08 جنوری سے شروع ہونے والی انسداد پولیو مہم کی تیاریوں کے حوالے اجلاس کا انعقاد

Posted on January 2, 2024

08 جنوری سے شروع ہونے والی انسداد پولیو مہم کی تیاریوں کے حوالے اجلاس کا انعقاد

پشاور (چترال ٹائمزرپورٹ) کمشنر ملاکنڈ ڈویژن ثاقب رضا اسلم کی زیر صدارت 08 جنوری 2024سے شروع ہونے والی انسداد پولیو مہم کی تیاریوں بارے جائزہ اجلاس کمشنرآفس سیدو شریف میں منعقد ہوا جس میں ملاکنڈ ڈویژن کے اضلاع میں ہونے والی پولیو مہم کی تیاریوں کا جائزہ لیا گیا۔اجلاس میں تمام ڈپٹی کمشنر ز اور کوآرڈینیٹر پولیو ملاکنڈ ڈویژن ڈاکٹر خواجہ عرفان نے شرکت کی۔ کوآرڈینیٹرپولیونے 08 تا12جنوری 2024 تک جاری رہنے والی پولیو مہم کی تیاریوں کے بارے میں تفصیلی بریفنگ دی۔اجلاس میں پولیومہم کے لیے لاجسٹک، ٹیموں کی تشکیل اور سیکیورٹی انتظامات کا جائزہ لیاگیا۔اجلاس میں فیصلہ کیا گیا کہ ضلعی انتظامیہ پولیو ٹیموں کو بھرپور تعاون فراہم کیا جائے گا۔اجلاس میں تمام بچوں کو پولیو قطرے پلانے کے لیے ہر ممکن کوشش کرنے اور اس عمل کی کڑی نگرانی کو یقینی بنانے کا بھی فیصلہ کیا گیا۔ کمشنر ملاکنڈ ڈویژن ثاقب رضا اسلم نے کہا کہ پولیو وائرس کا خاتمہ ہم سب کا قومی فریضہ ہے اور اس وائرس کے مکمل خاتمے میں پولیو ٹیموں اور والدین کا کردار انتہائی اہم ہے۔

خیبرپختونخوا میں انسداد پولیو مہم کا 98 فیصد ہدف حاصل کر لیا۔ بیرسٹر محمد علی سیف

Posted on January 30, 2022January 30, 2022

خیبرپختونخوا میں انسداد پولیو مہم کا 98 فیصد ہدف حاصل کر لیا۔ بیرسٹر محمد علی سیف

پشاور (چترال ٹائمز رپورٹ) وزیراعلیٰ خیبرپختونخوا کے معاون خصوصی اطلاعات و تعلقات عامہ بیرسٹر محمد علی سیف نے کہا ہے کہ خیبرپختونخوا میں جاری انسداد پولیو مہم کا 98 فیصد ہدف حاصل کر لیا ہے جو کہ جوش آئند اور پولیو فری پاکستان کی جانب اہم سنگ میل ثابت ہو گا۔ یہاں اپنے دفتر سے جاری ایک بیان میں معاون خصوصی اطلاعات بیرسٹر سیف نے کہا کہ انسداد پولیو مہم کے دوسرے مرحلے میں صوبے کے 19 اضلاع میں بچوں کو پولیو سے بچاؤ کے قطرے پلائے جا رہے ہیں اور اس سلسلے میں آج ضلع پشاور اور خیبر میں کیچ اپ مہم جاری ہے اس دوران ان بچوں کو قطرے پلائے جائیں گے جو مہم کے گزشتہ دنوں میں کسی وجہ سے رہ گئے تھے۔ بیرسٹر سیف نے کہا کہ وزیراعلیٰ محمود خان کی جانب سے صحت کے شعبہ پر خصوصی توجہ اور پولیو کے خاتمے کے سنجیدہ اقدامات کی بدولت ہر انسداد پولیو مہم کے دوران صوبے کے ہر بچے تک پہنچا جا رہا ہے اور اہداف حاصل کیے جا رہے ہیں۔ صوبے میں جاری انسداد پولیو مہم کے دوسرے مرحلے میں 14 ہزار پولیو ٹیمیں گھر گھر جا کر قطرے پلا رہی ہیں۔ ان پولیو ٹیموں کی سیکورٹی کے لیے 22 ہزار سیکورٹی اہلکار تعینات کیے گئے ہیں۔ انہوں نے مزید کہا کہ حالیہ انسداد پولیو مہم کے دوران صوبے بھر میں 43 لاکھ 76 ہزار 28 بچوں کو قطرے پلانے کا ہدف مقرر کیا گیا تھا اور اب تک 42 لاکھ 86 ہزار 480 بچوں کو پولیو سے بچاؤ کے قطرے پلائے جا چکے ہیں۔ مجموعی طور پر 97 اعشاریہ 95 فیصد ہدف حاصل کر لیا گیا ہے جبکہ اس وقت دو اضلاع پشاور اور خیبر میں کیچ اپ مہم جاری ہے۔ بیرسٹر سیف نے یہ ہدف حاصل کرنے پر محکمہ صحت کے حکام، ایمرجنسی آپریشن سینٹر کے کوآرڈینیٹر، پولیو ورکرز اور سیکورٹی ڈیوٹی پر مامور پولیس کے جوانوں کو مبارکباد دیتے ہوئے کہا کہ انشاء اللہ بہت نہ صرف خیبرپختونخوا بلکہ پورے ملک پولیو فری ہو جائے گا۔

