آزادیو گوڑو کھوار ہار۔ تحریر: اقبال حیات اف برغذی
ای اشکاری ادراخہ ای مرویو ژونو دوسی انگیتی گوردوغان اخرانی بند کوری آسور ۔ مروئی ادراخو ژانوار بیکن دیتی ہے عجیبہ مخلوقاتان موژوغیری سخت پریشان بیتی ہیئی ہائی اوژور کوری آسور مگم بیری نسیکو کیہ روگا ہوہوش نو کوری آسور ۔ اشکاری ویزین بیکو گازان انگیتی اخرانو اولئی آسور ۔ گوردوغ ہیتان شوکھور کوری ژوتی آسونی مگم مروئی اوخترئیاو ھیرا ھیابی ھتے گازان ووشکی تان نو لوڑی آسور۔
مروئی ھیہ قسمہ ژان کھیدانیو حالتہ اخرانی بہچی آسور۔ ھروش پریشانیہ زندگی شخسئیی آسور کیچہ کی مچھیوسمندرار نیشی نیزیکو بویان ۔ ھتو غؤ حالت ” مشکھو ” التی شارگوان موژی دیئروو غؤن بیتی شیر ۔ ای گوردوغ جام اختی بیتی اپا کوچے نسکار و واڑان ہوری ڑوئیکار اچی کاران چوکتو کوری جام رخم کوراکان غؤن مرویو سار بشارکوری اسور کی “موتا ملگیر تہ نام متے نوگویان تو لوڑیکو ہموش دونیہ پوشیرو واختی غؤنی سریسان مگم ای مکالہ دی تہ اپاک پھت کوری لو دکو نوپشیتام ۔ ھوروکیہ وجہ ریکو ھتے ای گوردوغ نا چیتو باڑہ رے آسور کی ” اے ھیہ لوتھے دوئی کیہ مگم اسپہ سوم کیہ قسمہ کروئی آسور/ ہرونیہ ای خور گودوغ موڑی غیری رے آسور کی ” موتا ملگیری تو ہموش لوٹ ویشو کی براو تھے کورا موڑہ پیچھینی انگیتی ھتیرا جوشٹؤرو بوس نا۔ کلہ پت روپھی حال بوس۔ ہاضمہ خراب بیکن اشتہا نوبیتی ای گوچہ روپھیرو گوردوغ تان ژیرے گھازان مرویو پروشٹی کوری ھمیتان ژیبے ریکو مروئی سورو ڑینگیئی نو ژیبومان رے آسور۔
ھتے گوردوغ قہری بیتی رے آسور کی اوا ہوش کومان تو چق آپکی بیتی یا تکبرئیں ھیمتان ژیبیکار عار کوسان۔ کی نو برناحقہ ہوت روپھی تان سورو چھوئی کوری کا نو مرینی۔ مروئی ہرونیہ دوڑ شار استونی لوا پوری رے آسور کی “اے گوردوغ تو ھیمتان ژوتی جام اشکامو ٹیپھاوے ۔ تھول بوس۔ تہ ژانا پوشور پیدابوئی اوا جنگلو ژانوار۔ شیلی شیلی اوچھین ،کانان چھاغین ، بہملو غون گزین وزومان پڑین ھیٹ بیتی زندگی شخسئی آسوم قدرتو تازہ ہوا مہ نسکار تو بی شیر۔ ھنیسے اوا اگر کی تقدیر وہوستین عذابہ گرفتار بیتی آسوم مگم تان خیالان آزادیو تھے روخچیکو وھیہ گندگیو سوم عادت بیکو کیہ گنجائش نکی۔ کوریکو کی ہے آزاد زندگیو زوالی مہ لییا پورا شامل بیتی شیر۔ ہرونیہ ای گوردوغ دوڑ ہوسی رے آسور کی اسپتے کیہ معلوم تو جنگلہ کیاغ کوراو شوو۔
جوو گوردوغ نسکارین دم نیزی رے آسور کی ھیہ خوشپولوان دیتی اسپہ ٹیران نیزیران۔ واسپہ کم عقل جوشی تان سورو کوئی آلویان۔ مروئی جوابہ رے آسور کی مہ ہمی لوحقیقت ۔مگم پسہ ہے ماحولو سوم نسبت نکی۔ ھیرین دیتی پسہ ہوش نو کورومی۔ صفاماحولہ شوخسیروزندگی چنگیکو غلاظتاری پاک بوئی۔ مہ ناف تان مہ ہے لوان صداقتو ثبوت کی ھورو ووری مشکھوچے عنبرو سار دی وور۔ مگم ھیہ نافو ووریو ھسے محسوس کوروئی کوسوم کی عقلاری ٹیپ دماغ اوشوئی شارگوان خیراعادتی گوردوغ ھے ووریو کیہ ہوش کوروئی۔ ھیہ واقیاری ھیہ سبق یئی نسیران آزدیو قدرو چے قیمتو ھتے روئی ھوش کورونی کوستے کی ھیا نعمت نصیب بیتی آوشوئی ۔ وا ھیہ ای ھروش نعمت کی ھیغار غیر زندگیو دُرستی زوالیو چے خالو ھوش کورین نوبوئی ۔