ہوا، الیون کور میں کابینہ ممبران کو افطار دعوت دی گئی جسے اسلامی روایات کے مطابق قبول کیا، افطاری کے بعد الیون کور میں کابینہ ممبران کو صوبہ میں موجودہ سیکیورٹی صورتحال پر بریفنگ دی گئی، سیکیورٹی پر بریفنگ کے بعد سوال وجوابات کا سیشن ہوا۔ مشیر اطلاعات کا کہنا تھا کہ الیون کور میں سیکیورٹی معاملات کے حوالے سے سپیشلائزڈ بریفنگ روم مختص ہے، اس لئے کابینہ ممبران وہاں گئے۔ مشیر اطلاعات کا کہنا تھا کہ سیکیورٹی صورتحال قابو کرنا حکومت اور اداروں کی مشترکہ ذمہ داری ہے، خیبر پختونخوا میں موجودہ سیکیورٹی صورتحال سے نمٹنے کے لیے فوج سے فعال رابطوں اور تعاون پر یقین رکھتے ہیں۔ ان کا کہنا تھا کہ افغانستان کیساتھ ہماری طویل بارڈر ہے جہاں سیکیورٹی اداروں پر بھاری ذمہ داریاں عائد ہوتی ہیں۔ مشیر اطلاعات بیرسٹر ڈاکٹر سیف کا کہنا تھا کہ وزیر اعلیٰ علی امین گنڈاپور نے وہاں خطاب بھی کیا جس میں انہوں نے خیبرپختونخوا کی موجودہ سیکیورٹی صورتحال اور حکومتی اقدامات پر بات کی۔ ان کا کہنا تھا کہ ہم اپنے کور کمانڈر کی افطار دعوت پر گئے اور سیکیورٹی صورتحال پر بریفنگ لی، اپنے عوام کے جان ومال کے تحفظ کی خاطر اگر ہم اپنی فوج کیساتھ نہیں بیٹھیں گے تو کیا انڈیا کی فوج کیساتھ بیٹھیں گے، عوام کی جان ومال کے تحفظ کے لیے سیکیورٹی اداروں کیساتھ ملکر آگے بڑھیں گے۔ مشیر اطلاعات کا کہنا تھا کہ چند لوگ جھوٹی افواہیں پھیلا کر صوبے میں اپنی سیاست دوبارہ زندہ کرنے کی ناکام کوششیں کررہے ہیں۔

وزیراعلی خیبرپختونخو کا محکمہ ایکسائز کو جدید خطوط پر استوار کرنے اور اس کی استعداد کار کو بڑھانے کے لیے تین الگ ڈائریکٹوریٹس قائم کرنے کا فیصلہ

پشاور ( چترال ٹائمز رپورٹ ) وزیر اعلیٰ خیبر پختونخوا علی امین خان گنڈاپور نے محکمہ ایکسائز کو جدید خطوط پر استوار کرنے اور اس کی استعداد کار کو بڑھانے کے لیے تین الگ ڈائریکٹوریٹس قائم کرنے کا فیصلہ کیا ہے جس کے تحت وہیکل رجسٹریشن اینڈمینجمنٹ، انٹیلیجنس اینڈ نارکوٹکس کنٹرول اور پراپرٹی ٹیکس کے لیے الگ الگ ڈائریکٹوریٹس قائم کی جائیں گی۔ وزیراعلیٰ نے متعلقہ حکام کو مجوزہ ڈائریکٹوریٹس کی ذمہ داریوں کا واضح تعین کرنے کی ہدایت کی ہے اور کہا ہے کہ حتمی مقصد محکمہ کو جدید تقاضوں سے ہم آہنگ بنانا ہے جس کیلئے تمام تر ضروری اقدامات اُٹھائے جائیں گے ۔وہ گزشتہ روزوزیراعلیٰ ہاﺅس پشاور میں محکمہ ایکسائز اینڈ ٹیکسیشن کے ایک اجلاس کی صدارت کر رہے تھے۔

وزیراعلیٰ نے محکمے کے ریونیو کو بڑھانے کے لئے موجودہ قوانین میں ضروری ترامیم کی بھی ہدایت کی ہے ۔ اُنہوں نے غیر مجاز افراد کے زیر استعمال ایکسائز کی گاڑیاں واپس لینے کا فیصلہ کیا ہے اور متعلقہ حکام کو ہدایت کی ہے کہ ان غیر مجاز افراد کو گاڑیاں واپس کرنے کے لئے باضابط نوٹس جاری کئے جائیں،مقرر وقت میں گاڑیاں واپس نہ کرنے کی صورت میں ان کے خلاف ایف آئی آرز درج کرائی جائیں۔وزیراعلیٰ نے کہاکہ یہ گاڑیاں ضرورت کی بنیاد پر پولیس اور دیگر صوبائی محکموں کو دی جائیںگی ۔ علی امین خان گنڈا پور نے ایکسائز کے وئیر ہاو¿س میں کھڑی ناکارہ گاڑیوں کو شفاف انداز میں نیلام کرنے کی ہدایت کی ہے اور واضح کیا ہے کہ سیاسی سفارش پر کسی کو یہ گاڑیاں نہ دی جائیں،مزید برآں اُنہوںنے ہدایت کی کہ جن مجاز سرکاری لوگوں کو گاڑیاں دی جائیں ان کی مکمل ڈاکومنٹیشن کی جائے ۔ اسی طرح وزیراعلیٰ نے کرائے پر لگے گھروں پر کمرشل ٹیکس وصول کرنے کے لئے طریقہ کار وضع کرنے جبکہ اُن گھروں کے اصل کرایوں کا تعین کرنے کے لئے اقدامات اُٹھانے کی ہدایت کی ہے ، اُنہوں نے پراپرٹی ٹیکس کی وصولی اور اس میں شفافیت کو یقینی بنانے کے لئے جی آئی ایس سسٹم متعارف کرانے جبکہ محکمے کے جملہ معاملات کو جدید خطوط پر استوار کرنے کے لئے قابل عمل پلان ترتیب دینے اور اس پلان پر ٹائم لائنز کے مطابق عملدرآمد یقینی بنانے کی بھی ہدایت کی ۔

علی امین نے واضح کیا کہ وہ کاغذی کاروائی ، روایتی بریفنگ اور پریزینٹیشن کی بجائے آن گراونڈ عملدرآمد پر یقین رکھتے ہیں، ٹیکس نیٹ کو بڑھانے کے لئے روایتی انداز سے ہٹ کر کام کیا جائے اور ٹیکسوں کی ادائیگیوں کے سلسلے میں لوگوں کا اعتماد حاصل کیا جائے۔ وزیراعلیٰ نے محکمے کے اندر جزا و سزا کا نظام مضبوط بنانے کی ہدایت کرتے ہوئے کہاکہ اچھی کارکردگی کے حامل اہلکاروں کی بھر پور حوصلہ افزائی کی جائے ۔ صوبائی وزیر برائے ایکسائز اینڈ ٹیکسیشن خلیق الزمان، وزیر اعلی کے مشیر برائے خزانہ مزمل اسلم، وزیر اعلی کے پرنسپل سیکرٹری امجد علی خان اور محکمہ ایکسائز کے متعلقہ حکام نے اجلاس میں شرکت کی .

دریں اثنا وزیر اعلی خیبر پختونخوا علی امین گنڈاپور نے گزشتہ روز شمالی وزیرستان کے علاقہ تپی میں نامعلوم افراد کی پولیس اہلکار پر فائرنگ کی مذمت کرتے ہوئے واقعے میں ایلیٹ فورس کے اہلکار کی شہادت پرافسوس کا اظہار کیا ہے۔ یہاں سے جاری اپنے ایک بیان میں وزیر اعلی نے شہید کے اہل خانہ سے دلی ہمدردی اور تعزیت کا اظہار کرتے ہوئےشہید کے درجات کی بلندی اور پسماندگان کے لئے صبر جمیل کی دعا کی ہے۔
وزیر اعلی نے پولیس کے اعلی حکام کو فائرنگ میں ملوث عناصر کی فوری گرفتاری کے لئے ضروری اقدامات کی ہدایت کی ہے اور کہا ہے کہ عوام کی جان و مال کے تحفظ کے لئے پولیس نے لازوال قربانیاں دی ہیں اورہم عوام کی جان و مال کے لئے اپنی جانوں کا نذرانہ پیش کرنے والے اہلکاروں کی قربانیوں کو سلام پیش کرتے ہیں۔ انہوں نے یقین دلایا ہے کہ شہید کے اہل خانہ کو تنہا نہیں چھوڑا جائے گی اور ان کی ہر ممکن معاونت کی جائےگی۔

ڈپٹی اسپیکرخیبرپختونخوا اسمبلی ثربابی بی کے زیرصدارت پیڈو اور پیسکوحکام کا اجلاس، چترال میں لوڈشیڈنگ میں کمی کے حوالے سے ٹھوس اقدامات اُٹھانے کی ہدایت

پشاور (چترال ٹائمزرپورٹ) ڈپٹی سپیکر خیبر پختونخوا اسمبلی ثریا بی بی نے ضلع چترال میں بجلی کی طویل لوڈشیڈنگ پر تشویش کا اظہار کرتے ہوئے کہا کہ ضلع بھر میں عوامی احتجاج کے باعث امن وامان کی صورتحال خراب ہونے کے خدشے پر فوری طور پر مسئلے کے حل کیلئے اقدامات اٹھانے پر زور دیا ہے۔ چترال میں بجلی کی ترسیلی نظام کو بہتر بنانے کیلئے پختونخوا انرجی ڈویلپمنٹ آرگنائزیشن (پیڈو) اور پیسکو کے درمیان معاہدوں پر عملدرآمد اور نئی ٹرانسمیشن لائن بچھا کر لوڈشیڈنگ کے مسئلے کو فوری حل کر کے چترال کے عوام کی مشکلات میں آسانی پیدا کی جائے۔ ان خیالات کا اظہار انہوں نے گزشتہ روز پیسکو اور پیڈو کے اعلیٰ سطحی اجلاس سے خطاب کرتے ہوئے کیں۔ اس موقع پر ایڈیشنل سیکرٹری پیڈوعبدالحسیب‘ چیف انجینئر پیڈو جواد حیدر‘ چیف انجینئر پیسکو گوہر رحمان‘ ڈپٹی منیجر پیسکو سید غلام خان‘ ڈپٹی ڈائریکٹر پی ڈی سی تنویر السلام‘ ڈپٹی ڈائریکٹر ٹیکنیکل زین العابدین‘ ڈپٹی ڈائریکٹر پیڈو قمر ضیاء‘ ایس ڈی او پیسکو خورشید کے علاوہ دیگر متعلقہ حکام بھی موجود تھے۔

ڈپٹی سپیکر ثریا بی بی نے کہا کہ چترال کے عوام کو بجلی سے متعلق کافی مشکلات کا سامنا ہے اور سال کے 12مہینوں میں صرف 4مہینے بجلی ملتی ہے اس میں بھی 12‘12گھنٹے لوڈ شیڈنگ ہوتی رہتی ہے جس سے وہاں کے عوام کا جینا مشکل ہوگیا ہے جس کیلئے ہمیں ٹھوس اقدامات اٹھانے اور مسئلے کے خاتمے کیلئے ہمیں مشترکہ کوششیں کرنی ہوں گی۔ انہوں نے پیسکو اور پیڈو کے حکام کو ہدایت دی کہ وہاں پر جتنے بھی تکنیکی مسئلے ہیں اس کا حل نکال کر عوام کے مشکلات میں کمی لائی جائے ڈپٹی سپیکر نے کہا کہ وہاں پر بچائی گئی لائن کو اگر لواری ٹنل کے اندر سے گزارا جائے تو اس پر کافی حد تک قابو پایا جاسکتا ہے کیونکہ وہاں پر برف باری کی وجہ سے ٹرانسمیشن لائن میں خرابی پیدا ہوجاتی ہے اور کافی عرصے تک یہ مسئلہ بھرقرار رہتا ہے تو اس کو ترجیحی اور ہنگامی بنیادوں پر حل کرنا ہوگا ۔

اس موقع پر چیف انجینئر گوہر رحمان نے بتایا کہ ہمارے بقایا جات کی ادائیگی کا معاملہ بھی چلا آرہا ہے جس کی وجہ سے ہمیں بجلی کی ترسیل میں مشکلات پیدا ہورہی ہیں تو اس ضمن میں پیڈو حکام کو چاہئے کہ ان کے ذمہ جتنے بقایا جات بنتے ہیں پیسکو کو بر وقت ادا کرنے سے اس مسئلے کا حل نکالاجا سکتا ہے جس پر ڈپٹی سپیکر نے موقع پر ہی پیڈو حکام کو ہدایت کرتے ہوئے کہا کہ آپ بقایا جات کی ادائیگی فوری شروع کریں تاکہ چترال کے عوام کو ریلیف مل سکیں۔ چیف انجینئر پیسکو نے اجلاس سے خطاب کرتے ہوئے کہا کہ 2015ء میں فلڈ کی وجہ سے جو گرڈ سٹیشن خراب ہوئے تھے اس پر بھی کام کافی حد تک مکمل ہوگیا ہے جس سے اپر چترال میں بجلی کی لوڈشیڈنگ میں کمی کر کے 12 گھنٹوں سے 8گھنٹے کردی گئی ہیں اور وہاں پر موجودہ گرڈ میں ٹرانسفارمر پر بھی کام شروع ہوچکا ہے جو جلد از جلد مکمل ہوجائے گا جس سے کچھ عرصہ بعد بجلی کی ترسیل میں 6سے 7میگا واٹ کی پیدوار ہوگی۔

اس موقع پر ایڈیشنل سیکرٹری توانائی نے بتایا کہ پیڈو نے پہلے ہی پیسکو کو آگاہ کیا ہے کہ وہ صارفین سے بلوں کی وصولی کیلئے تیار ہیں تاہم پیسکو اپنے مقررہ نرخوں پر وصولی چاہتا ہے لیکن چترال کے عوام پسماندہ ہونے کے وجہ سے نیپرا کی طرف سے وہاں کے عوام کیلئے مقرر کردہ نرخوں کے مطابق عوام بجلی کے بل ادا کر رہی ہیں جس پر پیسکو حکام کے تحفظات ہیں جس پر ڈپٹی سپیکر ثریا بی بی نے کہا کہ دونوں ادارے آپس میں مل بیٹھ کر اس مسئلے کا فوری اور ٹھوس حل نکال کر عوام کے مشکلات میں کمی لائی جائیں۔ ثریا بی بی نے پیڈو حکام کو یہ بھی بتایا کہ چترال میں جتنے بھی چھوٹے چھوٹے پن بجلی گھر موجود ہیں اس میں کافی ناکارہ اور خراب پڑے ہیں جس کو ٹھیک کر کے کافی حد تک کام لیا جاسکتا ہے پیڈو حکام نے واضح کیا کہ اس کا ٹینڈر ہوگیا ہے عید کے فوراً بعد اس پر بھی کام شروع ہوجائے گا۔

خیبرپختونخواکلچراینڈ ٹورازم اتھارٹی کاعیدالفطر پر تخت بھائی ٹرین سفاری چلانے کا فیصلہ
تخت بھائی ٹرین سفاری کا مقصد صوبہ میں موجود نادر آثارقدیمہ پر مبنی مذہبی سیاحت سے متعلق قومی اور عالمی سطح پر آگاہی فراہم کرنا ہے، مشیر سیاحت زاہد چن زیب

پشاور(چترال ٹائمزرپورٹ) وزیراعلیٰ خیبرپختونخوا کے مشیر برائے سیاحت، ثقافت و آثارقدیمہ زاہد چن زیب نے کہا ہے کہ عیدالفطر کے موقع پرسیاحوں کیلئے تخت بھائی ٹرین سفاری چلانے کا فیصلہ کیا گیا ہے جہاں شرکاء کو یونیسکو کے عالمی ثقافتی ورثہ کی سیر کرائی جائے گی۔ اس امر کا انکشاف انہوں نے ٹورازم اتھارٹی کے دفتر میں منعقدہ اجلاس کی صدارت کرتے ہوئے کیا۔ اس موقع پرسیکرٹری محکمہ سیاحت و ثقافت بختیار خان، ڈائریکٹر جنرل خیبر پختونخوا کلچر اینڈ ٹورازم اتھارٹی برکت اللہ مروت، منیجر ایونٹس حسینہ شوکت اور دیگر سینئر افسران بھی موجود تھے۔مشیر برائے سیاحت و ثقافت زاہد چن زیب کا کہنا تھا کہ کلچر اینڈٹورازم اتھارٹی کے تعاون سے 13 اپریل بروز ہفتہ کو دوسری بارآثارقدیمہ تخت بھائی کے مقام تک ٹرین سفاری چلائی جا رہی ہے جس میں فیمیلز کو پشاور صدر ریلوے سٹیشن سے لیجایا جائے گا اور راستے میں مختلف تاریخی مقامات کی سیر کرائی جائے گی جن میں سٹی ریلوے سٹیشن، ناصر پور، پبی، نوشہرہ، رسالپور اور مردان شامل ہیں۔

زاہد چن زیب نے کہا کہ مستقبل میں ہماری کوشش ہے کہ سیاحوں کی سیر و تفریح کیلئے گاہے بگاہے مختلف سرگرمیوں کا اہتمام کرتے رہیں جبکہ ٹرین سفاری بھی اسی سلسلے کی کڑی ہے۔ یونیسکو کے اس عالمی ثقافتی ورثے یعنی تخت بھائی کے آثارقدیمہ کے مقام پر شرکاء کو مختلف تاریخی مقامات بالخصوص تخت بھائی میں قدیم بدھ خانقاہوں کی سیر بھی کرائی جائے گی۔ ڈی جی ٹورازم اتھارٹی برکت اللہ مروت کا کہنا تھا کہ دورے میں مرد و خواتین اور بچوں کیلئے اس قابل ذکر مقام کی تاریخی اہمیت کو جاننے کیلئے ایک روزہ گائیڈڈ ٹور کا اہتمام کرنے جا رہے ہیں۔ عیدالفطر پر جہاں سیاحتی مقامات پر ٹورازم پولیس کے نوجوان سیاحوں کو ہرممکن سہولیات کی فراہم کیلئے خدمات سرانجام دینگے وہیں سیاحوں کیلئے سیر و تفریح کا اہتمام بھی کیا جا رہا ہے۔

ٹور کے دوران شرکاء کو پہلی صدی عیسوی کی بدھ تہذیب کی باقیات کی معلومات سے روشناس کرایا جائے گا۔ روانگی سے قبل ریلوے سٹیشن آمد کے موقع پر شرکاء کو روایتی بینڈ کی دھنوں سے خوش آمدید کہا جائے گا جبکہ دوران سفر ماہر آثارقدیمہ اور گائیڈ تخت بھائی کی تاریخ اور فن تعمیر کے بارے میں قیمتی معلومات فراہم کریں گے۔ دورے کا مقصد صوبہ میں مذہبی سیاحت کے فروغ کے ساتھ ساتھ شرکاء کو مذہبی، ثقافتی اور آثارقدیمہ کے مقامات، ورثے اور تاریخ کے بارے میں آگاہی فراہم کرنا ہے تاکہ وہ اس علاقے اور یہاں کی ماضی کی شان و شوکت کی اہمیت کو سمجھ سکیں۔ تخت بھائی کے کھنڈرات کو یونیسکو نے عالمی ثقافتی ورثہ قرار دیا ہے جس میں دنیا بھر سے لاکھوں ملکی و غیر ملکی سیاح، بدھ مت کے پیروکار، مورخین اور آثارقدیمہ کے ماہرین یہاں کا دورہ کر چکے ہیں۔ واضح رہے کہ یہ مقام بدھ مت کے پیروکاروں کیلئے انتہائی اہمیت کا حامل ہے۔

وفاقی حکومت کی عیدالفطر پر 4 تعطیلات کی منظوری

اسلام آباد( چترال ٹائمزرپورٹ)وفاقی حکومت نے عیدالفطر کی تعطیلات 10 اپریل سے 13 اپریل تک کرنے کی منظوری دی ہے۔وزیرِ اعظم شہباز شریف کی جانب سے عید الفطر پر 4 تعطیلات کی منظوری دی گئی ہے۔کابینہ ڈویڑن نے وزیرِ اعظم کی منظوری ملنے کے بعد ان تعطیلات کا نوٹیفکیشن بھی جاری کر دیا ہے۔ادھر ماہرینِ فلکیات کے مطابق عید الفطر 10 اپریل کو ہونے کا امکان ہے۔نوٹیفکیشن کے مطابق ہفتے میں 6 روز کام کرنے والے دفاتر میں 10 سے 13 اپریل تک تعطیلات ہوں گی۔نوٹیفکیشن میں کہا گیا ہے کہ ہفتے میں 5 روز کام کرنے والے دفاتر میں 10 سے 12 اپریل تک تعطیلات ہوں گی۔14 اپریل کو اتوار ہے اس لیے عملاً ملازمین 5 دن چھٹیاں منائیں گے۔سرکاری ملازمین نے اس فیصلے پر تنقید کرتے ہوئے کہا ہے کہ ماہرینِ فلکیات اور موسمیات کے مطابق عید الفطر 10 اپریل کو ہونے کا امکان ہے۔اگر سر کاری تعطیلات 10 اپریل سے شروع ہوں گی تو ملازمین اپنے آبائی علاقوں کو کب جائیں گے؟انہوں نے وزیرِ اعظم سے اپیل کی ہے کہ تعطیلات کا اغاز 9 اپریل سے کیا جائے۔

حکومت نے آتے ہی پی آئی اے سے ہاتھ دھو بیٹھنے کی تیاری کر لی: بیرسٹر سیف

پشاور(سی ایم لنکس)مشیرِ اطلاعات خیبر پختون خوا بیرسٹر محمد علی سیف نے پی آئی اے کی نج کاری پر ردِ عمل کا اظہار کیا ہے۔بیرسٹر سیف کا کہنا ہے کہ حکومت نے آتے ہی پی آئی اے سے ہاتھ دھو بیٹھنے کی تیاری مکمل کر لی ہے۔ان کا کہنا ہے کہ شہباز شریف نے شوکیس میں قومی ادارے فروخت کرنے کے لیے رکھ دیے ہیں۔بیرسٹر سیف کا کہنا ہے کہ مسلم لیگ ن کے پاس ملک چلانے کے لیے کوئی ٹھوس اقتصادی پالیسی نہیں۔انہوں نے یہ بھی کہا ہے کہ قومی اداروں کی نج کاری ماضی میں ان کی حکومتوں کی بدعنوانی اور بیڈ گورننس کا نتیجہ ہے۔

غیر اعلانیہ لوڈ شیڈنگ،  پیسکو سمیت پانچ کمپنیوں پرپانچ پانچ کروڑ روپے جرمانہ عائد

اسلام آباد( چترال ٹائمزرپورٹ) موسم گرما میں غیر اعلانیہ لوڈشیڈنگ کے معاملے میں نیپرا نے کے الیکٹرک سمیت بجلی کی تقسیم کار پانچ کمپنیوں پر 25 کروڑ روپے جرمانہ عائد کردیا۔ بجلی کی تقسیم کار پانچ کمپنیوں پر غیر اعلانیہ لوڈشیڈنگ کرنے کا الزام ثابت ہوگیا، کے الیکٹرک سمیت بجلی کی تقسیم کار کمپنیاں صارفین کو بجلی فراہم کرنے میں ناکام رہیں، نیپرا نے کے الیکٹرک، سیپکو،کیسکو، پیسکو اور حیسکو پر جرمانے عائد کردیے جس میں ہر کمپنی پر پانچ پانچ کروڑ روپے جرمانہ عائد کیا گیا ہے۔نیپرا کے مطابق بجلی کی تقسیم کار کمپنیوں گزشتہ سال ستمبر میں شوکاز نوٹس بھیجے تھے، نیپرا کو گزشہ سال شہریوں کی جانب سے بجلی کی غیر اعلانیہ لوڈ شیڈنگ کی شکایت ملی تھی، نیپرا نے متعلقہ کمپنیوں کے سسٹم کو چیک کیا تو تحقیقات میں بجلی کی تقسیم کار کمپنیوں کا سسٹم ناقص نکلا۔بجلی کمپنیوں کو دفاع کا پورا موقع دیا گیا تاہم وہ الزام کے دفاع میں ناکام رہیں اور الزام درست ثابت ہونے پر ان پر یہ جرمانہ عائد کیا گیا۔

عمران خان نے اپنے نئے فوکل پرسن تعینات کردیے، شیر افضل کی چھٹی

راولپنڈی(سی ایم لنکس)بانی چیئرمین پاکستان تحریک انصاف عمران خان نے اپنے نئے فوکل پرسن تعینات کردیے جن میں شیر افضل مروت کا نام شامل نہیں۔چیئرمین پی ٹی آئی بیرسٹر گوہر نے ٹوئٹ کرتے ہوئے بتایا کہ عمران خان نے مجھے، سینیٹر شبلی فراز، عمر ایوب خان، انتظار حسین پنجوتھہ اور سینیٹر علی ظفر کو نئے فوکل پرسنز کے طور پر تعینات کیا ہے۔واضح رہے کہ 30 مارچ کو عمران خان نے جیل میں ملاقاتوں کے لیے 3 فوکل پرسنز مقرر کیے تھے جن میں بیرسٹر گوہر، شیر افضل مروت اور بیرسٹر عمیر نیازی شامل تھے۔تاہم چند روز قبل عمران خان نے شیر افضل مروت کو فوکل پرسن کی ذمہ داریوں سے ہٹاتے ہوئے انہیں اپنی سوشل میڈیا ٹیم بھی ختم کرنے کی ہدایت کی تھی۔

پشاور،غیر قانونی مقیم افغان شہریوں کا انخلا جاری، مزید 6667 افراد اپنے وطن لوٹ گئے

پشاور( چرال ٹائمزرپورٹ)ملک سے غیر قانونی مقیم غیر ملکیوں کا انخلا جاری ہے۔ سرکاری اعداد و شمار کے مطابق 24 مارچ تا 3 اپریل تک مزید 6667 افغان شہری اپنے وطن لوٹ گئے جن میں 2345 مرد، 1425 خواتین اور 2897 بچے شامل ہیں جس کے بعد پاکستان سے جانے والے غیر قانونی مقیم افغان شہریوں کی مجموعی تعداد 5 لاکھ 27 ہزار 359 ہوگئی ہے جبکہ واپسی کا یہ سلسلہ جاری ہے۔واضح رہے کہ پاکستان سے وطن واپس جانے والے غیر قانونی مقیم افغان شہریوں کی واپسی کے لئے 230 گاڑیوں کا انتظام کیا گیا جس میں 254 خاندان اپنے وطن واپس لوٹ گئے۔

روس کے ساتھ توانائی اور بارٹر تجارت کے شعبوں میں تعاون کے فروغ کے خواہاں ہیں،صدر مملکت آصف علی زرداری

اسلام آباد(سی ایم لنکس)صدر مملکت آصف علی زرداری نے کہا ہے کہ روس کے ساتھ توانائی اور بارٹر تجارت کے شعبوں میں تعاون کے فروغ کے خواہاں ہیں،روس پاکستان کے ساتھ تجارت کے فروغ کیلئے روسی بنکوں کو پاکستان میں ا?پریشن شروع کرنے کی ترغیب دے۔ایوان صدر کے پریس ونگ کے مطابق صدر مملکت آصف علی زرداری پاکستان میں روس کے سفیر البرٹ خوریو سے گفتگو کررہے تھے جنہوں نے جمعرات کو یہاں صدر مملکت سے ملاقات کی تھی۔ صدر مملکت نے روس کے ساتھ ثقافتی شعبے بالخصوص ٹی وی اور فلمز میں تعاون بڑھانے کی ضرورت پر زور دیا۔صدر مملکت نے سفیر کو روسی صدر کیلئے دوبارہ منتخب ہونیپر مبارکباد، نیک تمناؤں کا پیغام دیتے ہوئے امید ظاہر کی کہ صدر پیوٹن کی قیادت میں روس تیز تر معاشی ترقی کرے گا،عالمی امن کو فروغ حاصل ہوگا۔صدر مملکت کا ماسکو میں 22 مارچ کے دہشت گرد حملے میں 130 معصوم جانوں کے ضیاع پر اظہار افسوس کیا۔روسی سفیر نے کہا کہ روس پاکستان کی معاشی ترقی و خوشحالی میں اپنا کردار ادا کرنے کا خواہشمند ہے،دونوں ممالک مشترکہ امور بشمول انسدادِ دہشت گردی اور منشیات کی اسمگلنگ پر تعاون کررہے ہیں،روس پاکستان کے ساتھ موجودہ تجارتی حجم کو دو گنا کرنا چاہتا ہے۔روسی سفیر نیماسکو میں 22 مارچ کے دہشت گرد حملے کی مذمت کرنے پر پاکستان کا شکریہ ادا کیا۔روسی سفیر نے صدر ا?صف علی زرداری کو صدر پاکستان کا عہدہ سنبھالنے پر مبارکباد پیش کی۔

وزیر اعلیٰ خیبر پختونخوا علی امین خان گنڈاپور کا صوبے میں زیادہ سے زیادہ بنجر اراضی کو قابل کاشت بنانے اور آبی وسائل کے دانشمندانہ استعمال کو یقینی بنانے کے لیے محکمہ آبپاشی کوماڈرن ایریگیشن سسٹم متعارف کرانے کی ہدایت

پشاور ( چترال ٹائمزرپورٹ ) وزیر اعلیٰ خیبر پختونخوا علی امین خان گنڈاپور نے صوبے میں زیادہ سے زیادہ بنجر اراضی کو قابل کاشت بنانے اور آبی وسائل کے دانشمندانہ استعمال کو یقینی بنانے کے لیے محکمہ آبپاشی کوماڈرن ایریگیشن سسٹم متعارف کرانے کی ہدایت کی ہے اور کہا ہے کہ صوبے کے موزوں مقامات پر مصنوعی ڈیمز تعمیر کیے جائیں اور اس مقصد کے لیے کلسٹر سولر ٹیوب ویلز کا نظام متعارف کرایا جائے تاکہ کم سے کم آبی وسائل میں زیادہ اراضی کو قابل کاشت بنایا جائے اور صوبے کی فوڈ سکیورٹی کو یقینی بنایا جاسکے۔ انہوں نے مزید ہدایت کی کہ کسانوں کو زیادہ سے زیادہ سہولیات کی فراہمی کے لئے اقدامات اٹھائے جائیں اور آبیانہ اور دیگر متعلقہ ٹیکسوں کی وصولی کے لئے جی آئی ایس سسٹم استعمال کیا جائے اور پانی کی چوری اور دیگر غیر قانونی سرگرمیوں کی روک تھام کے لئے سزاو ¿ں اور جرمانوں میں اضافہ کیا جائے۔ یہ ہدایات انہوں نے جمعرات کی شب محکمہ آبپاشی اور محکمہ لائیو اسٹاک کے دو الگ اجلاسوں کی صدارت کرتے ہوئے جاری کیں۔ صوبائی وزیر برائے آبپاشی عاقب اللہ کے علاوہ ایڈیشنل چیف سیکرٹری پلاننگ و ڈویلپمنٹ سید امتیاز حسین شاہ ، وزیر اعلیٰ کے پرنسپل سیکرٹری امجد علی خان، متعلقہ محکموں کے انتظامی سیکرٹریز اور دیگر متعلقہ حکام نے اجلاسوں میں شرکت کی۔

