متین مہ برارے ای چت کار کہ کوروس
اچی خورو تے گوش گزار کہ کوروس
سنگریٹ ژنگیکو نقصانات بو شینی
نشو وہ مضر اثرات بو شینی
فضولخرچی کورک اسلامہ حرام
نعمتن قدرو کو، اسلامو پیغام
کھشون اف بوکو بی ترور اسقرہ
اچی لیئین کوسی ترور جگرہ
لیئو ہیس کھدور کوی، اٹیلی کوروئِ
وارزاری پونگہ پت زہریلی کوروئِ
نشہ سرور کہ ای دربت تتے پرای
ہوش کواچھوتے مصیبت تتے پرای
عقلو پلئِر نشہ، ایمانوالوی
عمرو چھریر، دنیار انسانو الوی
پیسو خلس کوری لغار کہ اریر
وم دہندو دی ہیس ومدار کہ اریر
ہتووت کیہ فایدہ ہاے ہاے کورکو
گیکووخت دنیوتے باے باے کورکو
ریسان ” معاف کوروی خدای متینے
نشہ ہیغین دیتی ای “تای” متینے”
نشہ خیالو اسپہ خور کوروین
پلے دماغو دی پھشٹور کوروین
کیاغ کہ لکھیکو تروق ٹرہ غیرورن
ہو پی بندہ دی غبارہ غیرورن
نزاری! حذ ر کن از کل مسکر
تا بہ محشر بنوشی آب کوثر