وزیر اعلیٰ  کے معاون خصوصی برائے بہبود آبادی خیبر پختونخوا کا اپر چترال کا دورہ، مسائل ترجیحی بنیادوں پر حل کرنے کی یقین دہانی

اپرچترال ( نمائندہ چترال ٹائمز ) وزیر اعلیٰ خیبرپختونخوا کے معاون خصوصی برائے بہبود آبادی ملک لیاقت علی خان نے گزشتہ دن چترال اپر کا دورہ کیا۔ ڈسٹرکٹ پاپولیشن ویلفئیر آفیسر اپر چترال خورشید علی اور ثریا بی بی نے گلدستے سے مہمان کا استقبال کیا۔ ایڈیشنل ڈپٹی کمشنر اپر چترال، ڈسٹرکٹ پولیس آفیسر اپر چترال، تحصیل چیئرمین مستوج اور تحصیل چیئرمین تورکھو اور دیگر وی سی چیئرمینان اور ڈی پی ڈبلیو آفس چترال اپر کا عملہ بھی اس موقع پر موجود تھے
۔
وزیر اعلیٰ کے معاون خصوصی برائے بہبود آبادی کو خورشید علی ڈسٹرکٹ پاپولیشن ویلفیئر آفیسر چترال اپر نے پریزنٹیشن کے ذریعے کلیدی پرفارمنس انڈیکیٹرز (KPIS) کے بارے میں تفصیل سے بریفنگ دی ۔
پریزنٹیشن کے دوران انہیں ڈی پی ڈبلیو او آفس کی جانب سے کی جانے والی مختلف سرگرمیوں کے بارے میں اگاہ کیا گیا۔
مزید برآں انہیں فیلڈ میں ہونے والی مختلف سرگرمیوں ، فیملی ویلفیئر سینٹرز، موبائل سروس یونٹ، (MSU) کے ذریعےاینڈ ری پروڈکٹیو ہیلتھ سروسز سنٹر RHSC- چترال اپر کے بارے میں بھی بریفنگ دی گئی۔

ان کے علاوہ معاون خصوصی نے ڈی پی ڈبلیو آفس چترال اپر کی فیلڈ خواتین عملہ سے بھی ملاقاتیں کیں اور ان کے دفتری فرائض کی انجام دہی کے دوران درپیش مسائل اور عمومی مسائل کے بارے میں پوچھا۔ وزیراعلیٰ کو SACM نے فیلڈ سٹاف کے TA، FWA M&F کے سروس سٹرکچر، مستقبل میں مانع حمل ادویات کی بلاتعطل خریداری اور فراہمی سے متعلق تمام مسائل کو حل کرنے کے لیے اپنے مکمل تعاون کی یقین دہانی کرائی کیونکہ محکمہ پاپولیشن ویلفیئر کے پی کے لیے مانع حمل ادویات کی خریداری کے لیے ضروری اقدامات کیے گئے ہیں۔ وزیراعلیٰ کے معاون خصوصی نے ڈی پی ڈبلیو آفس کے عملے کو ہدایت کی کہ وہ پوری لگن اور عزم کے ساتھ اپنے فرائض سرانجام دیں۔