چترال اسٹونٹس ویلفیئر ارگنائزیشن پاکستان کی تقریب حلف برداری
چترال ( نمائندہ چترال ٹائمز) چترال اسٹونٹس ویلفیئر ارگنائزیشن پاکستان کی تقریب حلف برداری اتوار کے روز ٹاؤن ہال چترال میں منعقد ہوئی، جہاں نومنتخب صدر محمد عبداللہ اسفندیار سمیت کابینہ کے دیگر اراکین نے حلف لیا، صدرمخفل شاہی خطیب مولانا خلیق الزمان نے حلف لیا، اس تقریب کے مہمان خصوصی چترال کے معروف قانون دان عبدالولی خان ایڈوکیٹ تھے جبکہ پرنسپل گورنمنٹ گرلز ڈگری کالج چترال مسرت جبین اور پرنسپل گورنمنٹ کالج بوائز چترال سراج احمد بطور مہمان اعزاز شرکت کی۔تقریب سے مہمان خصوصی اور صدر مخفل کے علاوہ ، پرنسپل مسرت جبین، سراج احمد، ہدایت اللہ ،عید الحسین ودیگر نے بھی خطاب کیا،
مقررین نے طلباو طالبات پر زور دیتے ہوئے کہا کہ اپکی اولین ترجیح بہتر تعلیم حاصل کرنا ہے جس کےلئے سخت محنت اور لگن کی ضرورت ہے، اج کے طالب علم کل کے معمار ہیں ، والدین اپنا پیٹ کاٹ کر آپ لوگوں پر خرچ کرتےہیں لہذا والدین کی امیدوں پر پورااترنے کیلئے آپ کو دن رات محنت کرنا ہوگی، انھوں نے کہاکہ بہتر تعلیم کے ساتھ ہر ایک طالب علم کو چترال کی اقدار اور رویات کی پاسداری کو بھی اپنا شعار بنانا ہوگا، جبکہ بدقسمتی سے ہمارے سوشل ویلیو کم ہوتے جارہے ہیں، چترال کی ثقافتی اقدار کی پاسداری اور بڑوں کے احترام کے ساتھ وقت کی پابندی انتہائی ضروری ہے،
مقرریں نے اس امید کا اظہار کیا کہ چترال اسٹوڈنٹس ویلفئیر آرگنائزیشن کے عہدیداراں اپنے حلف کی پاسداری کرتے ہوئے مثبت کاموں میں اپنی توانائی خرچ کریں گے۔ اور دوسرے علاقوں کے لوگوں کےلئے ایک مثالی شہری بنیں گے ۔ اسٹوڈنٹس تنظیم کی طرف سے صدر تنظیم محمد عبد اللہ اسفندیار اور جنرل سیکریٹری انیلہ خان نے بھی خطاب کیا۔ اور تنظیم کے اغراض ومقاصد سے حاضرین کو اگاہ کیا۔انھوں نے کہاکہ تنظیم کا مقصد چترالی طالب علموں کی بہتر رہنمائی کے ساتھ ان کی تعلیمی میدان میں ہر ممکن مدد کرنا ہے۔ حلف لینے والوں میں صدر محمد عبد اللہ اسفندیار، نائب صدر شہزاد، جنرل سیکریٹری انیلہ خان، صدر فیمل ونگ ربامہ حبیب ودیگر بھی شامل تھے۔مہمان خصوصی عبد الولی خان ایڈوکیٹ نے ارگنائزیشن کےلئے پچاس ہزار روپے اور عید الحسین نے بیس ہزار روپے کا بھی اعلان کیا۔
