چترال (نمائندہ چترال ٹائمز) اپر چترال کے علاقہ لون سے تعلق رکھنے والے دس سال کا بچہ اور جماعت سوم کا طالب علم عباد حسین ولد عبد الحسین کی زندگی کے چراغ کو محض غربت کی وجہ سے گل ہونے سے بچانے کے لئے معاشرے کے صاحب استطاعت طبقے پر ایک امتحان آن پڑی ہے جوکہ دماغ کے کینسر ( برین ٹیومر)میں مبتلا ہے اور آغا خان ہسپتال کراچی میں ان کا علاج جاری ہے جسے ان کے غریب ماں باپ مزید برداشت کرنے کے قابل نہیں ہیں۔ عبد الحسن کے والد جوکہ ایک ادارے میں 16ہزار ماہانہ تنخواہ پر سیکورٹی گارڈ کا کام کررہے ہیں، نے چترال ٹائمز ڈاٹ کام کو دکھری بھری کہانی سناتے ہوئے کہاکہ اپنی جمع پونجی اور گھر کی قابل فروخت اشیاء سے حاصل کردہ ساڑھے چار لاکھ روپے اپنے بیٹے پر خرچ کرچکا ہے اور ساڑھے تین لاکھ روپے کا قرضدارہونے کے ساتھ ساتھ وہ مزید علاج کے اخراجات تو کجا معمول کے دوبارہ کی چیک اپ کرانے کے لئے اپنے بیٹے کو کراچی لے جانے کی سکت سے بھی محروم ہیں۔ جبکہ بیٹے کی طبیعت دوبارہ خراب ہونے کیوجہ سے وہ اور انکی فیملی انتہائی پریشانی کا شکار ہے۔ انہوں نے اہل خیر حضرات سے اپیل کی ہے کہ ان کے حال پر رحم کھاتے ہوئے ان کے ساتھ ہر ممکن مالی امداد کی جائے۔
مخیر حضرات اگر کوئی مدد کرنا چاہے تو درجہ ذیل نمبروں پر رابطہ کرسکتے ہیں۔
رابط نمبر عبد الحسین 03409853205:
نواز 03408899179:
بینک تفصیل
حبیب بینک لمیٹڈ (HBL)
ٹائٹل عبد الحسین
اکاونٹ نمبر 0018787900220903:
