چترال (نمائندہ چترال ٹائمز) واپڈ اتحاد ورکرز یونین چترال سب ڈویژن کی طرف سے جھانگیر حسین قبول بلامقابلہ دوبارہ چیئرمین منتخب ہوگئے ہیں۔ اس سلسلے میں ایک مختصر تقریب پیسکو آفس دنین چترال میں منعقد ہوئی جہاں جہانگیر حسین قبول کے کابینہ کے اراکین کو ہار پہنائے گئے۔ اپنے خطاب میں چیئرمین نے اُن پراعتماد کرنے پر تمام سٹاف کا شکریہ ادا کیا اورسب کو لیکر کام کرنے کا عہد کیا۔ انھوں نے کہا کہ پیسکو کے صارفین کی خدمت اور سروس کو اپنا شعار بنائیں گے اور واپڈ ا کے محنت کش ورکروں کی بھلائی کیلئے ماضی کی طرح اپنی تمام ترصلاحیتوں کو بروئے کار لایا جائیگا۔
تقریب میں واپڈ کے سینئر لائن مین تاج محمد مرحوم کی روح کے ایصال ثواب کیلئے فاتحہ خوانی کی گئی۔ اخر میں چودہ اگست کی مناسبت سے واپڈ اکی مین گیٹ پر قومی پرچم بھی لہرایا گیا۔