وزیراعلی کو ان محکموں کے انتظامی امور، ترقیاتی منصوبوں، اصلاحات، آئندہ کے لائحہ عمل اور دیگر متعلقہ امور پر تفصیلی بریفنگ دی گئی۔وزیر اعلیٰ نے اجلاس سے خطاب کرتے ہوئے کہا کہ زراعت کے شعبے میں تحقیق کے عمل کو نتیجہ خیز بنایا جائے، صوبے کو زرعی اجناس میں خود کفیل بنانا صوبائی حکومت کی اہم ترجیح ہے اور اس مقصد کے لئے جنوبی اضلاع کی لاکھوں ایکڑ بنجر اراضی کو سیراب کرنے کے لئے اہم منصوبوں پر کام کیا جائے۔ انہوں نے مزید کہا کہ سی آر بی سی لفٹ کینال منصوبہ اس سلسلے میں انتہائی اہمیت کا حامل ہے۔ آبپاشی کے شعبے میں زیادہ سے زیادہ آمدن کا ذریعہ بننے کے قابل ترقیاتی منصوبوں کو پہلی ترجیح دی جائے۔ وزیر اعلیٰ نے متعلقہ حکام کو صوبے میں سمال ڈیمز اور کمانڈ ایریا سے متعلق حقیقت پسندانہ ڈیٹا مرتب کرنے کی بھی ہدایت کی ہے اور کہا کہ محکمہ آبپاشی اپنے جملہ امور کو ڈیجیٹائز کرنے پر خصوصی توجہ دے۔ اس کے علاوہ وزیر اعلیٰ نے یہ بھی ہدایت کی ہے کہ تمام ورکس ڈیپارٹمنٹس ترقیاتی منصوبوں کے ٹھیکوں میں ٹائم لائنز مقرر کریں اور مقررہ ٹائم لائنز میں ٹھیکوں پر پیشرفت نہ ہونے کی صورت میں متعلقہ ٹھیکیدار پر جرمانہ عائد کیا جائے۔

وزیر اعلیٰ کا کہنا تھا کہ محکمے اپنے دستیاب وسائل کے دانشمندانہ استعمال کو یقینی بنائیں تاکہ صوبائی حکومت کے وسائل ضائع کیے بغیر عوام کو فائدہ پہنچایا جاسکے۔دریں اثنا محکمہ لائیو اسٹاک کے اجلاس میں وزیر اعلیٰ نے شرکائ سے خطاب کرتے ہوئے کہا کہ لوگوں کو روزگار کے مواقع فراہم کرنے اور صوبے کی آمدن میں اضافہ کرنے کے لئے لائیو اسٹاک کے شعبے میں خاطر خواہ استعداد موجود ہے اور اس استعداد کو مو ¿ثر انداز میں استعمال کرنے کے لئے لائیو اسٹاک کے شعبے کو جدید خطوط پر استوار کرنے کی ضرورت ہے۔لائیو اسٹاک کے شعبے کو جدید خطوط پر فروغ دے کر لوگوں کو روزگار کے مواقع فراہم کیے جاسکتے ہیں اور اس مقصد کے لئے ایک جامع اور قابل عمل پلان تیار کیا جائے۔ وزیر اعلیٰ نے محکمہ لائیو اسٹاک کو ہدایت کی ہے کہ ڈیری مصنوعات کو بڑھانے اور ان مصنوعات کی ویلیو ایڈیشن پر کام کیا جائے اور لوگوں کو لائیو اسٹاک کے شعبے میں جدید تربیت فراہم کرنے کے لئے الگ سے ایک پروگرام ترتیب دیا جائے۔ انہوں نے کہا کہ ڈیری مصنوعات میں اضافے کے سلسلے میں اچھی نسل کے مال مویشی پالنے کے لئے لوگوں کو بلاسود قرضوں کی فراہمی کا پروگرام ترتیب دیا جائے اس کے علاو ¿ہ لائیو اسٹاک کے شعبے میں جدید ٹیکنالوجی کو متعارف کرانے پر بھی کام کیا جائے۔ماہی پروری خصوصاً وائلڈ فش کے فروغ پر خصوصی توجہ دی جائے اور اس مقصد کے لئے ایک جامع لائحہ عمل تیار کیا جائے۔

گھروں پر سالانہ میونسپل پراپرٹی ٹیکس دوسرے بڑے شہروں کے برابر لایا جائے اور خیبرپختونخوا میں ٹیکس نرخ دوسرے صوبوں کے مقابلے میں بہت کم ہے مشیر خزانہ خیبرپختونخوا مزمل اسلم
باہر رجسٹرڈ گاڑیوں پر ٹیکس کی تجاویز لے کے آئیں کیونکہ صوبے سے باہر رجسٹرڈ گاڑیاں صوبے کی انفراسٹرکچر استعمال کرتی ہیں۔ مشیر خزانہ خیبرپختونخوا مزمل اسلم

پشاور (چترال ٹائمزرپورٹ) وزیراعلی خیبرپختونخوا کے مشیر خزانہ مزمل اسلم کی زیر صدارت مختلف محکموں کے ٹیکسز وصولی اور اصلاحات کے حوالے سے جائزہ اجلاس منعقد ہوا جس میں محکمہ ایکسائز اینڈ ٹیکسیشن، ریونیو، توانائی و برقیات اور اطلاعات و تعلقات عامہ کے حکام نے شرکت کی۔ اجلاس میں سیکرٹری فنانس عامر خان ترین، ایڈیشنل سیکرٹری عابد اللہ کاکاخیل، ایڈیشنل سیکرٹری توانائی و برقیات، ڈائریکٹر جنرل ایکسائز اورڈپٹی سیکرٹری اطلاعات خرم رحمان نے شرکت کی۔ اس موقع پر مشیر خزانہ خیبرپختونخوا مزمل اسلم نے محکمہ ایکسائز اینڈ ٹیکسیشن کی ٹیکسز وصولی پر تشویش کا اظہار کرتے ہوئے کہا کہ گھروں پر سالانہ میونسپل پراپرٹی ٹیکس دوسرے بڑے شہروں کے برابر لایا جائے اور خیبرپختونخوا میں ٹیکس نرخ دوسرے صوبوں کے مقابلے بہت کم ہے۔ مشیر خزانہ کو بریفینگ دیتے ہوئے بتایا گیا کہ دو کنال سے بڑے گھر پر میونسپل پراپرٹی ٹیکس صرف 45 ہزار روپے ہیں تقریباً 100 ٹی ایم ایز میونسپل پراپرٹی ٹیکس سے مستشنیٰ ہیں۔ مشیر خزانہ نے کہا کہ تمام ٹیکسز کے بقایاجات کی ریکوری ہر صورت ہونی چاہیئے جس کی صوبے کو سخت ضرورت ہے .

