عرض شیر
جی۔ کے۔ رضوان
ہردی متین گویان ران کیہ خبر چنگیر ہسے
انگیتی مہ ہوستہ تاریئے وناگہ توکھیر ہسے
کوڑوسم نیشست بیکو نو بوختوئ کیچہ بوم
نگہ تہ شونین دیتی متین تہ شوریر ہسے
وحشتو گانو موڑار اوانو تے سوری کوم
پھوک روشتی مہ ݰخچہ شیر وناگہ بوغیر ہسے
تہ غیچی اشرو انگوئ اوا تن ہوستین ماژیم
رقیب نگہ درو غیری تہ غیچھان کرݯیر ہسے
اوا دوردانہ پڑاسیم ہس رے تیاری کومان
پیݯی ترازوئ نگہ تن سورو نیمئیر ہسے
تماشہ نو بیکہ پت تن سورو لوڑیلیک گل
پلیکیو بقا کورا شیر ہوساوا کیڑئر ہسے
