اپرچترال؛ چترال کا ایک اور بہادر سپوت امیر حسین وطن عزیز کی حفاظت کرتے ہوئے عید کے دن شہادت کے رتبے پر فائز ہوئے، فوجی اعزاز کے ساتھ سورلاسپور میں سپردخاک
مستوج ( نمائندہ چترال ٹائمز ) مردم خیز وادی سور لاسپور (اپرچترال ) سے تعلق رکھنے والے وطن عزیز کی حفاظت میں مامور ایک اور جوان سپاہی امیر حسین، 26 ایف ایف ریجمنٹ پاک ارمی مادر وطن کی دفاع کرتے ہوۓ وادی تیرا میں عید الاضحی کی مبارک صبح دہشت گردوں سے لڑتے ہوئے شہید ہوۓ۔ شہید سپاہی امیر حسین استاد محترم امیر حمزہ کا فرزند ارجمند ہے ،
سپاہی امیر حسین شہید کو ان کے آبائی گاؤں سورلاسپور میں فوجی اعزاز کے ساتھ سپرد خاک کیا گیا۔نماز جنازہ میں مختلف مکاتب فکر کے کثیر افراد نے شرکت کی۔
ڈپٹی کمشنر اپر چترال حسیب الرحمن خان خلیل کے احکامات کی روشنی میں تحصیلدار مستوج شفیع الرحمن نے صوبیدار میجر عبدالرحمن لیویز فورس اپر چترال کے ہمراہ شہید سپاہی کے تجہیز و تکفین میں شرکت کی اور ضلعی انتظامیہ اپر چترال کی طرف سے شہید سپاہی کے قبر پر پھول چڑھائے۔
تحصیلدار مستوج نے شہید سپاہی کے لواحقین سے اظہار تعزیت کی اور ضلعی انتظامیہ اپر چترال کی طرف سے ہر ممکن تعاون کا یقین دلایا۔
