قاری فیض اللہ چترالی کایارخون ویلی کا دورہ، کہوژ میں 9تعمیرشدہ گھروں کا معائنہ اور مزید 5گھروں اور 3مدرسوں کے تعمیر کا اعلان
اپر چترال ( چترال ٹایمزرپورٹ ) چترال کی معروف سماجی ومذہبی شخصیت قاری فیض اللہ چترالی نے آج اپنے 4روزہ دورہ یارخون بروغل ویلی کے یارخون ویلی کے مختلف دیہاتوں میں جاری کاموں کا معائنہ کیا جس میں وسم، شوشت،بنگ،شوڑ کوچ،یارخون لشٹ،مکمل بروغل ویلی شامل ہیں۔
شوشت میں آغاخان ہائی سیکنڈری سکول کا وزٹ کیا جہاں سکول کے پرنسپل یعقوب علی نے ادارے کے بارے میں بریفننگ دی ۔قاری فیض اللہ نے یارخون ویلی میں تین مزید گھروں اور ایک مدرسے کی تعمیر کا اعلان کیا۔بروغل ویلی کے تمام باسیوں کے لئے سردی کے گرم کپڑے بنیان بھیجنے کا بھی اعلان کیا ۔ کہوژ کے شہید شیر نواز کے گھر تعزیت کی اور کہوژ کے نوتعمیر شدہ 9مکانات کا معائنہ کیا ان میں سے ایک مکان ایسا بھی ہے جس کے لئے زمین بھی قاری فیض اللہ نے خرید کر دی تھی اور ایک گھر کے تمام اخراجات بھی قاری نے پورے کئے تھے۔اسی طرح پرکوسپ کے 2تعمیر شدہ مکانات اور مستوج میں زیر تعمیر مسجد کا معائنہ کیا ،جمعہ کی نماز سنوغر کے جامع مسجد میں آدا کی بعد ازنماز جمعہ قاری محمد جان نے مسجد کے تعمیراتی کام میں امداد کرنے پر اہل علاقہ کی طرف قاری صاحب کا شکریہ آدا کیا۔اس کے ساتھ 2 مکان اور ایک مدرسے کے تعمیر کی درخواست کی جسے قبول کرتے ہوئے قاری فیض اللہ نے تعمیر کا اعلان کیا۔ اسی طرح بریپ کے سیلاب متاثرین کے لئے تیار کردہ 19مکانات، کھوتان لشٹ میں6 زیر تعمیر مکانات اور مکمل شدہ مکانات کا معائنہ کیا۔اوراس جگہ مسجد حسنین رضی اللہ عنہا کے تعمیر کا افتتاح کیا اور خصوصی دعا کی۔ اس موقع پر میراگرام نمبر2 میں سیلاب متاثرین کے ساتھ خصوصی نشست کی اور 7مکمل منہدم شدہ مکانات کے تعمیر کا اعلان کیا جس پر سیلاب متاثرین کی خوشی دیدنی تھی۔
واپسی پر میم اوی پہنچے جہاں علاقہ سیلاب میں بہت زیادہ متاثر ہوا تھا ان سیلاب متاثرین کی داد رسی کے لئے میم اوی کا دورہ کیا۔ جہاں کے 4سیلاب متاثرین کو دوما دومی میں نئے مکانات تعمیر کرکے دئے گئے۔ اہل علاقے کے درخواست پر ایک مدرسے کی تعمیر کا بھی اعلان کیا۔ بونی پہنچے تو مداک موڑکھو کا وفد منتظر تھا وفد نے مدرسے کے لئے چادروں کی درخواست کی جسے قبول کرتے ہوئے انہیں چادریں مہیاء کئے۔قاری فیض اللہ کے ساتھ قافلے میں ان کے رفقاء مولانا فدءالرحمن ، قاری احمد ولی شاہ ، مولانا شیروزیر ، مولانا احسان الحق وفا شامل تھے۔
