سوسائیڈ پریوینٹو یونٹ اور جینڈر ریسپانس سینٹر، لوئر چترال کی سالانہ کارکردگی رپورٹ جاری
چترال ( نمائندہ چترال ٹائمز ) چترال لوئیر پولیس کی طرف سے قائم کردہ سوسائیڈ پریوینٹو یونٹ اور جینڈر ریسپانس سینٹر نے سال 2025 کے دوران خواتین سے متعلق مسائل کے حل اور فلاح و بہبود کے لیے نمایاں خدمات انجام دیں۔ سالانہ رپورٹ کے مطابق یونٹ نے مختلف نوعیت کے کیسز کو مؤثر انداز میں نمٹاتے ہوئے مجموعی طور پر 355 کیسز حل کیے۔
سال 2025 میں درج و حل ہونے والے کیسز کی تفصیل:
وراثتی تنازعات: 08 کیسز
گھریلو تنازعات: 98 کیسز
حقِ مہر / ازدواجی تنازعات: 18 کیسز
ہراسانی کے واقعات: 47 کیسز
خودکشی / بچ جانے والے متاثرین: 09 کیسز
منشیات کے عادی افراد کی بحالی کے لیے ریفرل: 01 کیس
قانونی مشاورت: 24 کیسز
دارالامان کے لیے ریفرل سروس: 02 کیسز
متفرق نوعیت کے کیسز: 130 کیسز
مجموعی طور پر حل شدہ کیسز: 355
سوسائیڈ پریوینٹو یونٹ اور جینڈر ریسپانس سینٹر لوئر چترال، سب انسپکٹر دلشاد پری کی قیادت میں خواتین اسٹاف کے تعاون سے خواتین کے مسائل کے حل، قانونی رہنمائی، معاونت اور بحالی کی خدمات فراہم کر رہا ہے۔
یہ یونٹ ڈسٹرکٹ پولیس آفیسر لوئر چترال رفعت اللہ خان (پی ایس پی) کی نگرانی اور رہنمائی میں کام کر رہا ہے، جس کا مقصد خواتین کو درپیش مسائل کا مؤثر اور بروقت حل یقینی بنانا ہے۔
