چترال میں 20ٹن قربانی کے باقیات کو ٹھکانے لگایا گیا،اپرچترال میں بھی آلائشوں کو ٹھکانے لگانے کا مہم کامیابی کیساتھ اختتام پذیر
چترال ( نمائندہ چترال ٹائمز ) لوئر چترال میں 20ٹن قربانی کے باقیات کو ٹھکانے لگایا گیا۔ ٹی ایم اے چترال نے 15 ٹن آلائشوں کو ٹھکانے لگایا۔جبکہ ٹی ایم اے دروش میں ٹوٹل 5 ٹن آلائشوں کو ٹھکانے لگایا گیا۔ ڈپٹی کمشنر لوئر چترال کے ہدایات پر ٹی ایم اے چترال اور دروش نے قربانی کے آلائشوں اور باقیات کو بروقت ٹھکانے لگانے کیلئے پہلے سے انتظامات مکمل کررکھے تھے۔ اور لوگوں میں قابل تحلیل شاپرز عید سے قبل تقسیم کئے گئے تھے جس کے بعد لوگوں نے ٹی ایم اے کے کلیکشن پوائنٹس پر باقیات جمع کئے جس کو آسانی کیساتھ ٹی ایم اے نے ٹھکانے لگایا۔
اپرچترال ؛ ۔آلائشوں کو محفوظ طریقے سے ٹھکانے لگادیا گیا
اپرچترال ( نمائندہ چترال ٹائمز ) ضلعی انتظامیہ اپر چترال کی عیدالاضحی کے موقع پر خصوصی سرگرمیاں۔آلائشوں کو محفوظ طریقے سے ٹھکانے لگادیا گیا۔ ڈپٹی کمشنر اپر چترال حسیب الرحمن خان خلیل کی ہدایات پر ضلعی انتظامیہ کے آفیسران اور ٹی،ایم،اوز نے صفائی مہم کی نگرانی کی۔تحصیل میونسپل افسر مستوج مصباح الدین نے عیدالاضحی کے دوران اپنے سینیٹری ورکرز کے زریعے ہیڈکوارٹر بونی میں عبادت گاہوں کی صفائی سمیت عید کے پہلے اور دوسرے روز اجتماعی قربانی گاہوں اور بازار ایریا سے فضلات اور آلائشوں کو اکھٹا کرکے ٹھکانہ لگایا۔ جبکہ تحصیل میونسپل افسر مستوج نے لوگوں میں پولی تھین بیگز بھی تقسیم کئے۔اس کے علاوہ تحصیل میونسپل افسر موڑکہو/ تورکہو شفیق الرحمن نے عیدالاضحی سے پہلے اپنے سینیٹری ورکرز کے زریعے ہیڈکوارٹر وریجون موڑکہو میں عبادت گاہوں کی صفائی کیں اور بازار ایریا سے فضلات اور آلائشوں کو جمع کرکے ان کو ٹھکانے لگا دئے۔ تحصیل میونسپل افسر نے لوگوں میں پولی تھین بیگز بھی تقسیم کئے۔اپر چترال میں ضلعی انتظامیہ اور ٹی،ایم،ایز کے زریعے صفائی کا کام سمیت آلائشوں کو ٹھکانے لگانے کا مہم کامیابی کیساتھ اختتام پذیر ہوگیا۔