پاکستان کو پولیو سے پاک بنانے کیلئے حکومت کا بڑا اقدام، ذیلی قومی انسداد پولیو مہم چلانے کا فیصلہ

Posted on January 16, 2022January 16, 2022

اسلام آباد(چترال ٹائمز رپورٹ)ملک کو پولیو فری بنانے کے لئے خصوصی مہم چلانے کا اعلان کردیا گیا ہے۔بچوں کے صوبائی حفاظی ٹیکوں کے پروگرام (ای پی آئی) کے مطابق پولیو کے حوالے سے حساس اضلاع میں خصوصی مہم چلانے کا فیصلہ کیا گیا ہے، جسے ذیلی قومی انسداد پولیو مہم کا نام دیا گیا ہے، یہ پولیو مہم 70 مخصوص اضلاع میں منعقد ہوگی،ذرائع ای پی آئی کے مطابق 61 اضلاع میں مکمل، 9 اضلاع میں جزوی پولیو مہم چلائی جائے گی، 5 اضلاع کی افغان مہاجر کیمپس والی 8 یوسیز میں پولیو مہم خصوصی طور پر چلے گی جبکہ 4 اضلاع کی ہائی رسک یونین کونسلز میں پولیو مہم منعقد کی جائے گی۔ذرائع کے مطابق ذیلی قومی انسداد پولیو مہم دو مراحل میں چلائی جائے گی،پہلے مرحلے کا آغاز 17 جنوری سے ہوگا، کے پی کے 6 جنوبی اضلاع میں پولیو مہم 17 تا 21 جنوری چلے گی، دوسرے مرحلیمیں 64 اضلاع میں پولیو مہم 24 تا 28 جنوری چلائی جائیگی۔ذرائع ای پی آئی کے مطابق ذیلی قومی انسداد پولیو مہم 3روزہ ہوگی، 2 دن کیچ اپ ڈیز ہونگے، کیچ اپ ڈیز میں رہ جانے والے بچوں کی پولیو ویکسی نیشن کی جائے گی۔یاد رہے کہ گذشتہ برس ملک میں اب تک صرف ایک پولیو کیس رپورٹ ہوا تھا جو بلوچستان میں سامنے آیا، اس کے برعکس سال 2020 میں ملک میں 84 پولیو کیسز رپورٹ ہوئے تھے۔گزشتہ برس کرونا وائرس کی وجہ سے پولیو مہمات متاثر ضرور ہوئیں تاہم اس کے بعد انسداد پولیو کی نئی حکمت عملی اپنائی گئی جس کے بعد سے صورتحال میں نمایاں بہتری آئی۔پہلی لہر کے بعد روٹین ایمونائزیشن پر خصوصی توجہ دی گئی، سیکیورٹی فورسز کے تعاون سے دور دراز علاقوں میں روٹین ایمونائزیشن پرتوجہ دی گئی جبکہ انسداد پولیو ٹیکے کی دوسری ڈوز سے بچوں کی قوت مدافعت میں نمایاں اضافہ ہوا۔