الیکشن کمیشن نے اے پی ایم ایل کی رجسٹریشن ختم کردی

اسلام آباد(سی ایم لنکس) الیکشن کمیشن نے مرحوم جنرل (ر) پرویز مشرف کی جماعت آل پاکستان مسلم لیگ کو خارج کرنے کا باقاعدہ نوٹی فکیشن جاری کردیا۔الیکشن کمیشن کی جانب سے جاری کردہ نوٹی فکیشن کے مطابق آل پاکستان مسلم لیگ کی رجسٹریشن ختم کر دی گئی، قبل ازیں الیکشن کمیشن نے اپنے فیصلے میں کہا تھا کہ آل پاکستان مسلم لیگ نے گزشتہ چار سال سے اثاثوں کی تفصیلات جمع نہیں کرآیں اور نہ ہی انٹرا پارٹی الیکشن کا انعقاد نہیں کیا۔الیکشن کمیشن نے فیصلے میں لکھا ہے کہ آل پاکستان مسلم لیگ کا ملک میں کوئی عہدے دار نہیں اور نہ ہی اس جماعت کا ملک میں کو?ی وجود ہے۔واضح رہے کہ دو روز قبل الیکشن کمیشن نے فیصلہ سناتے ہوئے آل پاکستان مسلم لیگ سے عقاب کا انتخابی نشان بھی واپس لے لیا تھا۔

دنیا کے آلودہ ترین شہروں کی فہرست میں لاہور کا پہلا نمبر

لاہور(سی ایم لنکس)ایئر کوالٹی انڈیکس کے مطابق لاہور دنیا کے آلودہ ترین شہروں کی فہرست میں آج پہلے نمبر پر ہے۔لاہور کی فضائی معیار خطرناک حد تک مضرِ صحت ہے جہاں فضائی آلودگی 388 پرٹیکیولیٹ میٹرز ریکارڈ کی گئی ہے۔آلودہ ترین شہروں کی فہرست میں بھارتی دارالحکومت دہلی دوسرے نمبر پر ہیں جہاں 280 پرٹیکیولیٹ میٹرز آلودگی ریکارڈ ہوئی ہے۔اس فہرست کے مطابق کراچی دنیا کے آلودہ ترین شہروں میں چوتھے نمبر پر ہے۔کراچی کا فضائی معیار بھی مضرِ صحت ہے اور یہاں فضائی آلودگی 175 پرٹیکیولیٹ میٹرز ریکارڈ کی گئی ہے۔ایئر کوالٹی انڈیکس کے مطابق 151 سے 200 درجے تک آلودگی مضرِ صحت، 201 سے 300 درجے تک انتہائی مضرِ صحت ہے جبکہ301 سے زائد درجہ خطرناک آلودگی کو ظاہر کرتا ہے۔