بریفینگ میں بتایا گیا کہ مقامی لوگ اپنی گاڑیاں باہر سے رجسٹرڈ کراتے ہیں جن کی وجہ سے ٹوکن ٹیکس کم جمع ہوتے ہیں جس پر مشیر خزانہ خیبرپختونخوا مزمل اسلم نے کہاکہ خیبرپختونخوا کے علاوہ باہر رجسٹرڈ گاڑیوں پر ٹیکس کی تجاویز لے کے آئیں کیونکہ صوبے سے باہر رجسٹرڈ گاڑیاں صوبے کاانفراسٹرکچر استعمال کرتی ہیں۔ مشیر خزانہ مزمل اسلم کا محکمہ اطلاعات کے حکام کو کہنا تھا کہ اخبارات، نیوز ایجنسیوں اور پرینٹنگ پریسز کے ٹیکسز نہیں بڑھانا چاہتے۔ اجلاس میں مشیر خزانہ نے کہا کہ خیبرپختونخوا میں نان فائلر پر پراپرٹی ٹیکس 23فیصد بہت زیادہ ہے اور پراپرٹی ٹیکس میں صرف 6فیصد صوبے کو جاتا ہے اور زیادہ ٹیکس کی وجہ سے لوگ اسٹامپ پیپرز پر اراضی کی منتقلی کرتے ہیں۔ مشیر خزانہ نے کہا کہ صوبے کے 6 فیصد ٹیکس بھی مزید کم کریں گے تاکہ لوگ زمین کے انتقالات شروع کریں۔ اِجلاس میں ٹیکسز اصلاحات اور بقایاجات کی وصولی پر بھی تفصیلی غورو خوض کیا گیا۔

صوبائی وزیر خوراک کی زیر صدارت محکمہ خوراک کے حوالے جائزہ اجلاس

پشاور (چترال ٹائمزرپورٹ) خیبر پختونخوا کے وزیر برائے خوراک ظاہر شاہ طورو نے کہا کہ صوبائی حکومت صوبے کے عوام کو ریلیف اور معیاری اشیاء خوردونوش کی فراہمی کے لئے تمام دستیاب وسائل بروئے کار لا رہی ہے ان خیالات کا اظہار انہوں نے محکمہ خوراک کے حوالے سے پشاور میں منعقدہ جائزہ اجلاس کی صدارت کرتے ہوئے کیا، اجلاس میں ڈائریکٹر فوڈ سمیت محکمہ خوراک کے دیگر حکام نے شرکت کی، اجلاس کو ڈائریکٹر فوڈ نے محکمہ خوراک میں جاری اور نئے منصوبوں پر پیش رفت بارے بارے تفصیلی بریفنگ دی، صوبائی وزیر خوراک نے متعلقہ حکام کو ہدایات جاری کیں کہ تمام جاری منصوبوں کو بروقت مکمل کیا جائے اور منصوبوں میں غیر ضروری تاخیر سے گریز کیا جائے، انھوں نے کہا کہ صوبائی حکومت کے شروع کردہ منصوبوں کا بنیادی مقصد صوبے کے عوام کو ان منصوبوں سے مستفید کروانا ہے،

وزیر خوراک نے متعلقہ حکام کو ہدایت دی کہ تمام منصوبوں میں شفافیت کو مد نظر رکھاجائے کیونکہ عوام کے ٹیکس کے پیسوں کا بہتر اور شفاف طریقے سے استعمال ہماری بنیادی ذمہ داری اور اولین ترجیح ہے مصنوعی مہنگائی کے تدراک کے حوالے سے بھی صوبائی وزیر نے افسران کو سخت ہدایات جاری کرتے ہوئے کہا کہ مصنوعی مہنگائی اور ملاوٹ مافیا کو کسی صورت برداشت نہیں کیا جائے گا اس لئے متعلقہ افسران عوام کو ریلیف کی فراہمی کی غرض سے دورے بھی کریں، ظاہر شاہ طورو نے مزید کہا کہ ایک ٹیم کے طور پر صوبے کی بہتری کے لئے کام کریں گے اس لئے محکمے کے ملازمین سرکاری امور کی انجام دہی کے لئے پوری دیانتداری اور تندہی سے کام کریں، وزیر خوراک نے اجلاس کے شرکا پر زور دیا کہ محکمے کے منصوبوں میں مشکلات یا رکاوٹ پیش آنے کی صورت میں میرے نوٹس میں ضرور لائے، منصوبوں میں کسی قسم کی رکاوٹ کو دور کرنے کے لئے اعلی سطح پر اقدامات اٹھائے جائینگے۔

حلف نہ لینے پر توہین عدالت کی درخواست؛ اسپیکر و ڈپٹی اسپیکر خیبرپختونخوا اسمبلی کو نوٹس

پشاور( چترال ٹائمزرپوٹ) عدالت نے مخصوص نشستوں پر حلف نہ لینے پر توہین عدالت کی درخواست پر اسپیکر اور ڈپٹی اسپیکر کے پی اسمبلی کو نوٹس جاری کردیے گئے۔خیبر پختون خوا اسمبلی میں مخصوص نشستوں پر ارکان سے حلف نہ لینے کے حوالے سے توہین عدالت کی درخواستوں پر سماعت پشاور ہائی کورٹ کے جسٹس ایس ایم عتیق شاہ اور جسٹس سید ارشد علی پر مشتمل 2 رکنی بینچ نے کی۔عدالت نے اسپیکر اور ڈپٹی اسپیکر صوبائی اسمبلی کو نوٹس جاری کرتے ہوئے آئندہ سماعت پر جواب طلب کرلیا۔درخواست گزار کی جانب سے مؤقف اختیار کیا گیا ہے کہ عدالت نے مخصوص نشستوں پر منتخب ارکان سے حلف لینے کا حکم دیا، اس کے باوجود حلف نہیں لیا گیا۔ اسپیکر اور ڈپٹی اسپیکر نے عدالتی احکامات کی خلاف ورزی کی ہے، جس پر اسپیکر اور ڈپٹی اسپیکر صوبائی اسمبلی کے خلاف توہین عدالت کی کارروائی کی جائے۔

بشری بی بی کے صحت کے حوالے سے میڈیا پر گردش کرنے والی خبروں پر وزیر صحت خیبرپختونخوا کا حکومت پنجاب سے رابطہ

