اپر چترال کے دورآفتادہ علاقہ ریچ سے تعلق رکھنے والے گولڈ میڈلسٹ ریاض زرین کے اعزازمیں تقریب

اپر چترال ( چترال ٹایمز رپورٹ ) گورنمنٹ بوائز ہائیر سیکنڈری سکول کھوت اپر چترال میں دورآفتادہ اور پسماندہ علاقہ تورکھو ریچ سے تعلق رکھنے والا اور گورنمنٹ بوائز ہائیر سیکنڈری سکول کھوت کا SST ٹیچر ریاض زرین کے اعزاز میں مختصر مگر پروقار پروگرام کا اہتمام کیا گیا ہیڈ ماسٹر غلام اکبر خان نے موصوف کے علمی خدمات پر روشنی ڈالی سئنیر SST ٹیچرغلام علی شاہ نے موصوف کو ہار پہنایا ۔ انھوں نے سکول کے بچوں سے بھی اپیل ہے کہ وہ بھی اپنے بہتر مستقبل کے لیے محنت کریں ایک دن ایسا بھی آئے گا کہ آپ بھی گولڈ میڈل کا حقدار بن کر اپنے علاقے کے لئے فخر کا باعث بنیں گے ۔

یادرہے کہ نیشنل یونیورسٹی آف سائنس اینڈ ٹیکنالوجی (نسٹ) کے طالب علم ریاض ذرین نے ماسٹرز آف سائنسز ان ریموٹ سینسنگ اینڈ جیوگرافیکل انفارمیشن سسٹم میں پہلی پوزیشن حاصل کر کے پریذیڈنٹ گولڈ میڈل اپنے نام کر لیا ہے۔ اس سے پہلے ریاض زرین جامعہ پشاور شعبہ جیوگرافی سے گریجویشن میں پہلی پوزیشن حاصل کرکے گولڈ میڈل حاصل کیا تھا۔ اور حال ہی میں فیڈرل میں لیکچرر شپ کے لئے کوالیفائی کرلیاہے ریاض زرین تورکھو ریچ کی معروف سماجی شخصیت دولت ذرین کے فرزند ارجمند ہے۔