بگوشٹ لٹکوہ میں دو فریقین کے درمیان تصادم کا خطرہ ، اہالیان بگوشٹ نے اپنے خلاف عدالتی حکم ماننے سے انکار کردیا ،
چترال ( نمائندہ چترال ٹائمز ) لٹکوہ بگو شٹ میں عدالتی فیصلے کے بعد دو فریقوں کے مابین حالات کشیدہ ہوگئے ہیں ، اور حالات کا رخ تصادم کی طرف بڑھ رہا ہے ۔ تفصیلات کے مطابق اہالیان ایژ اور اہالیان بگوشٹ کے مابین گرمائی چراگاہ ( غاری) کا ایک مقدمہ اسسٹنٹ کمشنر / لینڈکلکٹر چترال کی عدالت میں زیر سماعت تھا ۔ جو کہ گذشتہ روز اہالیان ایژ گرم چشمہ کے حق میں فیصلہ ہوا ۔ اور اسسٹنٹ کمشنر کی طرف سے عملدرآمد کا فیصلہ سنایا گیا ۔ تاہم بگوشٹ کے لوگ مذکورہ حکم ماننے سے انکاری ہیں ،اور مخالف فریق و پولیس کو عملدر آمد سے روکنے کیلئے تصادم پر اتر آئے ہیں ۔ اور سینکڑوں ڈنڈا بردار افراد کے جمع ہونے اور پوزیشنیں سنبھالنےسے معاملہ کسی بڑے سانحے کا روپ دھارنے کا خطرہ ہے ۔