پشاور (چترال ٹائمزرپورٹ) وزیر صحت خیبرپختونخوا سید قاسم علی شاہ نے بشری بی بی کے صحت کے حوالے سے چیف سیکرٹری پنجاب کے نام خط لکھا، خط میں وزیر صحت نے سابق وزیر اعظم عمران خان کی اہلیہ بشری بی بی کی صحت کے بارے میں تحفظات کا اظہار کیا ہے۔وزیر صحت کے دفتر سے جاری ہونے والے خط کے مطابق بشری بی بی کو زہریلی خوراک سے متعلق خبروں پر تشویش کا اظہار کیا گیا ہے۔ خط میں خیبرپختونخوا حکومت کی جانب سے ڈاکٹروں پر مشتمل پینل کی بشری بی بی کے معائنہ کی درخواست کی گئی ہے۔خط میں لکھا گیا ہے کہ ڈاکٹروں پر مُشتمل پینل بشری بی بی کا تفصیلی معائنہ کریگا۔ خط میں یہ بھی لکھا گیا ہے کہ معائنہ کے بعد زہریلی خوراک کی فراہمی کی تصدیق یا تردید ہوسکے گی۔ خط کے متن کے مطابق طبی معائنہ اور صحت کی خدمات تک رسائی ہر انسان کا بنیادی آئینی حق ہے۔ خط میں لکھا گیا ہے کہ امید ہے کہ حکومت پنجاب اس خط کا جواب مثبت دیگی۔

بانی پی ٹی آئی پر جیل میں ماہانہ 12 لاکھ روپے خرچ آرہا ہے: ایڈووکیٹ جنرل

لاہور(چترال ٹائمزرپورٹ) ایڈووکیٹ جنرل پنجاب نے کہا ہے کہ بانی پی ٹی آئی پر جیل میں ماہانہ 12 لاکھ روپے خرچ آرہا ہے۔لاہور ہائیکورٹ میں بانی پی ٹی آٹی کو جیل میں مکمل سکیورٹی فراہم کرنے کے لیے دائر درخواست پر سماعت ہوئی، لاہور ہائیکورٹ کے چیف جسٹس ملک شہزاد احمد خان نے تحریک انصاف لائرز فورم کے صدر افضال عظیم پاہٹ کی جانب سے دائر کی گئی درخواست پر سماعت کی۔درخواست میں مؤقف اختیار کیا گیا ہے کہ جیل حکام نے سکیورٹی خدشات کے باعث بانی پی ٹی آئی کی ملاقاتوں پر پابندی لگا رکھی ہے، بانی پی ٹی آئی کی زندگی کو جیل میں خطرہ ہے، سابق وزیراعظم کی زندگی کو مکمل تحفظ فراہم کرنے کا حکم دیا جائے۔دوران سماعت وکیل درخواست گزار نے کہا کہ ایڈووکیٹ جنرل صاحب نے گریس کا مظاہرہ کیا تھا کہ وہ اس معاملے پر اپڈیٹ دیں گے جس پر ایڈووکیٹ جنرل نے عدالت کو بتایا کہ میں نے معلومات اکھٹی کی ہیں اور میں معلومات لے کر آیا ہوں۔ایڈووکیٹ جنرل نے بتایا کہ بانی پی ٹی آئی کو ایک سیل میں رکھا گیا ہے، ان کے اردگرد 6 سیل بھی ان کے لیے مختص ہیں، بانی پی ٹی آئی کے لیے ہم نے 7 سیل مختص کر رکھے ہیں۔ایڈووکیٹ جنرل نے کہا کہ اڈیالہ جیل میں 10 افراد کے لیے ایک سکیورٹی اہلکار ہے مگر بانی پی ٹی آئی کے لیے ہم نے 14 سکیورٹی اہلکاروں کو تعینات کر رکھا ہے، سابق وزیراعظم کا کھانا ایک سپیشل کچن سے جاتا ہے، اس کچن میں کسی اور کے لیے کچھ نہیں بنتا۔اس پر وکیل بانی پی ٹی آئی نے کہا کہ ایڈووکیٹ جنرل پنجاب نے جو کچھ بتایا ہے ہم تو خوش ہو گئے ہیں۔ایڈووکیٹ جنرل پنجاب نے کہا کہ بانی پی ٹی آئی کے لیے ہم نے سی سی ٹی وی کیمرے بھی لگوائے ہیں، کیمرے لگانے پر 5 لاکھ روپے کا خرچہ آیا ہے، بانی پی ٹی آئی پر ماہانہ 12 لاکھ روپے کا خرچ آ رہا ہے۔اس پر پی ٹی آئی وکیل اسد منظور نے کہا کہ بانی پی ٹی آئی سے تو ملنے ہی نہیں دیا جاتا، ان کی زوجہ نے اس حوالے سے درخواست دائر کر رکھی ہے۔چیف جسٹس ملک شہزاد احمد خان نے ریمارکس دیئے کہ شاہ سے زیادہ شاہ کا وفادار بننے کی ضرورت نہیں، یہ بڑا اہم معاملہ ہے، ہم اس میں ہر کسی کو اجازت نہیں دے سکتے۔چیف جسٹس نے مزید کہا کہ ہم درخواست گزار افضال پاہٹ صاحب کی عزت کرتے ہیں، پورے پاکستان میں پی ٹی آئی کے دلدار ہیں، پارٹیوں میں پتا نہیں کون کون لوگ ہوتے ہیں۔بعدازاں عدالت نے بانی پی ٹی آٹی کو جیل میں مکمل سکیورٹی فراہم کرنے کے لیے دائر درخواست پر مزید سماعت عید کے بعد تک ملتوی کردی۔

5 وفاقی وزراء کو اضافی قلمدان مل گئے

اسلام آباد(سی ایم لنکس)5 وفاقی وزراء کو اضافی قلم دان تفویض کر دیے گئے۔کابینہ ڈویڑن نے اس حوالے سے نوٹیفکیشن جاری کر دیا ہے۔کابینہ ڈویڑن کے نوٹیفکیشن کے مطابق وزیرِ نج کاری عبدالعلیم خان کو مواصلات کا اضافی قلم دان دے دیا گیا۔نوٹیفکیشن کے مطابق چوہدری سالک حسین کو مذہبی امور کا اضافی قلم دان، وزیرِ صنعت و پیدوار رانا تنویر کو نیشنل فوڈ اینڈ سیکیورٹی کا اضافی قلم دان دے دیا گیا۔کابینہ ڈویڑن کے نوٹیفکیشن کے مطابق وزیرِ منصوبہ بندی احسن اقبال کو بین الصوبائی رابطے کا اضافی قلم دان، وزیرِ پیٹرولیم مصدق ملک کو آبی وسائل کا اضافی قلم دان سونپ دیا گیا۔